Anúnsiu Vaga - Motorista - Intermitente - Peace Corps Timor-Leste

Anúnsiu Vaga

(Ba Rekrutamentu, servisu PSC, no Avaliasaun Dezempenu)

PSC Títulu ba Pozisaun: Motorista - Intermitente

Oras servisu (40 or 44): 44 oras

Relata ba: Servisu jere husi Jerente Formasaun durante sesaun PST. 

Dezempenu servisu hetan evaluasaun husi Jerente Servisu Jerál no Jerente Formasaun

Kordena ho: Staff PST, staff medikál, staff General Service/Servisu Jerál

Superviziona ema seluk: N/A

Rekerimentu mínimu:

• Mínimu, kandidatu ne’ebé susesu nia CV tenke hatudu buat hirak tuirmai:
• Tinan no esperiénsia servisu: Minimu esperiénsia tinan 2 hanesan kondutór profisionál
• Iha konesimentu oinsá relatóriu utilizasaun kareta.
• Iha SIM ka karta kondusaun Validu husi Timor-Leste ho tempu valídu mínimu fulan 6 molok espira
• Laiha asidente ka asidente veíkulu nian ne'ebé maka sala no/ka sitasaun/violasaun tránzitu nian iha tinan 2 ikus ne'e
• Iha evidénsia Rejistu Polisia ne’ebé di’ak
• Kondutór ida tenke pasa ezame kondutór nian no mós ezaminasaun medikál
• Iha konesimentu ba regra no regulamentu lori kareta nian
• Iha konesimentu di’ak kona-ba Sistema transporte Timor-Leste nian, distánsia no kondisaun viajen
• Iha esperiénsia lori kareta SUV bo’ot
• Abilidade atu hi’it sasán10 kg.

Kualifikasaun Ne’ebé preferidu:

• Iha abilidade lori kareta ho tranmisaun manuál (sei teste durante teste kondusaun)
• Esperiénsia lori kateta ba organizasaun internasionál
• Konesimentu hadi’a kareta bazíku
• Inglés bazíku sai hanesan preferiénsia maka’as maibé la’ós hanesan rekerimentu bo’ot
• Iha attitude proativu no fleksibilidade
• Prefere sira-ne’ebé iha abilidade atu lori kareta manual
• Abilidade atu hi’it sasán to’o 20 kg (konsidera ba sira ne’ebé sei disponivél iha tempu saida de’it atu sai hanesan kondutór ba PST)

Knaar no Responsabilidade Prinsipál sira

Kondus Kareta

• Lori kareta loron-loron tuir regulamentu hotu-hotu husi Timor-Leste no Korpu da Pás nian kona-ba utilizasaun veíkulu motorizadu no uza kareta ba asuntu ofisiál Korpu da Pás nian de’it.
• Halo kontrolu loron-loron ba kareta tuir lista kontrolu ba kareta no asegura katak kombustivel sufsiente ba atividade sira ne’ebé planeia ona. Relata ba supervisor wainhira presiza.
• Mantein rejistu veíkulu nian (prenxe odómetru sira no asegura pasajeiru sira asina).
• Mantein kareta sira iha kondisaun exelente inklui mantein veíkulu sira moos no halo manutensaun ki'ik.
• Utiliza karreta ho seguru.
• Asegura seguransa no seguransa ba pasajeiru hotu-hotu (inklui kondutór) no veíkulu no propriedade Korpu da Pás nian hodi adere ba matadalan seguransa no seguransa kondusaun nian inklui, maibé la limita ba, uza sintu seguransa, hadook-an hosi uza telefone, no la fuma.
• Asegura katak veíkulu seguru tuir kapasidade kondutór nian. Asegura katak veíkulu xavi metin no seguru hafoin oras servisu nian.
• Hato’o ka rekomenda nesesidade manutensaun no servis kareta nian ba Unidade Servisu Jerál no Unidade Formasaun atu asegura katak kareta sira sempre iha kondisaun seguru no operavel.
• Disponivel atu fornese transporte ofisiál durante loron servisu nian no mós iha tempu sira ne'ebé la'ós oras servisu nian ne'ebé estabelese ona bainhira hetan shift sai hanesan kondutór servisu nian hodi akomoda nesesidade sira Korpu da Pás nian, hanesan lori karreta responde ba nesesidade emerjénsia médiku sira iha kalan boot.
• Respoinsavél ba sasán hotu ne’ebé rai iha karreta laran e.z. aparellu medíku sira nsst

Inventáriu no Lojistika.

• Organiza, ho tulun hosi Pesoál Formasaun Korpu da Pás, apoiu lojístiku ne’ebé nesesáriu atu fasilita viajen funsionáriu no formandu sira, transporte ekipamentu no sasán sira inklui maibé la limita ba inventáriu & inspesaun, halo packing no distribuisaun fornesimentu materiál formasaun, no ekipamentu.
• Ajuda tula/hatuun materiál sira hosi karreta Korpu da Pás nian bainhira presiza
• Fornese servisu fíziku ba nesesidade eskritóriu nian bainhira presiza.
• Ajuda iha preparasaun no reprodusaun ba materiál formasaun no administrativu sira.
• Atende enkontru staff sira hodi solisita nesesidade lojístika ba programa formasaun.
• Hasoru malu ho Jerente Formasaun no Ekipa Servisu Jerál sira bainhira presiza atu diskute kondisaun lojístika sira, ezijénsia sira no preokupasaun sira ne'ebé sei mai husi staff no formandu sira PST nian.
• Apoia inventáriu ba materiál formasaun hotu-hotu, sasám supply sira no ekipamentu sira hafoin PST remata no molok sasán sira haruka fila-fali mai Dili, hodi garante katak sira-ne’e fila ho di’ak & loos atu hatama fali ba sala armazenamentu no halo verifikasaun/inspesaun/relata loloos kona-ba estragu no reparasaun ne’ebé presiza.
• Mantein imajen públika ida ne’ebé profisionál no pozitivu ho staff formasaun, formandu sira no komunidade lokál ne’ebé hatudu relasaun servisu inter-kulturál ida ne’ebé efetivu.
• Halo knaar apoiu sira seluk ne'ebé determina ona husi Jerente Formasaun nian.

Servisu Seluk.

• Hala’o kna’ar sira seluk, bainhira konsidera nesesáriu hosi Diretór Nasionál no/ka DMO ba jestaun operasaun Korpu da Pás nian iha Timor-Leste ho susesu.

Nu'udar kondutór ita-boot tenke kumpre polítika sira tuirmai:

• Veíkulu PC sira uza de'it ba objetivu sira ne'ebé relasiona ho servisu. Só PCV sira, PCT sira, parseiru servisu sira no membru staff Korpu da Pás nian maka bele utiliza kareta nu'udar pasajeiru iha veíkulu PC sira. Laiha membru família, belun, ema ne'ebé husu boleia ka ema seluk maka sei hetan lisensa atu sa'e karreta ofisiál Peace Corps nian.
• Ne'e maka responsabilidade husi kondutór atu asegura katak pasajeiru hotu-hotu iha veíkulu laran kesi ona sira nia sintu seguransa nian molok lori veíkulu sai hosi fatin ne'ebé nia para. Kondutór tenke iha karta kondusaun ne'ebé válidu.
• Kondutór no pasajeiru sira labele kanta, lee ka involve iha atividade sira seluk ne'ebé dada kondutór nia atensaun hosi espellu estrada ka karreta nian.
• Kondutór sira ne'ebé maka uza karreta PC bandu atu uza telemovel tantu smarphone, earphone, xinelus bainhira lori karreta. Se kondutór presiza simu ka halo xamada, nia tenke para iha estrada ninin ne’ebé seguru molok hatán xamada, hatán xamada, lee ka hatán ba mensajen testu.
• Labele fuma ka husik ema seluk fuma iha karreta PC nian
• Asegura katak laiha alcohol mak tula iha karreta PC nia laran
• Labele kedas konsumi alcohol durante viajen.
• Laiha ema sé de’it mak bele uza karreta PC nian sein autorizasaun husi Direitór Nasional ka Direitór Interinu.
• Se funsionáriu ida hatene kona-ba violasaun ida ba polítika ruma no la fó hatene ba Diretór Nasionál nian ka Diretór Jestaun no Operasaun sira kona-ba violasaun ne'e, nia mós responsavel ba violasaun ne'e.

Papél no Responsabilidade Jerál sira

1. Indivídu hotu-hotu ho kualker involvimentu iha operasaun Korpu da Pás Timor-Leste nian, tantu U.S. Direct Hire, U.S. Personal Services Contractor, Foreign Service National, Foreign Service Personal Services Contractor ka Voluntariu/Estajiáriu iha kna’ar no responsabilidade diretamente no/ka indiretamente asosiadu ho Seguransa no Seguransa. Knaar no responsabilidade sira-ne'e inklui, maibé la limita ba, tuirmai:

• Iha konxiénsia no komprensaun kona-ba instrusaun hotu-hotu husi Peace Corps kona-ba Seguransa.
• Iha konxiénsia no komprensaun kona-ba prosedimentu emerjénsia sira iha uma no eskritóriu.
• Konxiénsia no komprensaun kona-ba knaar sira ne’ebé asosiadu ho Planu Asaun Emerjénsia Korpu da Pás Timor-Leste.
• Disponibilidade, iha uma no eskritóriu, hosi númeru telefone no/ka enderesu email kontaktu pesoál no Voluntáriu nian iha kazu ne'ebé indivíduu ne'ebé deklara hetan orientasaun atu inisia kontaktu emerjénsia no fornese informasaun emerjénsia.
• Mantein koñesimentu atuál kona-ba Planu evakuasaun Korpu da Pás, Planu Asaun Emerjénsia PC nian no oinsá atu uza aparellu hamate ahi atu nune’e bele garante nível seguransa no apoiu ne’ebé adekuadu ba Voluntáriu Korpu ba Pás/Timor-Leste.
• Asegura konfidensialidade tomak kona-ba informasaun hotu-hotu ne’ebé relasiona ho staff Korpu ba Pás, Voluntáriu sira no operasaun Korpu ba Pás/Timor-Leste.
• Kualkér Funsaun Governamentál Inerente (IGFs) hanesan Supervizór ka Ofisiál sira.

2. Instrusaun Seguransa 110

• Uza karreta sira Korpu da Pás nian ho seguru iha tempu hotu-hotu.
• Komunika kedas preokupasaun no kestaun sira kona-ba seguransa no seguransa Voluntáriu nian ba Jerente Seguransa no Seguransa (SSM) no CD.
• Iha koñesimentu no apoiu ba polítika no prosedimentu sira seguransa no seguransa Korpu da Pás nian, inklui relatóriu oportunu kona-ba insidente, ema ka artigu sira ne'ebé deskonfia.
• Koñesimentu no apoiu ba polítika no prosedimentu sira seguransa no seguransa Korpu da Pás nian, inklui relata kedas bainhira deskonfia insidente, ema ka artigu sira.
• Koñesimentu no suporta polítika no prosedimentu sira seguransa no seguransa
• Korpu da Pás nian, inklui relata kedas kona-ba insidente, ema ka artigu sira ne'ebé deskonfia

Seguransa Tuir Polítika MS 270

• Respeita limite velosidade no velosidade ne’ebé iha tuir kondisaun lokál
• Hatene kona-ba paradeiru karreta PC nian iha tempu hotu-hotu
• Foti dalan ne'ebé badak liu no seguru liu ba fatin destinu, auto-estrada prefere liu
• Labele halo desviu sira ne'ebé la nesesáriu
• Labele lori karreta iha tempu kalan exetu bainhira hetan autorizasaun husi CD
• Asegura katak iha guarda kalan nian bainhira laiha fatin protejidu atu rai karreta iha kalan
• Asegura katak veíkulu xavi metin bainhira la uza

3. Halo servisu Governmental| N/A

Lojístika & Nivel Esforsu & Estasaun Servisu

• Eventu sira bele presiza servisu okazional iha kalan no iha findesemana no feriadu sira KA fora hosi eventu sira Treinamentu nian ne'ebé maka ajenda ona. Bele mós presiza atu halo viajen ba muníspiu seluk.
• Estasaun servisu mak fatin formasaun Pre-Servisu (sai husi Dili) husi fulan Juñu to Agostu 2026 se selesiona hanesan kondutór PST. Estasaun servisu mak Dili, Timor Leste bainhira laos iha PST.

INFORMASAUN BA APLIKANTE:

Saláriu

Pozisaun ida ne’e selu ba loron ne’ebé servisu, hahú husi $27.60 USD to’o $38.95 USD kada loron, depende ba esperiénsia no istória saláriu, ho totál períodu dezempeñu labele liu loron 190. Uma no hahán bele fornese iha fatin formasaun liuhosi subsídiu ka provizaun hosi Korpu da Pás durante períodu Treinamentu Pre-Servisu.

Lisensa Seguransa

Kandidatu tenke bele hetan lisensa seguransa nian ne'ebé presiza Kartaun identidade Nasionál no Requerimento de Certificado de Registo Criminal husi Ministériu Justisa nian ne'ebé sei válidu. Kandidatu sira ne'ebé laiha dokumentu sira-ne'e bele aplika, maibé sira tenke hahú prosesa dokumentu sira-ne'e kedas. Kandidatu sira mós sei presiza pasaporte válidu no labele iha restrisaun ruma ba viajen ba Estadus Unidus hosi esperiénsia anteriór.

Importante! Aplikante sira tenke deskreve ho klaru ka hatudu oinsá sira kumpre kualifikasaun ida-idak iha leten iha Resume/CV ne'ebé hakerek iha Inglés atu bele konsidera. CV sira labele liu pájina 4.

Aplikante sira sei husu atu hatama kópia ida karta kondusaun ne'ebé válidu ho pelumenus fulan 6.

Favor ida, LABELE haruka anexu adisionál sira, hanesan sertifikadu sira, iha tempu ida-ne'e.

Cover letter sira enkoraja atu hatama maibé la presiza. Kandidatu sira ne'ebé kualifikadu no iha interese tenke haruka sira nia Resume/CV liuhosi e-mail ba easttimorpc@peacecorps.gov. Resume/CV tenke haruka hanesan anexu ho aplikante nia naran uza hanesan file name/naran ba file CV ne’e.

Bainhira manda email, aplikante sira tenke uza liña asuntu/subject line tuirmai ba email: Pozisaun_Apelidu,Naran (Ezemplu: Motorista_Soares,Pedro). Aplikasaun sira ne'ebé laiha liña asuntu ne'ebé loos bele hetan diskualifikasaun.

Korpu da Pás empregadór ida-ne'ebé fó oportunidade hanesan ba ema hotu. Kandidatu feto sira hetan enkorajamentu maka'as atu aplika.

Korpu da Pás sei la diskrimina aplikante ida tanba ema ne'e nia rasa, kór, relijiaun, seksu, orijen nasionál, idade (40 ba leten, exetu bainhira aplikante liu ona idade reforma obrigatóriu iha nasaun ida nian), defisiénsia, ka informasaun jenétika.

Data ikus submisaun nian: Pozisaun sei loke nafatin molok rekrutamentu kompleta ona. Aplikante sira tenke aplika antes loron 14 fulan-Jullu tinan 2025, atu hetan prioridade no konsiderasaun. Sei la simu xamada telefone ka vizita pesoál relasiona ho vaga ida-ne'e. Sei kontaktu de'it kandidatu sira ne'ebé selesiona tama iha lista badak.

Korpu da Pás bele rekruta kandidatu ida ka liután ba vaga ida-ne’e

Term of Reference