Produsaun Video istória susesu implementasaun programa AHP COVID no AHP Prontu ba Desastre - Oxfam Timor-Leste

 

Termu Referensia

Produsaun Video istória susesu  implementasaun programa AHP COVID no AHP Prontu ba Desastre

 

Introdusaun

 

Oxfam Timor-Leste hetan fundus husi Australian Humanitarian Partnership hodi implementa programa tolu mak hanesan Programa Prontu ba Desastre no Programa Responde ba Covid-19 . Husi programa rua ne’e Oxfam uza aprosimasaun parseiria hodi implementa programa hirak ne’e.

Area implementasaun husi program hirak ne’e mak iha Municipio Dili, Liquica, Ermera, Ainaro,

ho parseiru nain 7 mak hanesan KSI, PERMATIL, CCC, CVTL, AFFOS, BIFANO no RHTO.

Programa ida ne’e iha objetivu sira mak 1) komunidade sira iha ona preparasaun ne’ebe diak ba desasre sira ne’enbe akontese derepente no mos neneik.  2) feto, ema ho defisiensia joven no labarik sira nia nesesidade hatan ona iha prearasaun no responde ba desastre iha nivel hotu-hotu. 3)  Governu, NGOs, seitor privadu no komunidade sira iha ona kordinasaun ne’ebe efetivu ba preparasaun no responde ba desastre ne’ebe inklusivu.

Iha programa ne’e Oxfam servisu hamutuk ho nia parseiru sira hodi estabelese Planu Asaun Komunidade (PAK), implementasaun aktividade ki’ik nebe identifika iha PAK hanesan halo bronjong lokal no kuda ai iha fatin risku desastre, retiva komisaun jestaun disaster iha nivel suco to’o nivel munisipiu ou regional no fornese formasaun oi-oin kona ba oisa komunidade sira bele prepara a’an hodi hasoru desatre. 

 

a.       Programa Responde ba Covid-19

 

Iha programa ne’e Oxfam servisu hamutuk ho parseiru sira hodi responde ba Covid-19 ne’ebe afeita ba komunidade nia moris liu-liu iha sira nia vida moris nian tan ne’e liu husi programa ne’e Oxfam ho nia parseiru fornese sasan sira iha niel uma kain mak hanesan pakote ai-han no pakote lao’s ai-han, fornese mos fini no fatin rai fini, fasilita agregadores hodi sosa komunidade nia produsaun ai-han hodi faan iha merkadu.

Iha nivel instituisaun Oxfam ho nia parseiru mos  fornese fatin fase liman, sabaun, maskra, hand sanitizer no halao pratika fase liman. Alinede ne’e Oxfam ho parseiru mosh ala aktividade balun hodi hasae komunidade nian konsensia ba oinsa halo prevensaun ba Covid-19 liu husi radio no uja auto flante (TOA). Objetivu husi programa ida ne’e mak atu supporta komunidade sira hodi bele halao nafatin sira nia aktividade lor-loron nian maibe tenke tuir protokolu ne’ebe mai husi Ministeriu Saude no Organizasaun Saude Mundial

Programa ne’e implementa husi parseiru 5 mak hanesan KSI, PERMATIL, BIFANO, AFFOS no RHTO

Agora dadaun Oxfam iha ona tinan ikus nian ba programa rua ne’e tan ne’e Oxfam hakarak tebes atu produs filme badak ba programa rua ne’e ne’ebe fokus liu ba inklusaun ema ho defisiensia iha implementasaun programa no hatudu evidensia ne’ebe forte hodi hamenus risku disaster iha terenu. Ho nune’e Oxfam ho nia parseiru sira buka hela atu halo produsaun filme badak rua ho durasaun menitu 3(ida ba Programa DRP no ida seluk ba programa responde COVID-19) 

 

ne’ebe foku liu ba historia ne’ebe real iha terenu kona ba impaktu positive husi implementasaun programa Prontu ba Desastre no Programa Responde ba COVID-19. Filme hirak ne’e koalia kona ba esperiensia real husi membru komunidade sira ne’ebe hola parte husi programa rua ne’e. filme ida ne’e mos sei fo inspira no kompresaun ba transformative impaktu husi programa rua ne’e ba komunidade nia moris liu-liu iha asuntu preparasaun responde ba humanitarian no prevensaun ba Covid-19 hodi melhora komunidade nia vida moris.

 

Diferensia husi Filme rua ne’ebe atu produs:

• Filme ba Programa Prontu ba desastre ne’e sei fokus liu ba komunidade no komisaun Jestaun Desastre Suco (KJDS) nian ba planu preparasaun hodi responde Desastre nian no nia impaktu positivu sira husi implementasaun programa Prontu ba Desastre. (e.g. pratika preparasaun responde disastre ne’ebe inklusivu)
• Filme ba Programa Responde ba COVID-19 ne’e sei fokus ba oinsa komunidade Oecusse halo ona mitigasaun ba prevensaun COVID-19 ou bele kontribui ba hamenus transmisaun COVID -19 iha Oecusse.

 

Targetu audensia.

Audesia target mak komunidade, governo (municipiu, Nasional), conselho Suco no ba doaderes sira liu-liu ba AHP  nudar hanesan base de evidensia ida no bele uja hanesan referensia ba sucu sira seluk ne’ebe Oxfam seidauk servisu ba.

 

Consultant (Agensia) ba produce film ne’ebe Oxfam buka no Tempu halo Filme

Ema nebe halo film mak hela iha Timor (bele Timor Oan ou estranzeiru maibe hela iha Timor). Prosesu halo filme ne’e sei hahu husi fulan Janeiru (semana segundu) –  no kompleta iha Fulan klaran iha Marsu 2022.

1. Responsabilidade ajénsia filme nian

Ajénsia ne’ebé selesionadu sei responsabiliza ba:

• Draft planu ne’ebé inklui ona ho oráriu atividade nian no hatama ba working group husi Oxfam
• Review tuir feedback Oxfam nian no finaliza no hetan aprovasaun husi Oxfam
• Shooting iha treinu ho suportasaun husi Oxfam ho Oxfam nia parseiru
• Edit no produs filme versaun draft
• Hatudu versaun draft ba Oxfam no hetan feedback husi Oxfam hodi hadiak (halo editing) antes submete versaun seluk
• Finaliza filme tuir feedback ho finalmente aprovasaun husi Oxfam
• Filme hirak ne’e sei iha subtitle iha lian Ingles ne’ebe proof editing husi Oxfam. Alinde ne’e sei halo mos subtitle iha tetum karik target group sira koalia iha lian lokal (e.g. Iha Oecusse ema barak mak koalia Baikenu antaun presija iha subtitle Tetum)
• Filme ne’e mos sei iha interpretasaun jestual atu ema ho defisiensia sira mos bele aseseu
• Hatama filme ne’e ho usb ida file size boot (Rezolusaun boot) ne’ebé bele uja ba screening no file size ki’ik (Rezolusaun ki’ik) ida hodi upload ba internet ho social media
• Aliende filmazem, ajensia mos sei hasai foto ho kualidade diak ou rezolusaun diak ba prgrama rua ne’ebe foku ba impaktu husi implementasaun programa no submete ba Oxfam (Human Interest Photo)
• Tuir padraun Oxfam Timor-Leste nia katak Fotografia no filme sira ne’ebe foti, tenki inklui ho formulariu konsentu ne’ebe asina ona hosi ema hirak ne’ebe iha foto no filme laran.
• Ajensia konkorda atu tuir no asina Oxfam nia politika sira ne’ebé relevante inklui politika protesaun labarik.

 

2. Responsabilidade Oxfam

Oxfam no Ho Musan Ida sei responsabiliza ba:

• Organiza membru grupu atu bele hamutuk iha fatin ida
• Organiza feto no mane iha area target atu fo nia tempu ba shooting
• Halo pagamentu 50% iha dahuluk kuandu asina ona dokumentu kontratu, no 50% depois de Oxfam simu ona ninia versaun final ne’ebé Oxfam aprova.
• Oxfam no sei prontu atu fornese informasaun xave sira ajénsia filme ne’ebé selesionadu. Maibé ajénsia ne'e sei iha biban atu halibur informasaun husi área projetu liu husi prosesu participatory atu bele kompriende di'ak liu tan.
• Organiza no selu transporte no akomodasaun iha treinu
• Review no fó feedback ba planu, filme no halo aprovasaun bainhira filme rua (2) ne’e tuir ona Oxfam nia estandarte.

 

3. Notes ne’ebé presiza atu konsidera:

• Filme tenke kualidade di’ak no tuir estandarte internasionál nian
• Filme tenke inklui logo: Oxfam no doadór Oxfam nian (AHP no DFAT)
• Filme tenke hetan aprovasaun final husi Oxfam antes finaliza no hetan pagamentu final
• Oxfam iha direitu atu husu responsabilidade husi ajénsia nian atu review no hadi’ak filme nee to’o filme nee tuir estandarte Oxfam antes Oxfam no halo aprovasaun final
• Oxfam mak iha diretu total ba copywrite film ne’e. Ajensia ne’ebé halo filme konkorda atu la kaer copywrite ba filme ne’e ka footage ne’ebé sira foti durante shooting.

Fontes Xave sira ne’ebe atu involve iha filme

• Feto ne’ebe sai xefi família
• Feto ho defisiensia
• Ema ne’ebe mak idosu
• Conshelu Suku
• Komisaun Jestaun Desastre iha Nivel suco to’o Muicipio ou Regiaun.
• Representante Parseiru sira.

Oinsa ajensia filme sira bele aplika:

• Submete ita bo’ot nia CV
• Submete mos ho ita bo’ot nia portfolio fotogragia no filme 
• Fahe link publikasaun fotografia/filme ne’ebe ita produz ona iha kanal internet
• Favor submete ita bo’ot nia aplikasaun hahu hosi loron 20 fulan dezembru 2021 to’o loron 07 fulan Janeiru 2022.  Bele diriji ba  Ross Merry  liu husi email  rossmerrydagloriam@oxfam.org.au