Espesialista Treinamentu ba Aprovizionamentu no Jestaun Kontratu (Postu 1) - Ministériu Finansas

 

RE-ANÚNSIU

 

I. Título :  Espesialista Treinamentu ba Aprovizionamentu no Jestaun Kontratu (Postu 1)

 

II. TerMUS de ReFERÉNSIA

Aneksu

 

III. Prosedimentu aplikasaun

Vizita ami nia website www.mof.gov.tl  hafoin ba click iha ‘Vacancy Announcement’ hodi haree informasaun kona-ba ami nia prosesu rekrutamentu no rekerimentu ba aplikasaun inklui mós oinsá atu haruka ita boot nia aplikasaun.

 

Karta aplikasaun tenke diriji ba Diretór Nasional Rekursus Humanus, liu husi liu husi e-Recruitment Portal Ministériu Finansas ho loron ikus nian maka Segunda-feira, data 11 Julho 2022, tuku 17:00 oras Timor-Leste.

 

Aplikasaun tenke inklui ; (a) karta aplikasaun (b) CV/rezumu detallu la liu pájina 7 (husu ba aplikante atu hakerek detalhu sira nia nível edukasaun husi Ensino báziku to nível edukasaun ikus) (c) Resposta ba kritéria Selesaun (d) Kopia diploma ikus legalizadu original husi MESCC (e) Bilhete Identidade

 

Aplikante sira hotu tenke fó resposta klaru ba kritéria selesaun ne’ebé iha Termu Referénsia, favor deskreve oinsá aplikante prenxe duni kritéria. Hein katak ita boot la copia deít husi rezumu CV maibé ho klaru oinsá ita boot hetan onsa kompeténsia sira ne’e bele fó mós ezemplu badak ruma, no seluk tan.

 

Sei la konsidera aplikasaun ne’ebé la kompletu.

Sei kontaktu de’it ba kandidatu ne’ebé liu iha selesaun dokumentus.

Kandidatu selesionadu sei presiza submete Rejistu Kriminál no Atestadu Médiku recentes.

 

 

 

 

Joanico Pinto

Diretór Jeral Servisu Korporativus

Ministériu Finansas, RDTL

***********************************************************************************************************

TERMU REFERENSIA

 

Títlu Pozisaun : Espesialista Treinamentu ba Aprovizionamentu no Jestaun Kontratu (Postu 1)

 

Objetivu : Pozisaun ida ne’e sei responsável atu Atu dezenvolve no dezeña planu kuríkulu nomós material hanorin no aprendizajen ho kolaborasaun ho Diresaun Nasionál Aprovizionamentu, Diresaun Nasional Administrasaun no Jestaun Kontratu; atu fornese treinamentu ba funsionáriu Ministériu Finansas, Liña Ministériu/Ajénsia Autónomas/Institusaun Estadu, Munisípiu no RAEOA iha area aprovizionamentu no jestaun kontratu.

 

Relata ba : Diretór-Gabinete Polítika Reforma no Kapasitasaun Jestaun Finansas Públikas (GPRKJFP).

 

Kontraparte(s) : Subject Matter Experts/SMEs husi Diresaun Nasionál Planeamentu; Diresaun Nasional Orsamentu, UPMA no ofisiál GPRKJFP ne’ebé involve iha formasaun no avaliasaun.

                        

Klasifikasaun : C2.1.1. Tékniku Espesializadus 

 

Salário : $1.260/Fulan

 

Aprovasaun : Marsu 2022

 

Durasaun : Tinan ida ho posibilidade atu ekstende bazeia ba dezempeñu no nesesidade organizasaun.

 

Fatin Servisu : Pizu 2, Gabinete Polítika Reforma no Kapasitasaun Jestaun Finansas Públikas, Ministériu Finansas, Dili, Timor-Leste.

 

 

 

I. KRITERIA SELESAUN 

Essential 

1. Lisensiatura iha área Jestaun Negósiu, Finansas, Jestaun, Kontabilidade, Ekonomia no/ka Jestaun Públiku no/ka área relevante sira seluk;

2. Iha koñesimentu extensivu no abilidade atu dezenvolve metodolojia, ferramentas no matéria ba formasaun;

3. Iha koñesimentu exselente no abilidade atu uza Sistema Government Resource Planning (GRP) partikularmente FreeBalance ho modulu Aprovizionamentu no Jestaun Kontratu.

4. Hatudu esperiénsia komprovada kona-bá fornese treinamentu aprovizionamentu no jestaun kontratu ba institusaun públiku.

5. Iha koñesimentu di’ak ba Enkuadramentu lejislativu Jestaun Finansas Públikas (JFP), inklui  polítika no prosedimentu finanseiru governu, Padraun Prosedimentu Operasional/SOP no aplika tuir konformidade polítika no prosedimentu ministériu nian.

6. Iha koñesimentu médiu-avansadu kona-bá konseitu, sistema no prosesu aprovizionamentu no jestaun kontratu iha MF;

7. Hatudu profisiensia iha uzu ba Aplikasaun IT nian hanesan Ms. Word, Excel, no Power point.

8. Abilidade atu komunika tantu iha hakerek no koalia ho lian Tetum, Portugés no Inglés

9. Iha esperiensia aprezenta informasaun, treina no fo formasaun ba ema seluk iha area espesializadu.

 Preferível

1. Mestradu iha Supply Chain Management, Finansas, no/ka iha esperiensia servisu mínimu tinan lima (3) nudar treinador ba area relevante;

2. Koñesimentu di’ak ba padraun no boa pratika
3. Iha sertifikadu IV (Treinamentu no Avaliasaun)
4. Fleksibilidade atu hala’o viajem ba munisipiu wainhira nesesita;

5. Iha koñesimentu di’ak no esperiensia servisu iha área relevante husi setor públiku.

 

 

II. Ambito Servisu 

Knaar no Resposabilidade & Indikador dezempeñu
1. Dezeña, dezenvolve no implementa matéria kuríkulu no matéria aprendizajen no/ka formasaun nian

1.1. Kuríkulu no matéria aprendizajen kona ba aprovizionamentu no jestaun kontratu ne’ebé preparadu aliña ho metodolojia aprovadu no padraun kompeténsia JFP fornesidu husi GPRKJFP.

2. Fornese treinamentu ba entidade Governu ne’ebé nesesita suporta iha kapasitasaun iha área JFP nian. |

2.1. Asegura alvu treinamentu fornesidu tuir kalendáriu formasaun ne’ebé determinadu ona.
2.2. Asegura treinamentu sira fornesidu ho effetivu no efikas.

3. Prepara metodolojia hanorin ho ekipa GPRKJFP hodi asegura katak oráriu, materias no responsabilidade klaru ona.

3.1. Metodolojia apredijazem preparadu ho maneira tuir tempu;
3.2. Relatóriu kona-bá progresu relata regularmente ona ba iha Diretór Gabinete PRKJFP.

4. Serbisu hamutuk ho SMEs (Subject Matter Experts) husi entidade serbisu aprovizionamentu iha Ministériu Finansas iha termu dezenvolve matéria formasaun, ferramenta no metodolojia. 

4.1. Boa prátika planu avaliasaun, metodolojia no feramenta dezenvolve tuir tempu. 
4.2. Matéria treinamentu preparadu ba kada faze/nível no prontu atu utiliza ho akordu ba oráriu.

 
5. Fornese informasaun relevantes ba Diretór Gabinete PRKJFP kona-bá progresu nível treinamentu no pozisaun husi benefisiáriu sira.

5.1. Informasaun nesesidades fornesidu bainhira nesesáriu. 
5.2. Nesesidade informasaun identifikadu no foti ona asaun proativu atu fornese informasaun ba Superior no parte relevantes; 
5.3. Relatoriu progresu nível treinamentu preparadu no submetidu ba superior

6. Asisti no/ka serbisu hamutuk ho Gabinete Sistema Informasaun Integradu Jestaun Finansas-MF atu dezenvolve aplikasaun foun ba treinamentu aprovizionamentu no jestaun kontratu.

6.1. Nível asisténsia fornesidu konforme nesesidade husi unidade serbisu relevante.

7. Dezempeña funsaun diversa serbisu  relasionadu tuir orientasaun husi Diretór Gabinete PRKJFP.

7.1. Funsaun atribuída realiza ho diak no haktuir tempu determinadu. 
7.2. Disponível atu serbisu oras extra wainhira nesesáriu no bele kumpri prazu apertadu. 
7.3. Nível satisfasaun husi superior ho tarefas no informasaun konkluidu inklui fornese dadus ho presizaun no pontualidade iha konkluzaun serbisu.

III. DELIBERASAUN XAVE

Ho akordu no indikadores dezempeñu ne’ebé temi iha leten:

• Durante semana hat (4) inísiu, dezenvolve Planu Atividades Servisu/ Traballu Individual ne’ebé konsistente ho atividades relevantes no indikadores dezempeñu tuir planu  tinan lima (5) Ministériu nian no submete ba Diretur Gabinete Polítika Reforma no Kapasitasaun Jestaun Finansas Públikas (GPRKJFP) nia aprovasaun. 
• Submete dokumentasaun formasaun nian hanesan matéria, metodologia, no ferramentas ne’ebé hodi fornese formasaun ba participantes sira;
• Submete relatórius mensal no relatório progressu trimestral/ relatóriu kada fulan tolu (3) ba Diretur ba Gabinete Polítika Reforma no Kapasitasaun Jestaun Finansas Públikas (GPRKJFP) nia aprovasaun n DNRH tuir planu servisu ne’ebé mak aprova ona ona husi Superior;
• Hato’o relatorio ikus konaba servisu hotu ba Diretor Gabinete Polítika Reforma no Kapasitasaun Jestaun Finansas Públikas (GPRKJFP), tarde liu loron 10 antes kontratu remata

 

 

IV. Avaliasaun Dezempeñu 

 

Dezempeñu individu ne’e nian, sei hetan avaliasaun husi ninia superior ka Diretór Gabinete Polítika Reforma no Kapasitasaun Jestaun Finansas Públikas (GPRKJFP) no sei avalia mos husi unidade ka diresaun nasional relevante sira iha Ministériu tuir Sistema Avaliasaun Dezempeñu Ministériu Finansas nian, no sei monitoriza husi Diresaun Nasional Rekursus Humanus (DNRH)-DJSK. Prosesu ida ne’e inklui periódu probatóriu fulan rua (2) hafoin hahú servisu, prepara relatoriu regular, komunikasaun kontinú no avaliasaun dezenpeñu annual. Ministériu iha ninia Indikador Dezempeñu Xave ka Key Performance Indicator (KPI) iha area hotu-hotu, tamba ne’e, Individu nia servisu sei kontribui ba atinjimentu prioridades hanesan hatuur iha sira nia TOR no Planu Tinan lima (5) Ministériu nian.