Influencing Officer ba PLAN International Timor-Leste baze iha Parlamentu Nasional

TERMU REFERENSIA

Rekrutamentu Influencing Officer ba PLAN International Timor-Leste baze iha Parlamentu Nasional

A. Introdusaun:
Plan International Timor-Leste (PITL) nu’udár organizasaun umanitária internasionál ida ba dezenvolvimentu komunitária ne’ebé sentradu ba labarik, liu-liu realiza direitu labarik feto, ne’ebé la hó afiliasaun relijioza, polítika ka governamentál nian. Plan servisu ona iha Timor-Leste dezde tinan 2001 no atualmente iha programa ne’ebé foka iha nivel Municipio inklui RAEOA. PITL iha komitmentu bo’ot hakarak kolabora ho Estruktura GMPTL, tanba hanesan orgsun tutela ba Parlamentu Nasional (PN), Estado nia entidade prinsipál ida ne’ebé mak responsabilidade ba ‘asegura prosesu halo lei, fiskalizasaun, no desizaun politika sira hala’o ho foku iha area promosaun ba direitu labarik atinji igualdade jéneru’

Orgaun Soberania Parlamentu Nasional ne’ebe hamahan ba GMPTL, nu’udar Instituisaun Estado prinsipál responsabiliza ba kria lei hodi konkretiza komprimisiu Estado ba Konstituisaun, no halo fiskalizasaun ne foti desizaun ba abordajen jeneru multi setoral, asegura dezenvolvimentu inkluzivu, bazeia ba komprimisu internasional sira kona ba Konvensaun Halakon Diskriminasaun Hotu Hasoru Feto (CEDAW), Konvensaun International kona ba Direitu Sivil no Politika (ICCPR), Konvensaun Sosial no Ekonomiku (ICESCR) no Konvensaun Direitu Labarik (CRC). Nomos, hamatan ba Governo iha implementasaun konkreta ba enkuadramentu polítika hanesan Planu Asaun Nasional kontra violensia bazeia ba jeneru, nomos, asegura Rezolusaun Konselu Seguransa Nasoins Unidas 1325 kona ba Feto, Dame, no Seguransa.

PITL ho GMPTL asina oficialmente memorandu entendimentu ho objetivu halo koperasaun iha parte advokasia hodi promove integrasaun prinsipiu igualdade jéneru ba labarik feto no feto, iha lei nasional, asegura aprovasaun ba lei protesaun labarik, nomos garante rezultadu favoravel iha realizasaun ba direitu labarik feto no feto ba igualdade. Kolaborasaun mutual iha area promove servisu advokasia ne’ebe sistimatiku, no organizadu, lidera husi GMPTL hodi asegura direitu labarik, adolesente feto, no feto sira, hetan igualdade iha konteudu aprovasaun lei nasional. Area kolaborasaun espesifiku iha faze dahuluk foka ba papel GMPTL reforsa prosesu loby ba aprovasaun lei nasional protesaun labarik, no fiskaliza iha faze implementasaun, hodi garante rezultadu favoravel ba direitu labarik feto.

Titulu kolaborasaun servisu entre GMPTL ho PITL maka ‘Advokasia ba integrasaun direitu labarik feto iha lei protesaun labarik, fiskaliza aktus responsive Estado iha realizasaun ba direitu labarik feto no feto hodi alkansa igualdade jeneru’.Memorandu Entendimentu faze dahuluk refere kobre periudu tinan tolu, hahu husi tinan 2021 – 2024.

Atu realiza servisu advokasia iha PN relasiona ho direitu labarik feto ba igualdade jeneru bele halao ho susesu, maka, PLAN International Timor-Leste, iha kompromisiiu kolaborasaun atu fornese-delega nia staff nu’udar reprezentante joventude (Feto 1 Mane 1) husi Grupo Aliansa Labarik Feto atu halo parte iha gabinete servisu GMPTL iha PN, hodi hamutuk lidera prosesu sensibilizasaun no loby - advokasia ba prosesu aprovasaun lei protesaun labarik. PITL sei responsabiliza ba garante salário ba reprezentante juventude (Feto 1 ho mane 1), atu sira bele fo’o apoiu tekniku, halao loby-advokasia iha PN nomos Governo, ho finalidade influensia ba lei protesaun direitu labarik iha PN.

B. Objetivu Halo Rekrutamentu:
Objetivu halo rekrutamentu ba influencing officer atu bele suporta servisu advokasia hamutuk ho GMPTL iha PN, ligadu ba aprovasaun lei nasional ba direitu labarik alkansa igualdade jeneru.

C. Kna’ar Influencing Officer:
Halao servisu iha suporta aktividade advokasia GMPTL konaba lei nasional sira iha asegura protesaun ba labarik no garante konteudu lei integra perspektiva igualdade ba labarik feto no feto; (deskreve iha kontratu).

D. Asegura Kompromisu Mútual:
Influencing Officer sei garante koperasaun di’ak no implementasaun di’ak hosi Nota Entendimentu entre parte rua ne’ebe mutualmente konkorda atu:

1. Asegura kooperasaun no fasilita abordajen ida harmonia entre GMPTL ho Plan International iha fornesimentu ba dezeñu, implementasaun, monitorizasaun no avaliasaun ba atividade no eventu influensia;
2. Serbisu hamutuk hodi dezenvolve planu atividade no influensia ba oin no inisiativas hamutuk realiza planeamentu sira mak iha no mós asisténsia finanseira no tekniku tuir kritériu no prosesu sira ne’ebé mak konkorda hamutuk;
3. PLAN International iha komitmentu apoiu GMPTL iha nivel advokasia international ligadu ba protesaun direitu labarik no luta ba igualdade labarik feto no feto.
4. Hafoin halao asinatura formal ba MOU ida ne’e sei hahu imediatamente ho dezenvolve prioridade aktividades annual hodi aloka orsamentu, hahu iha anu fiskal 2021-2022.
5. Funsionamentu tuir Timor-Leste nia enkuadramentu legál no operasionál no mós respeita mutual ba knaar institusionál, mandatu no independénsia;
6. Fornese opiniaun mútual hodi asegura katak labarik hotu, liu-liu labarik feto no feto sira hetan duni impaktus pozitivu nu’udár rezultadu hosi sira atividade influensia ne’ebé parte rua realiza;
7. Rezolve kualkér disputas ka dezakordu ne’ebé mosu iha atividade sira ne’ebé mak sai sujeitu ba Memorandu Entendimentu ida-ne’e liu hosi dalan diálogu no akordu hamutuk.

E. Durasaun Kontratu:
Durasaun kontra ba influencing officer durante tinan ida (1) iha anu fiskal 2021-2022. Kontratu bele hapara ou renova bazeia ba manual operasional PITL, nomos prolongamentu kontratu bazeia ba rekomendasaun husi rezultadu avaliasaun husi parte rua GMPTL ho PITL.

F. Rezultadu Esperadus:
Influencing officer demonstra rezultadu ba atinjimentu servisu tuir planu asaun nebe dezenvolve entre GMPTL ho PITL. Rezultadu atinjimentu ho baze iha konteudu akordu entendimentu entre GMPTL ho PITL (MOU Anexu).

G. Baze Servisu Fatin:
Influencing officer sei halao servisu diaria tuir oras servisu iha RDTL, no baze iha resintu PN espesifikamete iha gabinete estruktura GMPTL.

H. Prosesu ba Rekrutamentu:

1. HR estabelese kriteria;
2. Anunsiu vaga ba publiku tuir regras iha PITL;
3. Simu kandidaturas aplikantes;
4. Halo short list no anunsiu;
5. Entrevista prezensial husi panelistas;
6. Anunsiu kandidatu nebe liu entrevista.
7. Asina kontratu no induction.

I. Tempu Anunsiu Vaga:
Tempu ba anunsiu vaga, halao durante semana ida, liu husi kanal media plataforma sosial.

J. Responsavel & Supervizaun:
Responsavel ba prosesu rekrutamentu maka HR-PITL, kopera ho GA Manager nomos Influencing Manager. Influencing Officer sei relata ba Influencing Manager semanalmente.

K. Kriteria ba rekrutamentu:

1. Lisensiada iha Direito;
2. Prefere i enkoraja kandidata feto;
3. Idade 18 – 25;
4. Sidadaun Timorense;
5. Sufisientemente bele koalia no hakerek diak iha Portugues, Ingles nomos Tetun;
6. Demontsra atitude komportamentu diak;
7. Demonstra abilidade halao lobby level institusional (liu-liu entre Governo ho Parlamentu Nasional), nomos grupu jovens hotu ho diversidade;
8. Servisu obdese ba manual operasional PITL nomos GMPTL-PN;
9. Laos membru Partidios Politicos;
10. Dadaun la servisu/laos funsionariu iha fatin seluk;
11. Hatene uza computador (Word, Excel, Power Point, Publisher);
12. Hatene uza internet-plataforma media sosial (Email-Outlook, Skype, Teams, Zoom);
13. Hatene uza makina fotografia ho rezeltadu signifikante;
14. Hatene halo gravasaun video ba aktividades;
15. Hatene fasilita grupu diskusaun, hatudu abilidade diak iha public speaking, nomos fasil hakerek / produz dokumentus ho lalais hanesan parecer nebe GMPTL solicita imediata.

Ba Plan nia Posizaun no konsultan:

• Iha komitmentu a’as ba direito no participante labarik feto no feto foinsa’e ne’e Importante
• Iha komitmentu a’as ba Direito Labarik ne’e Importante
• Plan sei la tolera ba Abuzu hasoru Labarik. Kandidatus ne’ebe susesu sei expeta hodi tuir Plan ninia polisiamentu “Salvaguarda Labarik no Foinsae”
• Sei kontaktu deit ba kandidatus ne’ebe liu prosesu seleksaun
• Kandidatus ne’ebe passa iha seleksaun dokumentus sei rekere hodi tuir interview.

Loron ikus ba hatama aplikasaun maka: tuku 5 lorokraik, 18 June 2021
Atu aplika ba posizaun ida nee, favor haruka Resumu/CV ho karta aplikasaun ho naran no nomor kontakto ba referencia nain 3, ba PlanTL.Jobs@plan-international.org
Sei la simu aplikasaun direita!
Se karik iha pergunta bele hato’o hosi email iha leten ou bele kontakto ba numeru (+670) 331 2492.