Demand Generator no Edukador - Marie Stopes Timor-Leste

 

Marie Stopes Timor-Leste (MSTL)

Anúnsiu Vaga

Demand Generator no Edukador (Pozisaun 1)

17 Agusto 2021

 

Marie Stopes Timor-Leste (MSTL), nudar membru ida husi Marie Stopes International ba parseria global ne’ebe nudar organizasaun non-profit, espesializadu hodi suporta no hato’o atendimentu saúde seksual reproduktiva (SSR) no planeamentu familiar (PF) ho kualidade aás. Ami servisu ona iha Timor-Leste desde tinan 2007 hodi suporta Ministériu da Saúde (MdS) hodi implementa estratéjia saúde reproduktiva nasional hodi atinji meta nasional ba saúde maternal iha Timor-Leste. Ami nia matadalan prinsipal maka atu suporta MdS hodi hato’o atendimentu saúde reproduktiva oi-oin ho kualidade aás; asegura kualidade klinikal ne’ebé diak liu; no suporta hato’o atendimentu ne’ebé fokus ba kliente no promove eskolha/hili.

 

MSTL agora daudaun buka hela ema Timor oan ida, Enfermeiru, ba pozisaun Demand Generator no Edukador ba rejiaun Sentral.

 

Demand Generator no Edukador sei servisu ho independente iha rejiaun Sentral (Dili) ho viajen frekuentamente ba Aileu, Atauro no Manatuto.  Demand Generator sei servisu besik liu ho komunidade, jere relasaun ho komunidade, parseiru sira no leader lokal sira, presiza fahe informasaun kona ba saude reproduktiva no planeamentu familiar ho hasa’e ema nia kuñesimentu no abilidade atu foti desizaun rasik liga ho metodu kontrasepsaun ne’ebé benefisia ba sira nia a’an rasik. Demand Generator mos presiza halo viajem barak atu asegura katak iha kliente ne’ebé naton iha fatin atendimentu bainhira ekipa MSTL ba halo atendimentu.

 

Xave Rekerimentus sira ba Pozisaun:

 

Kualifikasaun:

• Nivel edukasaun mínimu diploma 3, prefere liu kandidatu ho nivel formasaun iha area enfermajen.
• Abilidade atu uja komputador inklui word, excel, CLIC, email no MSI share-point.
• Abilidade atu servisu ho supervizaun ne’ebe minimum
• Abilidade atu prioritiza no maneja servisu
• Sertifikadu service social III – desirable
• Hatene lori motor bot no karta kondusaun ne’ebé maka sei validu hela (la menus hosi fulan 6).

 

Abilidade:

• Tenki iha kuñesimentu no fornese informasaun kona ba saude seksual no reproduktiva, inklui ba planeamentu familiar, saude menstruasaun, MHRS, relasaun saudeval, no moras hada’et husi relasaun seksual (inklui HIV &AIDS) ba membru komunidade sira
• Tenki iha kuñesimentu konaba jeneru, defisiensia no foin-sa’e. Maneja relasaun ho komunidade, parseiru sira (inklui MdS, grupu foin-sa’e sira, RHTO etc), no leader lokal sira
• Abilidade hanesan fasilitador
• Halo akonselamentu no fornese atendimentu métodu planeamentu familiar, tempu badak ba kliente sira neebe prefere métodu planeamentu familiar, tempu badak.
• Refere ka mobiliza kliente ba ekipa MSTL sira hodi hetan akonselamentu no servisu klinikal nian, hanesan Kondom, Pill, Injeksaun, Implant, IUD, LNG-IUS, teste ba MHRS, teste ba anemia, no teste ba isin-rua nian
• Promove no refere kommunidade, liu-liu foin’sa’e sira, ba Lina Foin-Sa’e. Kompleta no submete relatoriu karik presija
• Hatene oinsa halo aproximasaun ho komunidade (community engagement)
• Tenki pronto atu halo viajem mesak iha rejiaun ne’ebé ita servisu ba, depende ba orariu ne’ebé iha pelu menus semana tolu iha fulan ida nia laran.
• Abilidade atu komunika iha lingua lokal ida husi rejiaun ne’ebé servisu ba

 

Attitude:

• Iha respeitu no komitmentu ba direitu individual nian hodi kontrola sira nia fertilidade rasik
• Hatudu komitmentu pesoal hodi kontinua dezenvolvimentu profisional
• Fokus ba kliente
• Inovativu
• Bele adapta a’an no flexível mudansa iha programa no terenu
• Bele servisu iha situasaun ne’ebe ho presaun

 

Nota: Preprefere liu kandidatu ne’ebé maka domina ho diak area Aileu, Atauro no Manatuto.

 

Ba kandidatu sira ne’ebe interese ba vaga refere, favor bele submete karta aplikasaun, CV atuál inklui mos referensia profisional 3 no mos kopia sertifikadu edukasaun ne’ebe relevante.

 

Favor manda Ita-bo’ot nia aplikasaun ba Ekipa Rekursu Umanu MSTL, liu husi email ba HumanResources@mariestopes.tl, ho subject line hakerek NaranPrimeiroNaranIkus_PozisaunNebeAplika (Ex:Gracielabranco_DemandGenerator).

 

MSTL iha politika ba Protesaun Labarik no Adultu Vulneravel. Kandidatu sira hotu ne’ebé mak susessu sei presija atu asina deklarasaun no mos halo background check ba asuntu protesaun labarik no adultu vulneravel.

 

Loron ikus atu submete aplikasaun mak  31 Agusto 2021, oras 5.00pm. MSTL sei kontaktu deit kandidatu sira nebe tama iha lista badak/ shortlist.