Ofisial Senior – Parseria no Treinamentu iha (Unidade Jéneru & Kualidade Programa) - CARE International iha Timor-Leste – CITL

 PUBLISIDADE VAGA SERBISU

Internalmente & Externalmente 

CARE International iha Timor-Leste – CITL

 

Departmentu/Projetu	Unidade Jéneru & Kualidade Programa
Posizaun	Ofisial Senior – Parseria no Treinamentu
Supervisor	Jerente Senior – Jéneru no Kualidade Programa
Grau	5 step 1
Salariu	Husi USD  750 kada fulan plus benefisiu seluk tan
Lokasaun Servisu	Dili
Relata ba	Jerente Senior – Jéneru no Kualidade Programa
Periodu Kontratu	Tinan ida
Data taka aplikasaun	13 de Maio 2022
Aplikasaun tenki inklui	CV ho karta aplikasaun deit
Aplikasaun tenki haruka ba	Teresa.Barros@careint.org

INTRODUSAUN:

CARE International iha Timor-Leste (CITL)’s nia programa longu-prazu nia objetivu mak atu hadia feto no labarik-feto sira-nia lian no moris-di'ak iha área rurál sira ne'ebé desfavoresidu ho setór prioritariu espesífiku sira inklui feto sira-nia lian, hakbiit feto sira nia ekonomia, saúde seksuál reprodutiva maternu no Direitu no edukasaun.  CITL nia unidade Jéneru no Kualidade Programa (GPQ – Sigla Ingles) responsabiliza ba kualidade programa hotu-hotu ne’ebé hala’o husi CARE no nia parseru sira ne’ebé alinha ho Program Longu-Praju nian. Unidade ne'e foka liu ba monitorizasaun ho kualidade aas, avaliasaun no aprendizajen, Igualdade jéneru no hakbiit feto sira, parseria no partisipasaun komunidade, prevensaun asediu, esplorasaun seksuál, abuzu no protesaun labarik, rekolla evidénsia no advokasia.

CITL nia objetivu ida mak atu harii portofolio parseria bazeia ba programa longu prazu (LTP) nia objetivu atu hadiak moris-di'ak no lian husi feto no labarik-feto sira-nian iha área rurál sira ne'ebé desfavoresidu, serbisu liu hosi aproximasaun feto sira-nia empoderamentu, reziliensia no governasaun. Parseiru sira ne'ebé CITL hakarak atu servisu hamutuk mak organizasaun sosiedade sivíl Timor-Leste nian, Governu, INGO/multilaterál sira, instituisaun peskiza/akadémiku no doadór sira. CITL adopta ona prinsípiu xave sira kona-ba parseria hanesan respeitu malu no fiar malu, adaptabilidade, transparénsia, responsabilidade no valór komún sira. CITL iha objetivu atu servisu liu husi tipu parseria oin-oin: parseru estratéjiku, parseru implementador, parseria tékniku. CITL mos sei partisipa iha parseria no rede advokasia no aliasan nian.

Unidade jéneru no kualidade programa nian mak responsabiliza atu apoia kontinuasaun kapasitasaun ba funsionariu sira CARE nian liu husi treinamentu; haforsa CARE nia kapasidade atu hala'o análize no produz evidénsia hodi kompriende di'ak liu tan kauza kiak no marjinalizasaun no impaktu husi servisu CARE nian. Ekipa ida ne'e sei asegura katak jéneru no empoderamentu feto mak sentrál ba CARE nia estratéjia no atividade programa nian no promove kultura aprendizajen ida hodi jere no fahe informasaun atu hadi'a kualidade programa nian. Ekipa ne'e iha responsabilidade atu asegura monitorizasaun, avaliasaun, medida impaktu no sistema aprendizajen ne'ebé implementa, no harii kualidade, eskopu no efetividade husi CARE nia portofolio parseria ho sosiedade sivíl, Governu no doadores sira.

OBJETIVU HUSI POZISAUN:

Ofisiál seniór – Parseria no Treinamentu sei responsabiliza ba fornese treinamentu sira kona-ba Igualdade jéneru no diversidade, envolve mane no labarik-mane, protesaun labarik no prevensaun asediu, esploitasaun seksuál no abuzu ba funsionáriu sira no mós ba parseiru sira. Ho apoiu husi jestór seniór no membru ekipa jéneru no kualidade programa sira seluk (ekipa GPQ), pozisaun ida ne'e mós sei responsabiliza atu hala'o mapeamentu parseria, avaliasaun, monitorizasaun no formasaun ba parseiru sira hanesan CARE nia rekerimentu ida.

Presiza nivel profisionalizmu ne'ebé aas, exelente iha abilidade treinamentu nian no bele servisu ho auto-konfiansa aas no kolaborasaun diak ho membru ekipa sira seluk iha unidade GPQ nian.

Pozisaun ne'e lokaliza iha Dili ho viajen ba munisípiu ne'ebé frekuentemente sei halao ba eskritóriu sira kampu/munisípiu.

RESPONSABILIDADE PRINSIPAL:

Treinamentu:

• Apoia Unidade Jéneru no kualidade programa hodi dezenvolve planu sistemátika ida ba treinamentu sira ne’ebé ho obrigatóriu no atualizasaun (refresher)
• Prepare ajenda treinamentu no material nesesariu sira antes hahu ho treinamentu ida.
• Lidera no fó treinamentu kona-ba Igualdade jéneru, envolve mane no labarik-mane sira, protesaun labarik no prevensaun esplorasaun seksuál no abuzu ba funsionáriu sira no parseiru sira seluk.
• Lidera ba analiza partisipante sira-nia komentáriu no prepara relatóriu badak ba jestór seniór ne'ebé sei inklui ho sumáriu kona-ba asuntu xave sira ne'ebé foti iha treinamentu no sujere rekomendasaun sira ba oin.
• Arkiva dokumentu hotu-hotu parseria no mos trainamentu nian.
• Tulun jestór seniór no membru ekipa sira seluk hodi halo revizaun no redefini CARE nia abordazem ba kapasitasaun/treinamentu no instrumentu sira seluk.

Parseria:

• Apoia jestór/espesialista parseria nian iha identifikasaun no mapeamentu parseiru potensiál sira ho CITL no atualiza baze de dadus parseiru potensiál sira-nian.
• Involve iha hala'o avaliasaun ba kapasidade parseria nian, apoia jerente/ espesialista atu dezenvolve no monitoriza planu kapasitasaun nian.
• Asegura no hala’o funsaun foti minutas reuniaun ho parseru sira nian ho loloos no sirkula.
• Asegura katak kontratu sira ho parseru adere/kumpri CITL nia estratejia parseria nian.
• Treinu CITL nia funsionáriu sira kona-ba instrumentu/feramentus sira husi estratéjia parseria nian.
• Tuir orientasaun hosi jestór seniór no jestór/espesialista parseria nian, mantein komunikasaun regulár no oráriu vizita regulár ba eskritóriu parseiru sira nian wainhira presiza, nune’e bele asegura relasaun konsistente, atualizasaun informasaun no dadus sira no kontinua asegura komentáriu hosi parte rua nian.
• Fasilita enkontru atu revé no atualiza planu monitorizasaun parseiru nian iha kada trimestre inklui oráriu reuniaun, atualiza planu no koordenasaun no akompaña ho departamentu/projetu relevante sira iha CITL nia laran
• Tulun jestór parseria/espesialista iha hala'o revizaun regulár kona-ba aproximasaun parseria no sistema jestaun parseria inklui kontribuisaun ba dezenvolvimentu no akompaña revizaun ba prosesu no instrumentu sira ne'ebé iha.
• Mantein baze de dadus no kontaktu parseiru nian kompletu no atualizadu.
• Apoia ekipa GPQ hodi kapta lisaun sira husi esperiénsia sira uluk nian ho baze ba hanoin atu redefine CITL nia abordazem sira ba servisu ho parseru nian no haforsa sosiedade sivíl.

Seluk-seluk tan:

• Promove ambiente servisu ida-ne'ebé seguru; promove kultura sira kona-ba seguru no seguransa, konsensializasaun no akompaña nafatin CARE nia polítika seguransa nian, prosedimentu no diretiva sira hotu.
• Demonstra kompriensaun sira kona-ba Igualdade jéneru no empoderamentu feto no komprometidu ba CARE nia abordazem no valór sira inklui diversidade étniku no sensibilidade kulturál.
• Defende no promove CARE nia komitmentu ba protesaun labarik no kódigu konduta.
• Partisipa ativu iha grupu traballu jéneru, MEL, parseria inklui lidera asaun ba jéneru no prioridade relevante sira seluk relasiona ho Unidade GPQ nian.

ESPERENSIA NO KUALIFIKASAUN SIRA:

Konhesimentu no experensia ne’ebe requere:

  Grau Lisensiatura iha area relevante (edukasaun, dezenvolvimentu, no seluk tan)

• Konhesimentu exelente konaba metodolojia partisipatóriu no abilidade forte iha fasilitasaun nian.
• Prefere liu iha experiensia servisu ho parseiru
• Persiza tebes Iha konhesimentu forte konaba igualdade jéneru, empoderamentu feto no abordazem sira kualidade programa nian.
• Iha konhesimentu diak konaba kontekstu kultural no norma sosial sira iha Timor-Leste.
• Abilidade komunikasaun aas iha lian Tetun no hatene lian English sai vantazem liu tan.

Konhesimentu no atributu pesoal nian:

• Iha kbiit atu serbisu ho sistemátiku no organizadu tuir tempu ne'ebé alokadu.
• Iha konhesimentu exelente ba komputador liu-liu iha excel, word no outlook
• Flexivel no hatudu servisu ekipa ne’ebé forte
• Hatudu komitmentu aas ba CARE nia valóres sira (respeita, exelensia, diversidade no integridade) no servisu ekipa.
• Hatudu abilidade aas ba jere tempu, inklui abilidade ba planeamentu no halo balansu ba prioridades sira oin-oin no asegura katak prosesu hotu-hotu bele kompleta tuir tempu ne’ebé alokadu ona.
• Bele kompriende no iha abilidade atu kumpri no halo tuir polítika CITL nian hotu-hotu no prosedura sira ne’ebé sai nudar padraun servisu CITL nian.
• Kandidatu tenke organizadu, efetivu, kreativu, servisu ekipa no motivasauan aas ba servisu

 

Atu rekompensa ba ita boot nia komitumentu, ita boot sei hetan benefisiu husi dezenvolvimentu profesionlismu nian no halo inovasaun ho invairomentu atu muda ita nia hanoin plus pakote benefisiu ne’ebe komprehensivu.

 

Atu aplika ba pozisaun ne’e, favor hatama ita-nia karta rekerimentu no Curriculum Vitae ho referénsia ema nain rua (Favor KETA aneksu dokumentu seluk) liu husi email teresa.barros@careint.org, KA hatama ba Edifisu CARE Internasional iha Timor Leste, Bairo Pitte antes ka ba data 13 de Maio 2022. CARE sei kontaktu deit ba kandidatu sira nebe’e hetan suksesu atu halo entrevista.

CARE fo oportunidade ne’ebe hanesan ba staf hotu atu komete ba diversidade servisu nian. Feto mak sei prioridade liu atu apply ba posisaun ida ne’e.

CARE International Timor Leste iha komitmentu atu proteze ba labarik nia direitu iha area nebe ita Servisu. CARE International Timor Leste iha direitu atu buka dadus revista ruma nebe asegura labarik nia ambiente atu bele seguru.