Vaga Servisu - Ofisiál Kampu Programa Buka Moris - CARE International in Timor-Leste (CITL)

ANUNSIU VAGA

Ofisiál Kampu Programa Buka Moris

Titulu pozisaun	Ofisiál Kampu Programa Buka Moris
Lokalizasaun	Manatuto, Timor-Leste
Relata ba	Senior Ofisiál Kampu Programa Buka Moris
Grau	4 Etapa 1
Salariu	USD$619 kada fulan
Tipu Pozisaun	Full – time (Tempu Integral)
Durasaun	Tinan 1 posibilidade iha extensaun
Data komesa	01 Juňu 2024
Loron ikus ba aplikasaun	22 Maio 2024
Prosesu aplikasaun	Haruka CV no karta aplikasaun liu husi email ba hr.tls@careint.org KA submete iha departamentu Rekursu Umanu iha CARE nia eskritóriu iha Bairo Pite, Dili.

1. Konaba Knaar

OBJETIVU BA POZISAUN NE’E:

Pozisaun Ofisiál Kampu Programa buka Moris (Livelihood Program Officer) sei fo suporta ba programa atu aumenta kapasidade ekonómiku hosi kada-família sira atu fó seguru, saudavél no kontente ba kresimentu no susesu sira-nia família. Fasilita ba família sira atu hatene no prátika nutrisaun di'ak no ijiene iha uma nian, iha espasu livre husi hamta'uk no violénsia. Fasilita ba família sira atu halo investimentu ba edukasaun ba sira-nia oan no haforsa kapasidade agrikultor sira atu mobiliza kapital no expende sira-nia produsaun. Ne'e inklui mobilizasaun ho treinu ba membru komunidade sira, partikularmente feto sira, atu harii ka haforsa Grupu rai no Empresta Osan iha komunidade eskolá sira, inklui eskola komunidade sira ne’ebé alvu husi HATUTAN.

Finalidade prinsipál husi pozisaun ne'e mak atu dezenvolve no implementa atividade hotu-hotu Rai no Empresta Osan, inklui orientasaun no formasaun atividade kriasaun rendimentu ba membru grupu rai osan sira. Ofisiál Kampu Programa Buka Moris sei asegura vizita regular ba grupu sira, halao monitorizasaun atividade no hato’o relatóriu vizita prontamente. Pozisaun ne'e lokaliza iha Manatuto ida (1) ho viajen balun ba Dili no fatin seluk ne'ebé implementa programa ba.

Ba informasaun konaba pozisaun ne’e, bele asesu ba Deskrisaun servisu kompletu liu husi link tuir mai : https://drive.google.com/file/d/19lPTm_1VLl2DmifltHLQ2Ie5tuxy4t86/view?usp=sharing

2. Kriteria Selesaun

ESPERIENSIA NO KUALIFIKASAUN

• Mínimu lisensiatura ka diploma iha area dezenvolvimentu komunitáriu, jestaun negósiu, dezenvolvimentu rural ka ne'ebé similar, pelo menus tinan 3 iha esperiensia servisu maka'as iha setór agrikultura ne'ebé relasiona ho kriasaun rendimentu no promosaun negósiu. (Seluk, hotu tiha eskola sekundária ho pelo menus tinan lima nia esperiensia servisu ne'ebé relevante.)
• Esperiensia maka'as iha metodolojia rai no empresta osan, buka moris, mikrofinansa no atividade kriasaun rendimentu.
• Fasilitadór no treinadór ne'ebé iha esperiensia no kapasidade atu dezenvolve material treinamentu.
• Kompriende barreira jéneru iha agro-negósiu no ekonomia doméstiku.
• Iha abilidade komunikasaun orál di'ak iha Tetun.
• Abilidade atu komunika ho lían lokál sira iha área alvu advantejá maka'as.
• Vontade atu servisu no hela iha área rural ne'ebé difisil atu asesu, kadavés hela bainhira la ho kondisaun diak.
• Abilidade atu servisu ho supervizaun minimal no halo rezultadu no mós bele motivasaun seluk.
• Esperiensia servisu ho organizasaun não governmental no komunidade lokál, autoridade sira no organizasaun sira seluk.
• Abilidade atu uza programa komputadór natoon hanesan Microsoft Word, Excel no Email.
• Kapasidade matemátika no numerasia di'ak.
• Abilidade atu uza motor iha área rural no dook ne'ebé difisil atu asesu, no hatene kona-ba regras tranzitu no mós iha lisensa kondutór válidu.

3. Oinsá atu aplika

Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba hr.tls@careint.org ka ba submete iha Rekursu Umanu iha CARE nia eskritóriu iha Bairo Pite, Dili.

Nota

• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu
• CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika
• CARE iha komprimisiu bo’ot atu proteje direitu labarik nian iha area hotu ne’ebé ami servisu ba. CARE rezerva direitu atu hala’o prosedimentu atu asegura katak fatin servisu seguru ba labarik
• Só kandidatu sira ne’ebé susesu deit ba faze seguinte mak sei hetan kontaktu ba intervista