Vaga Servisu - Ofisial Projetu SILC/RIAK - Caritas Diocesana de Baucau

OPORTUINIDADE SERVISU

Titulu pozisaun	Ofisial Projetu SILC/RIAK
Lokalizasaun	Baucau
Relata ba	Project Coordinator
Tipu pozisaun	Full – Time (Tempu Integral)
Data komesa	03 Setembru 2024
Loron ikus ba aplikasaun	06 Setembru 2024
Prosesu aplikasaun	Haruka CV no karta aplikasaun liu husi email ba caritas_baucau@yahoo.com no elisabeth.belo@cdbtl.org  ka bele submete direita ba iha departamentu Rekursu Umanu Caritas Diocesana de Baucau nia eskritóriu iha Uma Mean, vila Nova Baucau.

Informasaun Geral:

Organizasaun Caritas Diocesana de Baucau hanesan departamento ida nebe mak existe iha Diocese Baucau nia okos. Oraganizasaun Caritas Diocesana de Baucau hahu ahri’i iha tinan 1999 to’o agora no halao nia knar hodi servi ba sarani sira nebe mak iha Diocese Baucau nia laran (Municipio: Baucau, Lautem, Manatutu no Viqueque).

Caritas Diocesana de Baucau halao nia misaun iha Diocese Baucau hodi tau prioridade ba doutrina social Igreja católika nebe sumariza katak: Dignidade Humanu, Solidaridade, no Subsiariadade ba nia sarani sira la hare ba Religião, kor no raҫa.

Caritas Diocesana de Baucau iha nia existensia halo tinan 25 ona la halo servisu mesak maibe hetan apoio husi parseiro internasional sira hanesan: CRS Timor Leste, Caritas Australia, Caritas korea no Caritas internasionalis hodi apoio iha implementasaun aktividade sira, hanesan: Agrikultura (food security, Climate Smart Agriculture, Grain Storage Experiment and Aquaculture), Health (Nutrisaun, TB, Covid-19 Prevenesaun response no prevenesaun HIV, Natural family planing), SILC no Gender no peace building.

Agora daduk programa ReDi Plus implementa aktividade iha Municipio Baucau no Lautem  ho komponente DRR, Agrikultura no SILC liu husi aktividade ne’e bele hasae komunidade vulnerabel sira nia konesimento konaba oinsa hasoru Dezastre nebe kada tinan sempre akontese fila-fila, atu komunidade sira bele resiliente ba iha dezastre.

Liu husi oportunidade ne’e Caritas Diocesana de Baucau buka hela Ofisial Projecto ba aktividade SILC/RIAK atu kobre ba grupu benefisiarios sira nebe existe ona iha Municipio Baucau iha Posto Quelicai, Laga no Baguia.

Knar no Responsabilidade:

1. Halo koordenasaun ho Lider komunitario no komunidade sira konaba Implementasaun programa
2. Partisipa no Fasilita treinamento konaba programa ReDi Plus (Aktividade SILC)
3. Asegura kualidade grupu tuir metodologia SILC/RIAK nian.
4. Akompanha membru grupu SILC regular konaba enkontro Rai Osan kada semana
5. Halo monitorizasun ba grupu SILC, rekolha data koleksaun kada fulan no prience nia checklist 
6. Priece dadus ho lolos no apresenta dadus ho kualidade ba M&E  wainhira fila husi terreno
7. Halao didiak nia responsabilidade ba knar nebe simu husi programa ReDi Plus (SILC, Agrikultura no DRR) iha terre no knar nebe deskreve iha termo kontrato servisu.
8. Anota aktividades lor-loron nian hanesan; oportunidade, dezafios, forsa no frakeza husi aktividade no anota lisaun aprendisajem durante implemensaun programa iha terreno.
9. Simu no tau hamutuk sujestaun husi parte hotu konaba assuntos nebe relasiona ho servisu no assistencia Organizasaun nian ba grupu tergeto ka benefisiarios sira.
10. Tau prioridade nesesidade komunidade nian nebe identifika; wainhira no atende tuir kapasidade organizasaun nian, medidas nebe foti no desisaun husi organizasaun atu responde.
11. Sei halo nia knar iha terreno 80% no iha office 20%, atu submete liquidasaun formato resultado aktividade relatorio mensal.

Konesimento, kapasidade no abilidade:

• Kria relasaun diak ho stekholders: Municipio, Posto no Suco no Parseiro lakal, Nasional no Internasional sira seluk nebe iha ligasaun servisu.
• Iha kapasidade rona ema seluk nia ideia, analiza situasaun no programa ho diak
• Atensaun no detalhos ba aktividade hotu (dadus, Relatorio) halao servisu ho pontualidade no iha responsabilidade maximu ba servisu nebe resposabiliza ba
• Bele utuliza komputador iha Microsoft
• Hatene utuliza email hodi halo komunikasaun servisu.

Kriteria :

• Feto/Mane
• Tinan 20-35
• Remata estudu iha area Ekonomia
• Mais ou menus remata escola secudario
• Iha experiensia servisu liu tian id aba leten
• Iha konesimento diak konaba SILC/RIAK
• Hatene lian tetum ho diak no lian maternal (Makasae, Naueti)
• Iha konesimento basiko nebe diak iha lian ingles
• Hela metin iha Municipio Baucau
• Iha espirito voluntario no iha vontade servisu diak
• Ema nebe livre katak la servisu iha fatin seluk ka organizasaun seluk
• Ema nebe la involve iha krime ruma
• Livre husi moras (Atestado medico)
• Hatene hodi motor Bot no iha SIM Valido
• Prioridade ba ema Baucau oan

Ba maluk sira nebe iha interese atu halo aplikasaun bele hatama:

• Karta Rekeremento (Refere ba Director CDB, Pe. Justino Afonso de Aquino Pinto)
• Curiculum Vitae (CV)
• Diploma Ikus Legalizado
• Foto copia Cartaun Eleitoral / Bilhete Identidade
• Foto copia Carta Condusaun Motorizada Valido (A2)
• Bom Comportamento husi Notariado
• Livre husi Moras (Atestado medico husi Hospital)

Bele Submete aplikasaun iha oras servisu tuku :

• Dader 08:00-12.00
• Lokraik 13:00-17:00 Otl.

Informasaun Klaro liu bele kontakto ba numeru telfone: +670 7798 6539 ka +670 778460654

Nota:

• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu.
• CDB  respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. 
• CDB prioritiza seguransa husi membru komunidade sira ne’ebé mak ami servisu hamutuk, liu-liu sira ne’ebé mak vulneravel liu iha sosiedade, inklui feto no labarik sira. CDB sei la tolera asédiu seksuál, esploitasaun ka abuzu komete husi funsionáriu ka parseiru sira, no ida ne’e hatuur ona iha ami nia Manual Organizasaun hodi prevene no hatan ba risku salvaguarda iha lalaok servisu hotu.
• Só kanidatu sira ne’ebé susesu deit ba faze seguinte mak sei hetan kontaktu ba eskrita no intervista.