Peace Corps Community Liaison/Ofisiál Ligasaun Komunidade

ANÚNSIU VAGA

 

Títulu ba Pozisaun	Ofisiál Ligasaun Komunidade
Oras (40 ka 48):	Oras 40
Relata ba:	Jerente Formasaun, no Diretór ba Programa no Formasaun mak sei tau-matan ba serbisu lor-loron
Koordena ho	Ekipa Programasaun no Formasaun tomak (P&T); Departamentu Seluk iha Korpu da Pás (Admin, Seguransa no Médiku.
Superviziona Ema seluk	La Aplikavel

 

Rekerimentu Mínimu

Mínimu liu, tenki hatudu hirak tuirmai iha ita-nia CV:

• Nível Edukasaun: Remata Eskola Sekundáriu
• Esperiénsia: Tinan ida ho serbisu ruma
• Profisiénsia Língua: Hatene Tetun ho di’ak no koñesimentu báziku iha Inglés.
• Ba Timoroan de’it

Kualifikasaun Preferidu

• Iha diploma universidade ka kursu ruma nu’udar vantajen
• Iha esperiénsia servisu ne’ebé relevante
• Iha esperiénsia serbisu ho Korpu da Pás
• Prefere liu iha abilidade atu komunika ho Inglés
• Iha esperiénsia serbisu kona-ba dezenvolvimentu komunitáriu

 

1. Introdusaun

Misaun Korpu da Pás iha mundu tomak mak atu promove dame no amizade liuhosi:

 

1. Tulun ema iha nasaun sira seluk ne’ebé iha nesesidade hodi treinu joven feto no mane;
2. Promove kompriensaun ne’ebé di’ak hosi Amerikanu sira ba ema sira ne’ebé sira serbí ba, no;
   
3. Atu promove kompriensaun ne’ebé di’ak husi ema seluk ba Amerikanu sira.

 

Korpu da Pás nia programa iha Timor-Leste hala’o bazeia ba pedidu husi Governu Timor-Leste no serbisu atu apoiu governu nasionál no lokál no mós membru komunidade Timoroan sira nia prioridade. Korpu da Pás serbí iha Timor-Leste tinan 10 resin ona, no voluntáriu liu 200 mak serbí ona iha Timór tomak.

Ita-boot nia serbisu ho Korpu da Pás sei kontribui ba esforsu dezenvolvimentu kolaborativu ba Korpu da Pás no Timor-Leste, no sei serbí hodi promove kompriensaun di’ak entre Timoroan no Amerikanu sira. Ita-boot nia serbisu sei la limita de’it ba ita-boot nia papél. Apoiu ativu ba misaun Korpu da Pás importante tebes ba serbisu ida-ne’e tanba ita-boot reprezenta Korpu da Pás Timor-Leste.

 

Objetivu ba Pozisaun ida-ne’e

Ofisiál Ligasaun Komunidade sei fó apoiu ba Pre-Service Training (PST) liuhosi halo ligasaun entre Korpu da Pás no lideransa komunitária no membru komunidade no fornese apoiu adisionál ba Koordenadór Terenu no Koordenadór Formasaun. Jerente Formasaun mak sei jere no dirije Ofisiál Ligasaun Komuidade nia serbisu loron-loron. Ofisiál Ligasaun Komunidade sei serbisu besik liu ho Koordenadór Formasaun, Koordenadór Terenu, Formadór Tékniku sira no ekipa formasaun tomak, no departementu sira seluk iha Korpu da Pás atu asegura PST la’o ho efetivu.

Ofisiál Ligasaun Komunidade presiza atu serbisu loron neen iha kada semana, ho tempu preparasaun adisionál iha tempu kalan, no iha findesemana no feriadu sira.

Ofisiál Ligasaun Komunidade tenke mai husi munisípiu ne’ebé PST sei hala’o ba. Nia sei serbisu nu’udar membru ekipa no tenke hametin no dezenvolve kresimentu pesoál no profisionál, selebra susesu, promove prátika di’ak sira no defende esforsu husi formandu no funsionáriu sira.

 

Knaar no Responsabilidade

(Apoiu Formasaun)

Korpu da Pás hala’o PST ho estensivu atu prepara formandu sira ba sira-nia serbisu ho língua no abilidade kulturál, koñesementu no abilidade tékniku no abilidade seluk. Ofisiál Ligasaun Komunidade nia knaar no responsabilidade hodi fó apoiu ba PST mak inklui maibé la limita ba:

• Kolabora ho Koordenadór Terenu hodi fó rekomendasaun no fó kontestu lokál iha identifikasaun no koumunikasaun ho família ospédia sira
• Serbisu ho Formadór Tékniku CED atu identifika grupu no uma-kain sira ba atividade formasaun.
• Serbisu ho Fomadór Tékniku Edukasaun hodi identifika no dezenvolve relasaun ho eskola sira ba prátika hanorin Inglés
• Tulun Koordenadór Terenu iha komunikasaun pro-ativu ba família ospédia no lideransa lokál atu asegura katak sira hotu-hotu hetan informasaun kona-ba programa família ospédia no PST nia atividade sira.
• Mantein kontaktu regulár ho membru komunidade no família sira, atualiza nafatin dúvidas no kolabora ho funsionáriu PST sira hodi buka solusaun ka meius ne’ebé apropriadu.
• Organiza, atende no fó ideia iha enkontru hotu-hotu entre funsionáriu PST no membru komunidade sira.
• Apoiu Koordenadór Terenu no Koordenadór Formasaun hodi jere enkontru kona-ba orientasaun no apresiasaun ba família ospédia sira.
• Hala’o Koordenadór Terenu nia serbisu iha formasaun, preparasaun no serbí família ospédia bainhira nia laiha.
• Serbisu hanesan apoiante improtante ba Koordenadór Formasaun liuhosi fó asisténsia ba foto-kopia, prepara, distribui sasán formasaun, no fó asisténsia ba jestaun sasán formasaun nian.
• Serbí hanesan back-up ba Koordenador Formasaun no tulun  Jerente Formasaun bainhira Koordenadór Formasaun laiha.
• Halo ligasaun entre família ospédia ho voluntáriu sira no koordena solusaun relasiona ho problema sira
• Serbi nu’udar rekursu, informadór no halo ligasaun ba atividade, problema no dezafiu sira ne’ebé iha ligasaun ho komunidade
• Mantein kontaktu regulár ho voluntáriu no família ospédia, inklui vizita no fó apoiu no asisténsia iha programa tomak bainhira presiza
• Liga ho ofisiál komunitáriu sira, eskola, Igreza no lideransa komunitária no responsavel sira iha fatin formasaun atu asegura kooperasaun no kolaborasaun.
• Posivel atu sai nu’udar Duty Officer bainhira funsionáriu ne’ebé responsavel iha fatin PST seluk durante findesemana ka tempu feriadu

 

Ofisiál Ligasaun Komunidade nu’udar Reprezentante ba Korpu da Pás

• Mantein imajen públiku ne’ebé profisionál no pozitivu ho funsionáriu formasaun, formandu sira no komunidade lokál atu asegura implementasaun diak ba PST
• Serbisu independente no nu’udar parte husi ekipa no tane-aas filozofia formasaun Korpu da Pás no desizaun sira
• Konsiente kona-ba kompeténsia seguransa ba formasaun Korpu da Pás no halo-tuir prosedimentu no implementasaun tuir rekerimentu seguransa nian
• Konsistente no tane-aas nafatin polítika no prosedimentu formasaun Korpu da Pás nian
• Observa kodigu étika profisionál relasiona ho formandu, funsionáriu no komunidade sira
• Fó feedback ba funsionáriu importante sira no observasaun sira relasiona ho atributu pesoál ba kada formandu ne’ebé presiza, atu hala’o servisu ho di’ak, inklui kompeténsia tékniku, nivel maturidade no adaptabilidade, akuizasaun abilidade, sosiál no sensibilidade kulturál. 

 

  Saúde no Médiku ba Voluntáriu

• Tulun PCMO hodi halo identifikasaun no prepara fatin ba imunizasaun
• Tau-matan ba armajén imunizasaun ka sasán formasaun ne’ebé sei uza ba sesaun sira

 

  Knaar Seluk

• Hala’o knaar seluk bainhira presiza husi Country Director ka DPT hodi atinji jestaun ida di’ak ba serbisu Korpu da Pás iha Timor-Leste.

 

Lojístiku & Fatin Serbisu

Sei halo serbisu durante oras 48 kada semana. Iha eventu balu ne’ebé dalaruma presiza ita atu serbisu iha tempu kalan, findesemana no feriadu. Dalaruma mós presiza ita atu bá munisípiu sira. Fatin serbisu mak iha Eskritóriu Prinsipál, Rua Nuu Laran, Bairro dos Grilhos, Dili.  Dalaruma mós presiza ita atu serbisu iha munisípiu seluk durante semana 10 iha Pre-Service Training (PST). Dalaruma mós presiza ita atu kaer Telemovel Ofisiál.

Informasaun ba Apikante:

Pozisaun ida-ne’e sei selu bazeia ba servisu kada loron, ho montante $19.85 kada loron, depende ba istória vensimentu, ho durasaun loron serbisu ne’ebé la liu loron 150 (posivelmente bele menus). Iha posiblidade atu hetan orsamentu ba alojamentu no per diem iha fatin treinamentu durante periodu Pre-service Training. Sei la oferese benefísiu sira seluk.

Importante! Ba konsiderasaun, aplikante hotu-hotu tenke hatama CV hamutuk ho karta aplikasaun hodi deskreve ho detallu oinsá sira-nia edukasaun no esperiénsia hatán ba kualifikasaun sira ne’ebé alista ona ba pozisaun ida-ne’e. Favór labele haruka fixeiru sira seluk. Iha email nia subject hakerek “CL_ita nia naran.” Asegura katak Ita-boot nia naran no “CL” hakerek iha liña subject nian. Ezemplu, Ita-boot nia naran Mickey Mouse, subject husi ita-nia email tenke hakerek “CL_Mickey Mouse.” Karta aplikasaun no CV bele hakerek iha Inglés ka Tetun iha Word ka PDF file no haruka ba: easttimorpc@peacecorps.gov.

Data ikus: Ami sei konsidera de’it aplikasaun sira ne’ebé simu molok tuku 5:00 loraik, 12 August 2022. Ami sei la simu aplikasaun sira liuhosi kontaktu telemovel ka hatama diretamente iha eskritóriu. Ami sei kontaktu de’it sira ne’ebé liu selesaun dokumentu.

 

Korpu da Pás nu’udar Empregadór ne’ebé fó Oportunidade Hanesan