OFISIÁL TERENU, PROGRAMA EDUKASAUN - FUNDASAUN ALOLA

VAGA : OFISIÁL TERENU, PROGRAMA EDUKASAUN, FUNDASAUN ALOLA

Fundasaun Alola hanesan organizasaun non-Governamental no non-lukrutivu, ne’ebé mak operandu iha Timor Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia motto: “Feto Forte Nasaun Forte” no Fundasaun Alola nia programa sira mak hanesan Programa Saude Inan no Oan, Programa Hakbiit Ekonomia, Programa Edukasaun no Programa Advokasia. Fundasaun Alola lidera husi Manajementu konsellu, no ho movimentu ne’ebé mak iha, ohin loron ekipa manajementu tomak lidera husi Timor-oan.

Agora dadaun Fundasaun Alola buka hela ema Timor oan ne’ebé mak kualifikadu atu bele priense pozisaun tuir mai:

OFISIÁL TERENU, PROGRAMA EDUKASAUN,

Pozisaun ida ne’e atu promove kualidade independensia no asesu ba edukasaun. Ofisiál Terenu ba Programa Edukasaun sei responsavel atu apoiu manorin, kanorin, labarik no komunidade sira hodi asesu no hetan abilidade no kuñesimentu hodi alkansa sira nia meta pesoál.

Ofisiál Terenu ne’e sei servisu iha munisípiu Viqueque liu-liu iha postu administrativu Uatulari. Pozisaun ne’e sei servisu besik liu ho autoridade lokál, Komisaun Jestaun Eskolár (KJE) no fasilitadór sira ba implementasaun Projetu PEK iha nivel sentru komunitariu no pozisaun ne’e sei superviza husi Ofisiál Projetu no Kordenadór Projetu. Iha projetu ida ne’e la sees mós husi kordenasaun ho projetu seluk iha Programa Edukasaun nia laran no mós Programa hotu iha Fundasaun Alola.

XAVE KOMPETENSIA SIRA:

• Iha Nivel Edukasaun baxarelatu ka lisensiatura D3.
• Iha kualidade esperiénsia hanorin iha sala laran ho métodu sentradu ba alunu no aprendizajen ativa no akompañamentu prosesu aprendizajen.
• Iha abilidade atu uza teknolojia informátika hanesan: Microsoft Office, Internet,  plataforma media sosiál, prodús vídeo, hasai foto, no seluk tan.
• Iha komitmentu servisu ho ekipa, fó treinamentu, fo akonsellamentu, no halo akompañamentu
• La komete iha krimi ruma no hatene serbisu iha ambiente igualidade, respeita malu no onestu.
• Abilidade komunikasaun ne’ebé a’as.
• Prontu atu hala’o knaar oras nakonu durante implementasaun atividade programa nian,
• Iha pasiénsia, toleránsia no flexibilidade,
• Prontu atu hala’o viajen ba área rurál sira,
• Hatene lori motor no iha karta kondusaun ne’ebe sei validu.

OINSA ATU APLIKA:

Favór submete ita bo’ot nia karta aplikasaun no CV ne’ebe mak inklui ho referensia ema na’in rua ba edifisiu Fundasaun Alola, rua Mascarenhas, Dili, Timor Leste (edifisiu Polisia Militar (PM) nia oin). Karta aplikasaun sei dirije ba Koordenadora Rekursu Humanu, Fundasaun Alola.

Kandidatu sira ne’ebé selesionadu de’it mak sei hetan kontaktu, ba informasaun bele kontaktu ba numeru telemovel: +670 3323855.

Atu hetan kopia husi deskrisaun serbisu, favór bele manda email:

vaga@alolafoundation.org (Koordenadora Rekursu Humanu, Fundasaun Alola)

Aplikasaun sei taka iha loron: 24 Janeiru 2022 oras tuku 05:00 loraik.

Feto forte Nasaun Forte – Strong Women Strong Nation – Mulheres Forte Nação Fórte