Vaga Servisu ba Formadór ba lian Korea iha Matenek Training Centre (MTC)

 

VAGA SERVISU

 

Introdusaun

 

Matenek Training Centre (MTC) nu’udar sentru formasaun vokasionál ida ne’ebé hetan ona ninia rejistrasaun husi Instituto Nacional Mão-de-Obra (INDMO) iha tinan 2018. MTC eziste ho vizaun atu lori oportunidade formasaun profesionál ba to’o komunidade sira iha área rurál no munisipál iha Timor-Leste liliu Munisípiu Bobonaro. Objetivu husi formasaun profesionál mak halo kapasitasaun ba foinsa’e sira ne’ebé orienta ba asesu oportunidade servisu no edukasaun ne’ebé di’ak iha nível nasionál no internasionál.

 

Oras ne’e dadaun MTC halo hela formasaun lian Korea ba foinsa’e sira hamutuk nain 130 iha Maliana. Haree ba nesesidade iha terenu mak MTC loke tan rekrutamentu ba formadór lian Korea nian nain 2 hanesan tuir mai ne’e.

 

 

Programa	: Formasaun ba lian Korea
Lokalizasaun servisu	: Maliana villa
Pozisaun	: Formadór ba lian Korea
Tipu de kontratu	: Full time (max oras 40/semana)
Durasaun	: Fulan neen no bele extende bazea ba avaliasaun dezepeñu
Periodu servisu	: Bele hahú iha tempu besik bainhira kandidatu selesionadu
Saláriu & benefísiu	- Saláriu USD 400.00 (hasa’e gradualmente tuir dezempeñu) - Hahan:USD 30.00 - Pulsa: USD 20.00 - Hela-fatin/kost uma: USD50.00 max (karik husi Munisípiu seluk)

 

Responsabilidade formadór nian;

1. Dezenvolve material formasaun nian tuir polítika formasaun organizasaun nian ne’ebé prevee ona.
2. Fó formasaun tuir môdulu ne’ebé prepara ona.
3. Halo avaliasaun ba formandu sira tuir polítika formasaun nian ne’ebé dezeña ona husi jerente do programa/organizasaun.
4. Entrega rejultadu formandu sira nian ba organizasaun hodi halo certifikasaun ka graduasaun.
5. Formadór mós sei koopera ho parte jestaun hodi kria/implementa polítika ruma ne’ebé iha nesesidade ba atividade formasaun iha programa kursu lian Korea.

 

Kritéria esensiál sira:

1. Aprende ona lian Korea ka servisu iha Korea mínimu tinan 1.
2. Eperiênsia nu’udar formadór ba dalen Korea mínimu tinan 1.
3. Esperiênsia servisu iha área seluk ne’ebé relevante ho lian Korea mínimu tinan 2.
4. Hatene utiliza komputadór no projetór.

Preferénsia sira:

1. Iha ona formasaun lian Korea iha estranjeiru prinisipálmente Korea do Sul.
2. Iha evidénsia hanesan sertifkadu ba formasaun lian Korea ne’ebé rekoñese internasionálmente ka passa ba teste atu ba servisu iha Korea do Sul.
3. Tuir ona formasaun ba Sertifkadu III /IV nu’udar formadór nian.
4. Iha karta kondusaun motor ne’ebé válidu.
5. Ema ne’ebé husi ka hela iha Maliana.

Dokumentu sira:

1. CV
2. Karta aplikasaun
3. Kartaun eleitor ka BI
4. Setfikadu relevante.

 

Referénsia sira:

1. Supervizór ka xefe uluk nian 2.
2. Professor iha nível edukasaun ikus nian 1 no supervizór ka xefe uluk nian 1.

 

Aplikasaun – submete aplikasaun liu husi e-mail ba matenek.tr.centre@gmail.com /& WA ba 76696919 .

 

Data ikus aplikasaun: Loron 22 fulan Setembru tinan 2021.