Mediku geral (dokter umum) - Klinika Dolce Cuore

VAGA SERVISU

 

Pozisaun : Mediku geral (dokter umum)

Edukasaun : Medicina geral (kedokteran) 

Objetivu Servisu : Prepara servisu atendementu no tratamentu saúde professional ba pasientes sira ne’ebé mai iha klinika no pasientes sira ne’ebé iha area rural Municipio Baucau.

Relata ba : Diretór Klinika & Farmacia no Doadores

Area servisu : Municipio Baucau

 

Klinika Dolce Cuore hahu estabelese iha Baucau, iha 2020, lokaliza iha Avenida; Jose da Costa Amancio “Mau Hudo” (antigu rua uma-lima) – Baucau. Klinika ne’e mos inaugura iha Fulan Abril 2020 husi doador, autoridade locál, membrus board no Igreja. Klinika ne’e iha nia atividades rua (2) mak hanesan: Konsultório Médiku no Farmaçia retalla. Objetivu husi hari’i klinika ida ne’e atu prepara atendimentu klinikal ba komunidade sira ne’ebé presiza. Konsultório mediku hala’o iha klinika rasik no mos iha area rural (outreach) tuir horario ne’ebé prepara ona. Klinika Dolce Cuore iha nia Farmacia rasik hodi fa’an aimoruk sira tuir rekezitus Ministeriu da Saúde nian no mos hodi atende necesidades komunidades nian. Klinika Dolce Cuore ne’e mos hetan ona licença operasional Klinika no Farmaçia retalla husi Ministério da Saúde nomos Licença husi SERVE.I.P iha 2021.

Tan ne’e oras ne’e dadaun Klinika Dolce Cuore buka hela ema ida ho nia background Mediku geral (dokter umum) ida atu bele fasilita servisu konsultorio mediku iha klinika no ba outreach ne’ebé iha esperiénsia no abilidade diak hodi hala’o servisu sira hanesan tuir mai ne’e:

• Hala’o servisu atendementu examinasaun no tratamentu ba pasientes iha klinika no mos iha area remotas Municpio Baucau.
• Planea no organiza atividades klinika nian ho kualidade.
• Monitoriza no superviza deskrisaun servisu klinika nian koresponde ba pasientes sira nia satisfasaun.
• Monitoriza no superviza servisu farmacia retalla
• Hala’o vizita follow-up ba pasientes sira ne’ebé hetan tratamentu iha uma deit
• Halo referral pasientes ba hospital bazeia ba necesidades kondisaun pasiente nian
• Prepara relatóriu vizita pasientes; klinika, outreach no home visit
• Promove informasaun detallu kona-ba Klinika Dolce Cuore ba komunidade no instituisaun seluk

RESPONSABILIDADE

• Obrigatório obedeçe ba regulamentu klinika
• Halo atendementu ba pasientes bazei ba kompetênsia asaun
• Prienxe kartaun status pasientes ho diak no lolos
• Servisu full-time (Segunda feira to’o Sexta feira) iha klinika no ba area remotas (outreach)
• Komunikasaun diak ho komunidade, autoridade local no parseiros relevante sira
• Atende komunidade sira ne’ebé precisa atendementu saúde mediku geral nian no atividades administrasaun bazeia ba tarefa dever

KUALIFIKASAUN & ESPERENSIA

• Feto ka Mane, idade 25 – 45 anos
• Mediku geral (dokter umum)
• Sidadaun Timorense
• Iha kartaun profissonal de saúde ne’ebé sei validu rejistu iha Ministeriu de Saúde
• Esperénsia servisu tinan 2 ona iha komunidade nu’udar mediku geral
• Esperénsia atende pasientes barak iha komunidade ou iha klinika ou iha Instituisaun relevantes
• Livre husi servisu iha institusaun seluk
• Iha komitmentu no dedikasaun ba servisu atendementu pasientes; amigavel no honestu.
• Kuñesementu ba produtu farmacia no atendementu presus iha mercado

ABILIDADES

• Domina area medicina geral ba atendementu no tratamentu pasientes
• Bele halo relatórios periodicu ba doadores sira no iha abilidade jestaun klinika
• Bele halo planu servisu ba atividades klinika no outreach nian
• Bele koalia lingua Tetum ho diak, se hatene lingua inglesh no portugues ne’e hanesan vantagen ida.
• Honestu, atetude diak, amigavel, fiar aan no disiplina
• Iha komunikasaun diak ho komunidade no instituisaun relevante seluk
• Bele uza komputador MS Office no internet
• Iha hakarak ka vontade atu kontinua aprende

Ba sira ne’ebe interese ba vaga ne’e, favor..! bele haruka ita nia CV no karta aplikasaun ba email; nogueirasoa@gmail.com

Dokumentus suporta seluk sei bele lori mai entrega iha Klinika Dolce Cuore, lokaliza iha Avenida; Jose da Costa Amancio “Mau Hudo” (antigu rua uma-lima) se karik kandidatu ne’ebé tama iha short list ba intervista.

Ba informasaun klaru liu bele kontaktu ba Sr. Nogueira, iha numeru 7834 0002 / 7808 6043 email; nogueirasoa@gmail.com Iha horas servisu Segunda – Sexta, 09.00 – 16.00.

Prazu final ba vaga ida ne’e dia 23 de Juñu 2022

 

Ba ita boot sira nia atensaun la haluha hato’o obrigado barak