Parteira ba Regional Outreach (Pozisaun 6) - Marie Stopes Timor-Leste (MSTL)

 

 Marie Stopes Timor-Leste (MSTL)

Anúnsiu Vaga

Parteira ba Regional Outreach (Pozisaun 6)

11 Novembru 2021

 

Marie Stopes Timor-Leste (MSTL), nudar membru ida husi Marie Stopes International ba parseria global ne’ebé nudar organizasaun non-profit, espesializadu hodi suporta no hato’o atendimentu saúde seksual reproduktiva (SSR) no planeamentu familiar (PF) ho kualidade aás. Ami servisu ona iha Timor-Leste desde tinan 2007 hodi suporta Ministériu da Saúde (MdS) hodi implementa estratéjia saúde reproduktiva nasional hodi atinji meta nasional ba saúde maternal iha Timor-Leste. Ami nia matadalan prinsipal maka atu suporta MdS hodi hato’o atendimentu saúde reproduktiva oi-oin ho kualidade aás; asegura kualidade klinikal ne’ebé diak liu; no suporta hato’o atendimentu ne’ebé fokus ba kliente no promove eskolha/hili.

 

MSTL agora daudaun buka hela ema Timor oan balun ba pozisaun hanesan tuir mai ne’e:

 

1. Parteira ba Regional Outreach ba Rejiaun Leste nebe sei kobre munisipiu Baucau, Viqueque no Lospalos.
2. Parteira Regional Outreach ba Rejiaun Sul ne’ebé sei kobre munisipiu Ainaro no Manufahi
3. Parteira Regional Outreach ba Rejiaun Sentral  ne’ebé sei kobre munisipiu Dili, Manatutu no Aileu.
4. Parteira Regional Outreach ba Ermera ne’ebé sei kobre munisipiu Ermera.
5. Parteira Regional Outreach ba Rejiaun Oeste ne’ebé sei kobre munisipiu Bobonaro no Likisa.

Parteira Regional Outreach sei halo viajem ba fasilidade saude sira ne’ebé diferente iha munisipiu sira hotu ne’ebé dezignadu ba sira nia rejiaun no iha posibilidade viajen ba munisipiu seluk ne’ebé la tama iha sira nia rejiaun mos hodi fornese planeamenu familiar ne’ebé inkluzivu, ho kualidade inklui fo counseling. Parteira Regional Outreach sei fo mos suporta ba aktividade COVID-19 ne’ebe sei fokus mos ba fornesee atendimentu ba planeamentu familiar no mos Saude Sexual no Reprodutiva iha areas rural liu husi kordenasaun ho Ministeriu de Saude iha nivel Nasional no Munisipiu. Relata ba Kórdenador Rejiaun/ Kordenador Projetu, Parteira Regional Outreach sei presiza atu submete informasaun atendimentu nian liu husi CLIC, no submete dokumentu seluk ne’ebé mak MSTL presiza hanesan stock report, Incident Management tuir nia tempu (timely manner).

 

Xave Rekerimentus sira ba Pozisaun:

Kualifikasaun:

 

• Nivel edukasaun diploma iha parteira
• Iha servisu esperensia mínimu tinan tolu iha area parteira

• Iha kartaun professional husi Ministeriu Saude ne’ebé válidu

• Sertifikadu service social III – desirable
• Sertifikadu kompetensia planeamentu familiar - desirable

Abilidade:

• Tenke prontu atu halao viajem no toba iha suku sira hotu ne’ebé kobre husi rejiaun ne’ebé ita servisu ba
• Fornese atendimentu anemia ho kualidade inklui fo counseling
• Kuñesimentu baziku iha CLIC
• Abilidade atu uza laptop
• Iha valor ne’ebé diak hanesan ekipa MSTL
• Kapasidade iha coaching no mentoring.
• Abilidade iha jere servisu
• Abilidade iha maneja relasaun ho parseiru, ekipa seluk no parseiru governu
• Kuñesimentu iha incident management
• Kuñesimentu iha clinical governance
• Servisu ho independente
• Abilidade atu servisu ho supervizaun ne’ebé minimu
• Abilidade atu halo report (weekly, monthly report, stock, financial)
• Abilidade atu komunika ho lingua lokal ruma
• Iha abilidade atu diskuti topiku sensitivu ho kliente sira iha maneira ida ne'ebe ho kuidadu no konfidensial  
• Abilidade atu fó feedback

Atitude:

• Iha respeitu no komitmentu ba direitu individual nian hodi kontrola sira nia fertilidade rasik
• Hatudu komitmentu pesoal hodi kontinua dezenvolvimentu profisional
• Fokus ba kliente
• Inovativu
• Bele adapta a’an no flexível
• Bele servisu iha situasaun ne’ebe ho presaun

 

Ba kandidatu sira ne’ebe interese ba vaga refere, favor bele submete karta aplikasaun, CV atuál inklui mos referensia profisional 3 no mos kopia sertifikadu edukasaun ne’ebe relevante.

 

Favor manda Ita-bo’ot nia aplikasaun ba Ekipa Rekursu Umanu MSTL liu husi email ba HumanResources@mariestopes.tl, ho subject line hakerek NaranPrimeiro NaranIkus_PozisaunNebeAplika(Ex:Gracielabranco_ParteiraRegionalOutreach_Rejiaun leste).

 

MSTL iha politika ba Salvaguarda (Protesaun Labarik no Adultu Vulneravel) no Prevensaun ba explorasaun seksual, abuzu no prejuizu (harassment). Kandidatu sira hotu ne’ebé mak susessu sei presija atu asina deklarasaun no mos halo background check ba asuntu Salvaguarda no Prevensaun ba explorasaun seksual, abuzu no prejuizu (harassment) nian, no asina dokumentus kodigu konduta MSTL nian.

 

MSTL fornese oportunidade servisu nebe hanesan ba ema hotu, enkoraja Feto maluk sira atu aplika.

 

Loron ikus atu submete aplikasaun mak 28 Novembru 2021, oras 5.00pm. MSTL sei kontaktu deit kandidatu sira nebe tama iha lista badak/ shortlist.