Vaga Servisu - Ofisial Administrasaun TileSW - Ministériu Finansas

 

Direção Geral dos Serviços Corporativos

Gabinete Do Diretor Geral

Oficio No.: 42/Gab.DGSC/MoF/VIII/2023
Díli, 20 Janeiro 2023

RE-ANÚNSIU

 

I. Título Servisu : Ofisial Administrasaun TileSW

 

II. TerMUS de ReFERÉNSIA

Aneksu

 

III. Prosedimentu aplikasaun

Karta aplikasaun tenke diriji ba Diretór Nasional Rekursus Humanus, liu husi e-Recruitment Portal Ministériu Finansas ho loron ikus nian maka quinta-feira, data 09 Fevereiro 2023, tuku 17:00 oras Timor-Leste.

 

Aplikasaun tenke inklui ; (a) karta aplikasaun (b) CV/rezumu detallu la liu pájina 7 (husu ba aplikante atu hakerek detalhu sira nia nível edukasaun husi Ensino báziku to nível edukasaun ikus) (c) Resposta ba kritéria Selesaun (d) Kopia diploma ikus legalizadu original husi Ministériu Edukasaun (e) Kopia Bilhete Identidade

 

Aplikante sira hotu tenke fó resposta klaru ba kritéria selesaun ne’ebé iha Termus Referénsia, favor  deskreve oinsá aplikante prenxe duni ba kritéria selesaun. Hein katak ita boot la copia deít husi rezumu CV maibé ho klaru oinsá ita boot hetan ona kompeténsia sira ne’e bele fó mós ezemplu badak ruma, no seluk tan.

 

 

Sei la konsidera aplikasaun ne’ebé la kompletu.

 

Sei kontaktu de’it ba kandidatu ne’ebé liu iha selesaun dokumentus.

 

Kandidatu selesionadu sei presiza submete Rejistu Kriminál no Atestadu Médiku recentes.

 

Joanico Pinto

Diretór Jeral Servisu Korporativus

Ministériu Finansas, RDTL
 

TERMU REFERENSIA

 

 

Títlu Pozisaun:          Ofisial Administrasaun TileSW

 

Objetivu:                    Pozisaun ida ne’e sei fo apoiu no asegura servisus administrativa ba Autoridade Aduaneira liu husi Programa Janela Única Timor-Leste Eletronic Single Window (TileSW)

Relata ba:                   Project Manager TileSW 

 

Kontraparte(s):          Xefi Departamentu no funsionáriu iha Departamentu Planeamentu no Finansas

 

Klasifikasaun:            C1.1.1. Tékniku Apoiu Administrativu – (Resén Graduadus)

  

Salário:                       $400/Fulan

 

Aprovasaun:              Abril 2022

 

Durasaun:                  Tinan ida (1) ho posibilidade bele ekstende bazeia ba dezempeñu no nesesidade instituisaun.

 

Fatin Servisu:             Autoridade Aduaneira (AA), Ministériu Finansas, Díli, Timor-Leste

 

 

 

I. ANTESEDENTE

Resolusaun Governu Timor-Leste númeru 24/2017, loron 17 fulan Maiu, deside ASYCUDA World hanesan plataforma ba dezenvolvimentu Janela Única ba atividades importasaun no esportasaun sasan mai no husi Timor-Leste.

 

Programa Janela Única Nasional hahú implementa hafoin Chefe Recurso no Jestaun Servisu UNCTAD (Konferensia Nasoens Unidas nian ba Komersiu no Dezenvolvimentu), no Komisáriu Autoridade Aduaneira Timor-Leste respetivamente iha loron 11 no 123 fulan Dezembru tinan 2019 asina dokumentu prokjetu ba programa refere. 

 

Janela Única Eletrônica Nasional ne’ebé mos lansa ona ho naran “TilesSW”, hanesan plataforma automatizadu ida ne’ebé funsiona hanesan ponto de entrada única ida iha ne’ebé Autoridade Aduaneira no Ministériu ho Institusoens relevante seluk, operadores atividades komersiu no nia despachante alfandegarias sira hodi bele prienxe rekezitus regulatóriu hotu sem  fizikamente dezloka husi instituisaun ida ba ida seluk. Kriasaun TileSW hanesan parte ida husi objetivu Reforma Fiskal ne’ebé Governu desidi ona, no fo dalan ba ligasaun no konetividade ou inter-operabilidade di’ak entre servisu administrasaun públika sira no mos ho setór privadu.  

 

 

II.   KRITERIA SELESAUN

Essential 

1. Lisensiatura iha área Jestaun (Administrasaun, Administrasaun Públika), Alfandegas, Lei, Komersiu, Relsaun Internasional, Negósiu, Administrasaun negósiu/Business Administration, Ekonomia, Kontabilidade, no/ka área relevante seluk;

2.Hatudu abilidade no koñesimentu di’ak kona ba; 

       a.Ambiente operasional Governu RDTL no Funsaun Públika; 

       b.egulamentus, polítikas no prosedimentus ne’ebé guia Planeamentu no Finansas;

3.Iha koñesimentu di’ak kona ba servisu Administrasaun no Sekretariadu  

4.Abilidade no koñesimentu di’ak kona ba ASYCUDA World, Sistema Jestaun Informasaun (SJI), Sistema no Prosedimentus Nasoens Unidas nian 

5.Iha komunikasaun di’ak no abilidade interpesoal atu establese relasaun servisu ne’ebé efetivu;

6.Komprova susesu iha kompetensia profisionais hanesan:

       a.Komunikasaun no aprezentasaun;

       b.Foku kliente no kria relasaun servisu di’ak;
7.Iha abilidade analiza exselente no rekomenda solusoens;

8.Iha koñesimentu no abilidade atu elabora relatório, identifika lacunas no rekomenda solusoens;

9.Iha abilidade di’ak atu servisu iha ekipa, no inovativu 

10. Abilidade analítiku no interpessoal ne’ebé di’ak:

11. Prontu atu hala’o servisu extra oras ne’ebé rekere husi Superior;

12. Hatudu profisiensia iha uzu ba Aplikasaun IT nian hanesan Ms. Word, Excel, no Power point.

13. Abilidade Komunikasaun exselente atu komunika tantu iha hakerek no koalia ho lian Tetum, Portugés no Inglés

 

 

Preferível

1.Lisensiatura ho esperiensia servisu mínimun tina(rua) iha área relevante husi setor Públiku no/ka Organizasaun Internasional;

2.Iha abilidade di’ak atu jere tempu,  servisu hatudu  rezultadu, servisu ho honestu no integridade.

3.Experiensia ka abilidade atu komprende no aplika politika, lejislasaun no pratika sira Alfandega nian 

 

 

III. AmbitU Servisu

Knaar no Resposabilidade | Indikador dezempeñu
1.Fornese apoiu administrativa no sektretariadu nia hodi estabelese no mantein sistema arkiva no dokumentasaun oficias iha AA no mos atende kliente ka bainka durante oras servisu
1.1. Asegura asistensia fornesidu ho atempadamente no efetivu. 
1.2. Asegura Dokumentus Ofisiais no Korespondensia hotu inklui kartas, fax, hotu rejistadu iha baze dadus manual no elektróniku.  
1.3. Atempadamente atende kliente no hatudu profissionalizmu iha servisu fatin
 
2.Kordenasaun ho parte relevante husi AA no MF ba enkontru sira ligadu ho programa Janela Única Electrôniku Nacional, formasaun/seminar sira no enkontru ho Ajensia relevantes 
2.1. Asegura kordenasaun no enkontru ho parte relevante sira hala’o ho regularmente no efetivu. 
2.2. Minutas enkontru preparadu no submetidu ba superior 
2.3. Asistensia administraiva no lojistika fornesidu ligadu ho prienxe rekezitus formasaun nian.
 
3.Fo suporta administrativa hodi organiza ka trata viajem no alojamentu ba staff TileSW ne’ebé atende Enkontru sira ligadu ho ho ASYCUDA World, treinamentu/formasaun ka workshop sira 
3.1. Asegura asistensia administrativa relasiona ho viagem; 
3.2. ATA enkontru preparadu no submetidu ba superior;
 
4.Fornese apoiu administrativu hodi kordena ho partes relevante husi UNDP Timor-Leste kona ba rekezitus administrativus hanesan rekezitus vistus, autorizasaun seguransa no pagamentu ba TileSW 
4.1. Asegura hodi verifika dokumentus hotu ne’ebé prienxe rekezitus vistus, autorizasaun seguransa no pagamentu ba TileSW tuir lei, regras no prosedimentu ne’ebé vigora.
 
5.Fornese apoiu hodi kordena ho Ofisiais husi Gabinete Regional UNCTAS-ASYCUDA iha Kuala Lumpur, Malaysia. 
5.1. Kordenasaun ho parte releevantes xternal hala’o ho di’ak no atempadamente; 
5.2. Relatóriu ka follow-up action relatadu wainhira nesesáriu;
 
6.Fornese apoiu lojístika hodi mantein inventarizasaun ba fasilidade sekretariadu ka projetu nian. 
6.1.Asegura jestaun manutensaun ba invetárius fasildiade sektretariadu ho regularmente; 
6.2. Fasilidade hanesan mobiliáriu sira, ferramentas servisu projetu nian no seluk tan jere ho di’ak no mantein ho seguru tuir padraun inventárius nian.
 
7.Fornese apoiu hodi rekolla informasaun ne’ebé sei inklui iha publikasaun regular ka periódika projetu nian ne’ebé ligadu ho atividades TileSW. 
7.1. Asegura divulgasaun ba informasaun kona ba TileSW partilla ba públiku liu husi website AA, 
7.2. Asegura pámpfletu promosaun projetu nian kona ba TileSW iha website/ pájina elektrôniku ASYCUDA 
 
8.Asiste iha preparasaun relatóriu semanal,  trimestral no annual kona ba atividades TileSW nian 
8.1.Relatóriu trimestral no annual kona-ba  atividade/programa no dezempeñu TileSW relata ba superior tuir tempu determinadu. 
8.2. Asegura kualidade ba relatóriu preparadu.
 
9.   Kumpri Oras Servisu no Kódigu Konduta Funsaun Públiku nian.
9.1. Kumprimentu ba Kódigu Konduta Funsaun Públiku nian iha Autoridade Tributaria
 
10. Hala’o kna’ar seluk tuir orientasaun superior bazeia ba lei haruka.
10.1. Nivel satisfasaun husi superior ho konkluzaun ba tarefa sira. 
10.2. Hatudu ona rezultadu servisu diak, profesional  no responsabilidade. 
10.3. Oportunidade ho kualidade resposta

 

 

III. XAVE DELIBERASAUN
Ho akordu no indikadores dezempeñu ne’ebé temi iha leten:

• Durante semana hat (4) inísiu, dezenvolve Planu Atividades Servisu/ Traballu Individual ne’ebé konsistente ho atividades relevantes no indikadores dezempeñu tuir planu  tinan lima (5) Ministériu nian no submete DNRH-MF hafoin  hetan ona aprovasaun husi Superior;
• Submete relatóriu díaria liu husi Sistema Informátika Rekursus Humanus (Human Resources Information Systems)  hasoru planu servisu annual ne’ebé mak aprovado ona husi superior; ba DNRH tuir planu servisu ne’ebé mak aprovado ona husi Diretur DNAF.
• Hato’o relatóriu ikus konaba servisu hotu ba DNRH-MF, tarde liu loron 10 antes kontratu remata.

 

IV. Avaliasaun Dezempeñu 

Dezempeñu individu ne’e nian, sei hetan avaliasaun husi ninia superior ka Jestor Projetu TileSW no sei avalia mos husi unidade ka diresaun nasional relevante sira iha Ministériu tuir Sistema Avaliasaun Dezempeñu Ministériu Finansas nian, no sei monitoriza husi Diresaun Nasional Rekursus Humanus (DNRH)-DJSK. Prosesu ida ne’e inklui periódu probatóriu fulan rua (2) hafoin hahú servisu, prepara relatoriu regular, komunikasaun kontinú no avaliasaun dezenpeñu annual. Ministériu iha ninia Indikador Dezempeñu Xave ka Key Performance Indicator (KPI) iha area hotu-hotu, tamba ne’e, Individu  nia servisu sei kontribui ba atinjimentu prioridades hanesan hatuur iha sira nia TOR no Planu Tinan lima (5) Ministériu nian.