Vaga Servisu - Asistente ba Diálogu Eskola no Diálogu Komunitária - CARE International in Timor-Leste (CITL)

ANUNSIU VAGA

Asistente ba Diálogu Eskola no Diálogu Komunitária

Titulu pozisaun	Asistente ba Diálogu Eskola no Diálogu Komunitária
Lokalizasaun	RAEOA, Timor-Leste
Relata ba	Community Score Card Lead
Grau	2 Etapa 3
Salariu	USD$20.09 kada loron
Tipu Pozisaun	Tempu Parsiál
Durasaun	Fulan 3 posibilidade iha extensaun
Data komesa	01 Jullu 2024
Loron ikus ba aplikasaun	30 Maio 2024
Prosesu aplikasaun	Haruka CV no karta aplikasaun liu husi email ba hr.tls@careint.org KA submete iha departamentu Rekursu Umanu iha CARE nia eskritóriu iha Bairo Pite, Dili.

1.  Konaba knaar

1.1. Objetivu husi pozisaun ne’e:

Atividade Diálogu Komunitariu nudar instrumentu ida ne’ebé utiliza hosi Programa Edukasaun no Nutrisaun HATUTAN hodi identifika problema no dezafiu ne’ebé eskola sira enfrenta, liuliu eskola sira ne’ebé lokaliza iha área remotas. Aproximasaun ne’e nudar parte integradu ida, atu liga komunidade ho eskola no eskola ho komunidade liu hosi diskusaun oinsá atu hadi’a kualidade edukasaun, saúde no norma sosiál ba dezenvolvimentu labarik sira nian. Atividade ne’e mós nudar oportunidade ida hodi ko’alia kona-ba barreira sira liga ba attitude, hahalok no norma sosiais sira ne’ebé inan-aman sira hasoru hodi hadi’a sira nia kuidadu saúde liu hosi hahalok no ajuda sira no sira-nia oan (labarik) ba prátika saúde, hadi’a responsabilidade servisu saúde nian ba fornese servisu saúde espesífiku ba saúde maternal no labarik sira. Hafoin diskusaun, sei hametin asaun liu hosi hakerek iha planu asaun hamutuk ho oráriu no divizaun hodi responsabilidade pesoál no responsabilidade hamutuk.

iha RAEOA sei realiza diálogu eskola iha 43 eskola ensino basico no diálogu komunitaria iha suku 10 mak hanesan ; Usi-Taco, Bene-Ufe, Banafi, Lela-Ufe, Suni-Ufe, Usi Taqueno, Bobometo, Cunha, Malelat no Abani, ho partisipante besik 50 mai husi parte oin-oin; ,Inan-aman, Lideransa suku (xefe suku, konsellu suku), representante Komunidade eskola, rede referál (Animador Sosiál & Ofisiál Polisia Suku), Veteranus, Juventude, Komunidade Jerál.

1.2. Knaar Primáriu 

I. Mobiliza atividade diálogu Eskola

• Halo kordenasaun ho eskola alvu sira no organiza enkontru iha eskola tarjetu sira
• Apoiu CSC Lead hodi fasilita enkontru homanorin, kanorin, inan, aman no membru KIAR sira 
• Halo interpreter lian lokál (Tetun ba Baikenuno Baikenu ba Tetum) ba CSC Lead durante enkontru ho eskola
• Suporta CSC Lead iha prosesu fasilita diálogu iha nivel eskola nian
• Mantein komunikasaun ho Kordenador diáloogu komunitaria (CSC Lead),  Jestor programa Kampo no Offisial programa Edukasaun (EPO) iha RAEOA
• Apoiu CSC Lead halo dokumentasaun ba aktividade sira dialogu iha nivel eskola inklui hasai photografia no distribui lista partisipante ba partisipante sira
• Mantein komunikasaun diak ho pesoal eskola no KIAR

II. Mobilza atividade Diálogu Komunitária

• Kordena ho parte Intersada sira hanesan, Xefe suku ho Konselu Suku, Animador Sosiál, Ofsiál Polisia Suku-PNTL, Veteranus/Katekista, Pesoal Saúde (Lider Komunitaria, Komunidade jerál, komunidade eskola) atu partisipa iha diálogu Komunitaria
• Suporta CSC Lead hodi fasilita dialogu komunitaria
• Halo interpreter lian lokál (Tetun ba Baikenuno Baikenu ba Tetum) ba CSC Lead durante prosesu dialogu komunitaria
• Suporta CSC Lead halo dokumentasaun ba aktividade dialogu komunitaria inklui hasai photografia no distribui lista partisipante ba partisipante sira
• Mantein komunikasaun diak ho autoridade local no komunidade sira

2.  Kriteria selesaun

• Minimu Remata Eskola Sekundaria Tekniku Vokasional
• Ema orijinál husi RAEOA ne’ebé  hatene koalia tetun no Baikenu ho diak
• Iha abilidade halo interpretasaun (tradusaun) lian lokal iha eventu boot ka enkontru ruma
• Minimu tinan 3 iha esperensia servisu kona-ba halo Kordenasaun ho lider komunidade, lideransa eskola, juventude no parte intersada seluk
• Iha esperiensia mobiliza komunidade hodi partisipa iha enkontru ou treinamentu sira
• Esperensia  iha organiza no fasilita diálogu Komunitaria
• Hanoin kritiku, resolve problema (problem solving)
• Forte iha komunikasaun verbal
• Abilidade atu uza programa komputadór natoon hanesan Microsoft Word no Email.
• Abilidade atu uza motor iha área rural no dook ne'ebé difisil atu asesu, no hatene kona-ba regras tranzitu no mós iha lisensa kondutór válidu.

3.  Oinsá atu aplika

Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba hr.tls@careint.org ka ba submete iha Rekursu Umanu iha CARE nia eskritóriu iha Bairo Pite, Dili.

Nota

• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu
• CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika
• CARE iha komprimisiu bo’ot atu proteje direitu labarik nian iha area hotu ne’ebé ami servisu ba. CARE rezerva direitu atu hala’o prosedimentu atu asegura katak fatin servisu seguru ba labarik
• Só kandidatu sira ne’ebé susesu deit ba faze seguinte mak sei hetan kontaktu ba intervista