Demand Generator no Edukador - Rejiáun Sul (Pozisaun 1) - Marie Stopes Timor-Leste (MSTL)

Marie Stopes Timor-Leste (MSTL)

Anúnsiu Vaga

Demand Generator no Edukador - Rejiáun Sul (Pozisaun 1)

29 Marsu 2022

 

Marie Stopes Timor-Leste (MSTL), nudar membru ida husi Marie Stopes International ba parseria global ne’ebe nudar organizasaun non-profit, espesializadu hodi suporta no hato’o atendimentu saúde seksual reproduktiva (SSR) no planeamentu familiar (PF) ho kualidade aás. Ami servisu ona iha Timor-Leste desde tinan 2007 hodi suporta Ministériu da Saúde (MdS) hodi implementa estratéjia saúde reproduktiva nasional hodi atinji meta nasional ba saúde maternal iha Timor-Leste. Ami nia matadalan prinsipal maka atu suporta MdS hodi hato’o atendimentu saúde reproduktiva oi-oin ho kualidade aás; asegura kualidade klinikal ne’ebé diak liu; no suporta hato’o atendimentu ne’ebé fokus ba kliente no promove eskolha/hili.

 

MSTL agora daudaun buka hela ema Timor oan ida, Enfermeiru, ba pozisaun Demand Generator no Edukador ba Rejiaun Sul.

 

Demand Generator no Edukador sei servisu ho independente iha Rejiaun Sul ho viajen frekuentamente ba area rural sira iha Ainaro no Manufahi.  Demand Generator sei servisu besik liu ho komunidade, jere relasaun ho komunidade, parseiru sira no leader lokal sira, presiza fahe informasaun kona ba saude reproduktiva no planeamentu familiar ho hasa’e ema nia kuñesimentu no abilidade atu foti desizaun rasik liga ho metodu kontrasepsaun ne’ebé benefisia ba sira nia a’an rasik. Demand Generator mos presiza halo viajem barak atu asegura katak iha kliente ne’ebé naton iha fatin atendimentu bainhira ekipa MSTL ba halo atendimentu.

 

Xave Rekerimentus sira ba Pozisaun:

 

Kualifikasaun:

• Nivel edukasaun mínimu diploma 3, prefere liu kandidatu ho nivel formasaun iha area enfermajen.
• Iha abilidade atu komunika konseptu ne’ebé kompleksu no sensitivu ba tipu audiensia oi-oin
• Kompriende kona-ba saúde seksuál reproduktiva no planeamentu familiar
• Abilidade atu prioritiza no maneja servisu
• Iha abilidade atu uza programa komputadór nian (MS Word, Excel, Outlook) no mos hotline database no CLIC.
• Abilidade Servisu ho fleksivel no suporta nesesidade ekipa nian karik presija
• Hatene lori motor bot no karta kondusaun ne’ebé maka sei validu hela (la menus hosi tinan ida).
• Prefere liu kandidatu neebe maka iha koñesimentu diak ba Munisípiu Ainaro no Manufahi.

 

Abilidade:

• Tenki iha kuñesimentu no fornese informasaun kona ba saude seksual no reproduktiva, inklui ba planeamentu familiar, saude menstruasaun, MHRS, relasaun saudeval, no moras hada’et husi relasaun seksual (inklui HIV &AIDS) ba membru komunidade sira
• Tenki iha kuñesimentu konaba jeneru, defisiensia no foin-sa’e. Maneja relasaun ho komunidade, parseiru sira (inklui MdS, grupu foin-sa’e sira, RHTO etc), no leader lokal sira
• Abilidade hanesan fasilitador
• Halo akonselamentu no fornese atendimentu métodu planeamentu familiar, tempu badak ba kliente sira neebe prefere métodu planeamentu familiar, tempu badak.
• Refere ka mobiliza kliente ba ekipa MSTL sira hodi hetan akonselamentu no servisu klinikal nian, hanesan Kondom, Pill, Injeksaun, Implant, IUD, LNG-IUS, teste ba MHRS, teste ba anemia, no teste ba isin-rua nian
• Promove no refere kommunidade, liu-liu foin’sa’e sira, ba Lina Foin-Sa’e. Kompleta no submete relatoriu karik presija
• Hatene oinsa halo aproximasaun ho komunidade (community engagement)
• Tenki pronto atu halo viajem mesak iha rejiaun ne’ebé ita servisu ba, depende ba orariu ne’ebé iha pelu menus semana tolu iha fulan ida nia laran.
• Abilidade atu komunika iha lingua lokal ida husi rejiaun ne’ebé servisu ba

 

Attitude:

• Iha respeitu no komitmentu ba direitu individual nian hodi kontrola sira nia fertilidade rasik
• Hatudu komitmentu pesoal hodi kontinua dezenvolvimentu profisional
• Fokus ba kliente
• Inovativu
• Bele adapta a’an no flexível mudansa iha programa no terenu
• Bele servisu iha situasaun ne’ebe ho presaun

 

Nota: Prefere liu kandidatu ne’ebé maka domina ho diak area Ainaro no Manufahi.

 

Kandidatu sira hotu ne’ebé mak interese tenki hatama Cover Letter ida hodi deskreve sira nia sustentabilidade sira ba rekerimentu sira iha leten iha Tetun. Kandidatu mos presija hatama CV resente/atual, naran ba referensia 3 ne’ebé mak bele kontaktu ho sira nia detallu ba kontaktu nian, no kopia sertifikadu ba edukasaun ne’ebe relevante

 

Favor manda Ita-bo’ot nia aplikasaun ba Ekipa Rekursu Umanu MSTL, liu husi email ba humanResources@mariestopes.tl, ho subject line hakerek NaranPrimeiroNaranIkus_PozisaunNebeAplika (Ex:Gracielabranco_DemandGenerator).

 

MSTL iha politika ba Salvaguarda (Protesaun Labarik no Adultu Vulneravel) no Prevensaun ba explorasaun seksual, abuzu no prejuizu (harassment). Kandidatu sira hotu ne’ebé mak susessu sei presija atu asina deklarasaun no mos halo background check ba asuntu Salvaguarda no Prevensaun ba explorasaun seksual, abuzu no prejuizu (harassment) nian, no asina dokumentus kodigu konduta MSTL nian.

 

MSTL fornese oportunidade servisu nebe hanesan ba ema hotu, enkoraja Feto maluk sira atu aplika.

 

Loron ikus atu submete aplikasaun mak 10 Abril 2022, oras 5.00pm. MSTL sei kontaktu deit kandidatu sira nebe tama iha lista badak/ shortlist.