Vaga Servisu ba Ofisial Treinadór Leprozu

 Ra’es Hadomi Timor Oan
(Organizasaun Nasionál Ema ho Defisiensia iha Timor-Leste)
Vaga Servisu ba Ofisial Treinadór Leprozu

Sesaun 1 – Istoria ba Projetu Nasional Inkluzaun Defisiénsia
Ra'es Hadomi Timor Oan (RHTO) mak organizasaun nasional ema ho defisiénsia iha Timor-Leste. Hanesan membru organizasaun ida, ho konstituensia husi aproximadamente membru liu 1,500, kompostu ema ho tipu difiesiénsia oioin nune’e mós sira nia familia. RHTO servisu direitamente ho membru sira no familia sira através munisipius 13 Timor-Leste hodi mellora asesu ba edukasaun, servisu saúde, filaliman nune’e mós partisipasaun ema ho defisiensia sira iha komunidade. Alén disu, RHTO mós asume hasa’e konsiénsia nune’e mós promove advokasia iha nivel lokál no nasional. 

RHTO orijinalmente estabelesidu iha 2006, rejistradu hanesan ONG ida iha Forum ONG Timor-Leste (FONGTIL) no formalmente rejistradu hanesan ONG ida hosi Ministeriu Justisa, Diresaun Notariadu iha 2012. Desde 2006 to’o 2020, RHTO simu ona finansiamentu husi doador sira mak hanesan APIDS, TLMTL, CBMA, DFAT, Oxfam-TL, Counterpart International, IFES, TAF no Embaixada Amerika, Water AidTL, World Vision-TL, Care International-TL no Pacific Disability Forum (PDF). RHTO agora iha aproximadamente funsionárius 38 (inkluindu 13 mak bazeada iha nivel munisipiu), sira ne’ebé mak invelvidu iha implementasaun ba Projetu Nasional Konsiensia Defisiénsia.

Governu Australia (DFAT) liu husi Parseiru Dezenvolvimentu Umanu (PHD) iha komitmentu hodi kontinua apoia iha Faze Daruak Programa Disability Inclusion (DI) ba RHTO husi 2021 to’o 2026 implementasaun Projetu Inkluzaun Defisiénsia iha Timor-Leste. Iha faze daruak projeitu ne’e RHTO sei servisu besik liu ho parte governu liliu oinsa atu mellora inkluzaun defisiénsia iha area saúde servisu ho Ministeriu Saúde (MS), area protesaun sosial servisu besik liu ho Ministeriu Solidariedade Sosial no Inkluzaun (MSSI) no area edukasaun servisu hamutuk ho Ministeriu Edukasaun (ME). Projetu RHTO ne’e iha xavi objetivu ha’at: (1) Aumenta ema ho defisiénsia nia konsiénsia ba sira nia direitu rasik, no muda persepsaun sira ba defisiénsia; (2) Mellora bazeada evidiensias no koñesementu konabá inkluzaun defisiénsia no asesibilidade iha Timor-Leste, no asume estratejia advokasia bazeada evidiensias; (3) Aumenta asesibilidade ba servisu públiku iha Timor-Leste, hodi ajuda ema ho defisiénsia sira, partikularmente feto sira, hodi gaña asesu ba edukasaun, saúde, prevensaun no mitigasaun COVID-19, filaliman, sustentabilidade no justisa; (4) Kontrui kapasidade seitor partes interisadas (stakeholders) no advogadus. Atividade sira asume liu husi Projetu ne’e inkluindu:

• Aumenta treinamentu konsiénsia iha nivel suco ou aldeia
• Treinamentu inkluzaun ba naun-govermental seluk ou instituisaun governu sira no partes
• interisadas
• Provizaun ba bolsas estudu ba labarik ho defisiénsia sira hodi asesu ba edukasaun
• Modifisaun husi edifísiu eskola hodi sai asesível amigáveis e.z (rampa sira, haluan dalan tama,
• harisfatin asesível)
• Provizaun terinamentu edukasaun inkluzivu ba profesores nune’e mós estudante sira
• Formasaun ba grupu autu-ajuda sira (self-help groups) husi ema ho defisiénsia sira hodi halo
• advokasia ba direitu ema ho defisiénsia sira iha nivel munisipius
• Provizaun husi impresta mikro-finansa ba grupu auto-ajuda sira ou individual ho defisiénsia
• sira ne’ebé mak hakarak atu habelar negósiu ki’ik
• Provizaun husi asesibilidade fízika hodi RHTO identifikadu membru nia e.z. (rampa, haluan
• korimaun dalan tama no harisfatin asesível) uma sira
• Halo refénsia (referral) ema ho defisiénsia sira hodi hetan e.z. (ekipmentu asisténsia),
• fizioterapia, Subsídiu Defisiénsia, asesu ba justisa sst).

Sesaun 2 - Objetivus ba Rekrutamentu  

Durasaun husi RHTO nia Projetu Inkluzaun Defisiénsia iha Timor-Leste mak komesa Jullu 2021 to’o Juñu 2023, portantu, planeamentu RHTO hodi rekruta Feto ou Mane ba Ofisial Treinadór Leprozu hodi apoia Jestor Treinamentu no Inkluzaun ho nia ekipa fasilita implementasaun programa Organizasaun nia konabá leprozu ne’ebé afetadu ema sai defisiénsia iha programa treinamentu RHTO nian iha nivel nasional no munisipiu.

Ofisial Leprozu mós halo planeamentu, implementasaun, no hare ba maluk sira ne’ebe mak afeitadu
tanbá moras leprozu liu husi servisu hamutuk ho Ofisial Munisipiu RHTO nian. Halo kooperasaun no
koordenasaun di’ak ho Ministeriu Saúde (MS) no Misaun Leprozu Timor-Lete (TLM-TL) hodi halo
referral Ema ho Difisiénsia ne’ebé afetadu ho leprozu hodi hetan servisus no asistensia mediku ka
tratamentu.

Ofisial Treinadór Leprozu sei asume servisu sira tuir mai:

1. Atualiza no aumenta (update and upgrades) nia koñesimentu hodi halo servisu ho responsabilidade no espíritu nakonu hodi servi ema ho defisiénsia ne’ebé afetadu hosi leprozu no defisiénsia sira seluk.
2. Hamutuk ho Jestór Treinamentu no Inkluzaun hodi planea no dezeña programa treinamentu leprozu integradu ho manual treinamentu sira ne’ebé RHTO prepara nune’e hodi disemina informasaun defisiénsia tanbá leprozu.
3. Apoia servisu programa nian iha nivel munisipiu hodi hala’o promosaun no referral ema defisiénsia ne’ebé afetadu tanbá leprozu liu husi kooperasaun no koordenasaun ho Ofisial Munisipiu sira RHTO nian.
4. Kooperasaun no Koordenasaun di’ak ho Ministeriu Saúde (MS) no Misaun Leprozu TimorLeste (TLM-TL) hodi halo referral Ema ho Afetadu Leprozu hodi asesu ba servisu no tratamentu sira.
5. Kolekta no identifika dadus Ema Defisiénsia Afetadu Leprozu no aktualiza iha dadus regularmente no relata ba Ministeriu Saúde (MS) no Misaun Leprozu Timor-Leste (TLMTL).
6. Responsavel ba planeamentu no preparasaun ba treinamentu liga ba leprozu liu husi kooperasaun no koordenasaun di’ak no metin ho Ministeriu Saúde (MS) no Misaun Leprozu Timor-Leste (TLM-TL).
7. Ezekuta servisu adisional sira sobre desizaun hosi dentru liña Jestor Treinamentu no Inkluzaun no mós Jestor Projeitu nian hodi hametin servisu internal RHTO nian. 

 Sesaun 3: Rekerementu sira 

1. Kurriulu Vitae (CV)
2. Edukasaun Minimu Diploma Sekundariu ka Universitáriu ka Diploma area relasionadu.
3. Pelu menus tinan 2 atraz esperiensia servisu ba formasaun ka treinamentu leprozu ka areanrelasionada.
4. Esperiensia servisu no kooperasaun Ministeriu Saúde (MS) no Misaun Leprozu Timor-Leste (TLM-TL).
5. Koñesementu sólidu ba asuntu ka area leprozu nian ka saúde ka tratamentu ba leprozu nian.
6. Koalia ho fluentu Tetun no karik hatene oituan lian Ingles no Portuguez (koalia no hakerek).
7. Prontu no iha fleksibilidade servisu iha nivel munisipiu.
8. Pontualidade no obedese ba nia superior hala’o servisu.
9. Aneksa dokumentu suporta sira hanesan:

• Kartaun Identidade 
• Diploma, ou sertifikadu ba nivel edukasaun kuandu iha 
• Diploma ou sertifikadu husi treinamentu ou kursu ne’ebé mak atende ona 
• Karta referénsia husi funsionáriu anterior (servisu anterior) karik iha 
• Bom komportamentu ka deklarasaun ruma justifikasaun husi Suku ka relevante

Sesaun 4: Prazu submisaun ka loron ikuz submisaun dokumentus

• Sexta Feira 18 Juñu 2021, óras tuku 5:00 lorokraik.
• CV no dokumentu seluk liu dia 18 Juñu 2021, tuku 5:00 lokraik sei labele simu ka atende.
• Informasaun detaillu ba vaga ida ne’e liga mai iha RHTO nia Administrasaun no submisaun kopia elektronika, CV no dokumentu sir abele manda liu husi email no/ka liga direita email address no númeru kontaktu sira tuir mai:

• Sra. Ma dalena de Jesus Martins: +670 786 204 86 ka liu husi email:  madalena.martins.dpo@gmail.com ka Sra. Floriana da Silva: +670 75422794 ka liu husi email: silvaanadpo@gmail.com
• Ka asesu Facebook page RHTO: Ra’es Hadomi Timor Oan DPO 
• Website RHTO: www.rhtodpotl.org 
• Bele mós hatama CV no dokumentus direitamente mai RHTO nia edifisiu iha: 
• Taibesi, Lahane Oriental, Liquintai, Dili, Timor-Leste (+670 3310540) 
• Ba kandidatu sira ne’ebé mak liu husi short list deit mak hetan kontaktu.