Vaga Servisu - Ofisial Projetu - LAFAEK - CARE Timor-Leste

ANUNSIU VAGA

Ofisial Projetu - LAFAEK

 

Titulu pozisaun	Ofisial Projetu - LAFAEK
Lokalizasaun	Covalima, Timor-Leste
Relata ba	Ofisial Projetu Senior
Grau	4
Salariu	USD$644 kada fulan
Tipu pozisaun	Full – Time (Tempu Integral)
Data komesa	1 Setembru 2024
Loron ikus ba aplikasaun	18 Agostu 2024
Prosesu aplikasaun	Haruka CV no karta aplikasaun liu husi email ba hr.tls@careint.org  KA submete iha departamentu Rekursu Umanu iha CARE nia eskritóriu iha Bairo Pite, Dili.

CARE iha Timor-Leste iha toleransia zero ba asédiu seksuál, esploitasaun seksuál, no abuzu seksuál, no mos forma sira seluk ne’ebé bele estraga labarik sira.
 
CARE partisipa ona iha Inter-Agency Misconduct Disclosure Scheme (MDS) global. Aliña ho inisiativa ida ne’e, CARE iha Timor-Leste sei husu “Deklarasaun Konduta” husi kandidatu sira nia empregadór sira iha pasadu iha tinan 5 ikus ne'e, liu-liu relasiona ho insidente ka investigasaun ba alegasaun asediu seksuál, esplorasaun seksuál ka abuzu seksuál durante sira nia servisu. CARE mos iha komprimisiu atu fó sai konaba hahalok relasiona ho asédiu no abuzu sesksuál ba ajensia seluk wainhira sira husu.
 
1.  Konaba knar
Papel servisu husi Officiais Projetu (PO) nian mak atu asegura atividade hotu Projeitu nian implementa ho efetivu no efisiente iha nivel eskola no komunidade. PO sei representa hanesan Pontu Fokal Projeitu nian iha nivel kampu ka Municipio nian ne’ebe ho rekerementu atu hari’I no  mantein relasaun servisu ne’ebe diak ho governo local, ONG Internasional/Lokal nomos ho Parseiru servisu sira seluk.
 
2.  Papel Prinsipal
Planeamentu no relatorio Projeitu

• Suporta Officias Senior Projeitu atu dezenvolve planu no Orario implementasaun Projeitu nian ba Tinan tomak ida.
  
• Dezenvolve planu servisu mensal implementasaun projeitu nian no asegura katak atividade sira hotu lao tuir Planu.
  
• Dezenvolve Planu distribusaun kada edisaun tuir mapamento viajem nian,
  
• Regularmente submete relatorio mensal ba atividade sira mak implementa ona.
  
• Lori Idea ka sujestaun (feedback) husi kampu servisu ba nivel projeitu.
  

 
Implementasaun Projeitu

• Atende treinamentu ka workshop kona ba ferramentu (tools) / formatu distribusaun nian no fo hanoin ka sujestaun ruma ne’ebe nesesario no razoavel hodi hadia formatu sira ne’e.
  
• Distribui ka drop revista sira ba kada eskola no komunidade tarjetu sira in nivel municipio tomak mak bazeado ba no atinzi loron remata (deadline) husi distribusaun nian.
  
• Kolesaun dadus benefisiario, verifika no entri uza tablet.
  
• Distribusaun revista direita ba eskola sira mak inklui revista LAFAEK ba KOMUNIDADE (Eskola Insert).
  
• Distribui revista ba Parseiru sira iha Nivel Suco, Administrasaun Posto no Municipio.
  
• Identifika istoria impaktu/susesu husi benefisiario ka parseiru sira no informa ba Ekipa MEK atu dezenvolve no rekorda.
  
• Koordena no fasilita Dialogo Komunidade ka atividade relevante seluk projeitu nian iha Nivel Suco, Administrasaun Posto no Municipio.
  
• Partisipa ka involve iha enkontru konsellu suco nian kada fulan.
  
• Aprezenta atinjimentu no dadus benefisiario projeitu nian ba edukasaun Municipio no autoridade administrasaun ka parseiru relevante sira dala ida tinan ida.

Komunikasaun no Koordenasaun

• Ativamente halo Komunikasaun ho Supervisor, kolega servisu no fungsionariu sira husi projeitu seluk.
  
• Koordena no akompanya visita ekipa jestor ka doador iha eskola ka komunidade sira,
  
• Ativamente kordena ho Direitor/Pesoal sira Edukasaun Municipio nian, Direitor ka koordenador eskola no Manorin sira,
  
• Komunikasaun ka kordenasaun regular ho pesoal Administrasaun Municipio/Posto inklui autoridade local atu asegura katak revista komunidade distribui ba kada Uma Kain,
  
• Atende trainamentu ka workshop sira ne’ebe organiza husi CARE,
  
• Reprezenta CARE iha kampu no suporta atividade adisional sira husi projeitu seluk iha Care TL nian,
  
• Engaja no promove LAFAEK FACEBOOK PAGE no WEBSITE ba grupu joventude sira nomos parseiru sira iha nivel Municipio,   
  
• Identifika parseiru potensial ba objetivu Sponsorship nian iha ida-idak nia municipio no relata ba seksaun LSE hodi bele kontinua ba negosiasaun.
  
• Seluk
• Maneja orsamentu projeitu nian, gastu no relatorio finansa ho apoio husi Oficial suporta projeitu nian,
  
• Proavtivu partisipa iha prosesu APPA hanesan: revisaun tinan klaran, Annual no enkontru regular 1:1, hodi asegura katak prosesu APPA hanesan komponente integradu husi atividade sira iha planu servisu annual nian,
  
• Promove no hametin kultura ambiente servisu ne’ebé seguru no siguransa no konsistensia hodi lao tuir Politika no prosedur sira kona ba Seguru no Seguransa CARE nian,
  
• Hatudu komprensaun kona ba igualidade Jeneru, Haforsa Feto sira no iha komitmentu ba Aproximasaun no valor sira CARE nian inklui etniku, diversidade no sensitive kultural,
  
• Responsabiliza no promove komitmentu CARE nian ba Protesaun Labarik,
  
• Mantein no tau matan ba Patrimonia CARE nian ne’ebé mak fasilita ba ita hanesan: Motor, Laptop, tablet no seluk tan.
  

 
Ba informasaun detalladu konaba pozisaun ida ne’e, vizita link ida ne’e:https://drive.google.com/file/d/1PfLa-5T6fZOm_vt8ij2yXXy0HehX-xEP/view?usp=sharing
 
 
3.  Kriteria selesaun

• Edukasaun minimu Diploma / Lisensiatura iha area edukasaun ka Dezenvolvemento Social ho mais ou menus iha esperiensia servisu husi tinan 3-5 iha area ligistika no distribusaun material ba iha baze,
  
• Iha kunesemento kona ba Metodolojia Hanorin no Aprende iha area Pre-eskolar no Ensino baziku nian,
  
• Abilidade excelensia atu servisu ho independensia no iha grupu,
  
• Kandidatu tenke kriativu, organizadu no iha motivasaun diak,
  
• Abilidade kona ba komputador iha nivel ne’ebé standar husi Programa Microsoft Office, Hanesan: Word, Excel, Power Point, no programa database sira seluk hanesan vantajem ida mos,
  
• Abilidade atu uza Smartphone/Tablet,
  
• Abilidade atu fasilita ka lidera enkontru/workshop iha nivel, Municipio, komunidade  ka projeitu,
  
• Iha kunesementu jeografikamente kona ba municipio ba aplika ba no husu atu hela iha municipio refere, nune’e prefere liu aplikante mai husi municipio ne’e rasik,
  
• Abilidade atu hakerek relatorio no submete ba adjunto jestor projeitu implemetasaun, Monitoring no Evaluasaun nomos ba edukasaun Municipio,
  
• Abilidade atu komprende, halo tuir no responsabiliza ba politika no procedure sira hotu CARE nian iha Timor Leste,
  
• Fluente iha Tetum no English hanesan Vantajen ida,
  
• Abilidade atu lori motor iha area rural sira nomos tenke iha SIM ne’ebé sei validu hela iha tempu naruk, SIM motor A2 vantajen diak liu,
  
• Abilidade atu promove kolaborasaun servisu ho fungsionariu CARE, Governo, Autoridade lokal no parseiru sira seluk.
  

 
4.  Oinsá atu aplika

Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba hr.tls@careint.org  ka ba submete iha Rekursu Umanu iha CARE nia eskritóriu iha Bairo Pite, Dili.

 
Nota

• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu.
• CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika.
• CARE prioritiza seguransa husi membru komunidade sira ne’ebé mak ami servisu hamutuk, liu-liu sira ne’ebé mak vulneravel liu iha sosiedade, inklui feto no labarik sira. CARE sei la tolera asédiu seksuál, esploitasaun ka abuzu komete husi funsionáriu ka parseiru sira, no ida ne’e hatuur ona iha ami nia sistema hodi prevene no hatan ba risku salvaguarda iha lalaok servisu hotu.
• CARE rezerva direitu atu hala’o prosedimentu atu asegura katak fatin servisu seguru ba labarik.
• Só kantidatu sira ne’ebé susesu deit ba faze seguinte mak sei hetan kontaktu ba intervista.