Enumerador Dadus ba Client Exit Interview (CEI) (Pozisaun 15) - Marie Stopes Timor-Leste (MSTL)

 

Marie Stopes Timor-Leste (MSTL)

Anúnsiu Ba Vaga

Enumerador Dadus ba Client Exit Interview (CEI) (Pozisaun 15)

24 Setembru 2021

Marie Stopes Timor-Leste (MSTL), nudar membru ida husi Marie Stopes International ba parseria global ne’ebe nudar organizasaun non-profit, espesializadu hodi suporta no hato’o atendimentu saúde seksual reproduktiva (SSR) no planeamentu familiar (PF) ho kualidade aás. Ami servisu ona iha Timor-Leste desde tinan 2007 hodi suporta Ministériu da Saúde (MdS) hodi implementa estratéjia saúde reproduktiva nasional hodi atinji meta nasional ba saúde maternal iha Timor-Leste. Ami nia matadalan prinsipal maka atu suporta MdS hodi hato’o atendimentu saúde reproduktiva oi-oin ho kualidade aás; asegura kualidade klinikal ne’ebé diak liu; no suporta hato’o atendimentu ne’ebé fokus ba kliente no promove eskolha/hili.

 

MSTL agora daudaun buka hela sidadaun Timoroan nain 15 ba pozisaun enumerador dadus ba Client Exit Interview (CEI).

 

Enumerador dadus CEI mak sei responsavel atu halibur dadus liu-husi intervista no liu-husi telefone ho MSTL nia kliente sira iha Centru no iha Baze. Enumeradors sira mos sei haruka bai ha munisípiu sira ne’ebé MSTL opera ba, hamutuk no MSTL nia fornesedor sira kuaze semana rua, hamutuk ho MSTL nia lider supervizaun ekipa CEI, atu hili kliente sira ho random iha fatin atendimentu nian no atu intervista sira hafoin de hetan sira nia konsentimentu verbal no eskritu. Prefere tebes Enumerador dadus sira ne’ebé iha koñesimentu no komprensaun ba dialetu lokal.

 

Xave rekerimentus sira ba Pozisaun: 

 

Kualifikasaun:

• Estudante baxarelatu ho esperiensia anterior iha atividade peskiza no survey, prefere liu iha setor saúde. 

Experiensia:

• Experiénsia tinan 1 ou 2 halao peskiza no intervista ba komunidade sira
• Experiénsia iha partisipasaun ba peskiza ne’ebé organiza husi NGO internasional ou lokal. 
• Experiénsia iha involvimentu ba dialogu ho Grupu Diskusaun ne’ebé Fokus ba Komunidade  relasiona ho xave area dezenvolvimentu ruma.
• Experiénsia iha jestaun logístika no komunikasaun ho ekipa

Abilidade:

• Abililidade diak tebes iha komprensaun no uza android device
• Abilidade atu banati tuir instrusaun no halo knaar sira ne’ebé delega husi supervizor sira
• Abilidade atu komunika ho maneira respeitozu ho kolega sira no komunidade
•  Abilidade atu uza programa komputador hanesan Microsoft Words no Excels
• Abilidade atu koalia lian lokal – prefere tebes
• Abilidade atu koalia lian Portugues no Ingles – nudar kualidade adisional tebes 
• Abilidade atu sai fleksível no fo apoiu ba nesesidades ekipa nian kuandu presija

 

Atitude

• Abilidade Inter-pesoal atu harii relasaun diak ho kolega sira
• Komprensaun no komitmentu atu atu banati tuir regras no politika sira ne’ebé reforsa iha organizasaun internasional
• Auto-dependesia atu halo knaar sira no buka guia husi supervizor sira bainhira presija 

 

Ba kandidatu sira ne’ebe interese ba vaga refere, favor bele submete karta aplikasaun, CV atuál inklui mos referensia profisional 3 no mos kopia sertifikadu edukasaun ne’ebe relevante.

Kandidatu sira hotu tenki hatama aplikasaun ba MSTL nia Lider Ekipa CEI, Alfredo da Conceicao Isac, liu-husi email Alfredo@mariestopes.tl ho subject line NaranPrimeiruNaranIkus_PozisaunNe’ebéAplika (Ex:AlfredoConceicao_CEI Data Enumerator). Detallu ba diskrisaun Servisu nian bele hetan liu-husi haruka email ba email address iha leten. 

 

MSTL iha politika ba Salvaguarda (Protesaun Labarik no Adultu Vulneravel) no Prevensaun ba esplorasaun seksual, abuzu no prejuizu (harsashment). Kandidatu sira hotu ne’ebé mak susessu sei presija atu asina deklarasaun no mos halo background check ba asuntu Salvaguarda (Protesaun Labarik no Adultu Vulneravel) no Prevensaun ba esplorasaun seksual, abuzu no prejuizu (harsashment) nian, no asina dokumentus kodigu konduta MSTL nian.

 

MSTL fornese oportunidade servisu nebe hanesan ba ema hotu, enkoraja Feto maluk sira atu aplika.

 

Loron ikus atu submete aplikasaun mak 8 Outubru 2021, oras 5.00pm. MSTL sei kontaktu deit kandidatu sira nebe tama iha lista badak/ shortlist.