Xefe-da-Ekipa Koleksaun Dadus (Pozisaun 1) - CARE International iha Timor-Leste – CITL

PUBLISIDADE VAGA SERBISU

Internalmente & Externalmente

CARE International iha Timor-Leste – CITL

 

Departementu/Projetu	Program
Posizaun	Xefe-da-Ekipa Koleksaun Dadus (Pozisaun 1)
Supervisor	Senior MEL Officer no Consultant
Grau	Grau 2 step 5
Salariu	Daily rate $20.86
Fatin Servisu	Covalima & Ermera
Posizaun relata ba	Senior MEL Officer no Consultant
Periode kontratu	14 dias (Loron 14)
Data taka aplikasaun	18 de Marsu 2022
Aplikasaun sei inklui	CV and Application letter only
Aplikasaun sei haruka ba	Teresa.Barros@careint.org

INTRODUCTION:

CARE nudar organizasaun internasional nebe luta hodi hamenus kiak iha mundo, nebe foka liu ba servisu hamutuk ho feto no labarik feto atu lori mudansa sustentavel ba sira nia komunidade. Nudar organizasaun non-religious nomos non-politikal, CARE servisu ho komunidade atu azuda kombate kiak liu husi asistensia dezenvolvimentu projetu nomos asistensia ba situasaun emerjensia. CARE fiar katak ho asistensia nebe fo ba feto sira nudar dalan ida nebe diak liu atu kria rezultadu nebe diak ba komunidade nebe sei mukit.

Projetu segura faze II aliña ho Governu Timor-Leste nia estratéjia saúde reprodutiva Nasionál (2014-2018) ne'ebé apoia espasu moris hodi uza asisténsia Planeamentu familiár no mane sira-nia envolvimentu iha jestaun fertilidade, no kompromete atu asegura inan isin-rua hotu bele asesu ba kuidadu maternál. Objetivu Jerál projetu nian mak atu hamenus mortalidade inan nian no morbidade. Atu atinji objetivu ida-ne'e, projetu foka ba hadiak saúde reprodutiva seksuál no saúde materna (SRMH) no atitude no nutrisaun no hadi'a kualidade no kredibilidade servisu saude  nian.

 

Husi fulan-Marsu to’o Maiu 2022, Projeitu HAMORIS sei hala’o estudu avaliasaun Final (Final Evaluation) hodi sukat

• Avalia progresu no impaktu projetu hosi 2017 to'o 2022 kontra kritéria dac nian: relevánsia, koerensia, efetividade, efisiénsia, impaktu no sustentabilidade
• Avalia konsekuénsia ne'ebé la planeia (pozitivu ka negativu), hanesan harii reziliensia individuál ka komunidade, ka apoia lideransa lokál.
• Avaliasaun to'o pontu ne'ebé rezultadu revizaun médiu prazu nian no rekomendasaun sira hetan ona resposta
• Avalia impaktu kontra monitorizasaun projetu, avaliasaun no enkuadramentu aprendizajen no teoria mudansa
• Avaliasaun to'o iha-neebe projetu ne'e progresu ona igualdade jéneru iha domíniu tolu kona-ba kuida igualdade jéneru (ajénsia, relasaun, estrutura)
• Avaliasaun to'o iha-neebe projetu ne'e la'o hela inkluzaun defisiénsia (e.g. Inkluzaun iha atividade sira, ka realizasaun rezultadu pozitivu sira, ba ema ho defisiénsia sira).
• Jera kualkér lisaun aprendijazen xave no rekomendasaun ba projetu kuidadu iha futuru no parte interesada sira seluk
• Avalia to'o iha ne'ebé projetu ne'e apoia ona ministériu saúde no komunidade alvu sira hodi responde no adapta ba COVID-19.

 

Tanba ne’e programa HAMORIS sei rekruta ema na’in 1 ne’ebé mak sei halo knaar nu’udar xefe-da-ekipa (Team Leader) hodi lidera no jere ekipa koleksaun dadus durante estudu avaliasaun Final. Se mak hetan selesaun, tenke partisipa iha treinamentu no tenke hatudu koñesimentu di’ak ba material treinu nia no iha sesaun pratika hodi sai hanesan Xefe-da-Ekipa ba avaliasaun “Final” HAMORIS nian durante (maizoumenus) loron 14.

 

Sumariu Pozisaun

 

Xefe-da-ekipa sei lidera no jere ekipa koleksaun dadus hodi asegura dadus ho kualidade di’ak husi eskola no komunidade selesionadu. Aleinde lidera ekipa, xefe-da-ekipa sei halo entrevista ho Autoridade/Lideransa local, Membru Grupu Suporta Inan no Aman, Ema ho Defisensia, Pesoal Saude, komunidade (Feto no Mane) no lideransa Igreija sira. Xefe-da-ekipa mós sei lidera grupu diskusaun (Focus Group Discussion) ho membru komunidade sira. 

 

Xefe-da-ekipa mak sei ajuda introdús ninia ekipa ba Autoridade/Lideransa local, Membru Grupu Suporta Inan no Aman, Pesoal Saude, komunidade (Feto no Mane) no lideransa Igreija sira no hetan permisaun molok hahú koleksaun dadus. Karik iha problema ruma, xefe-da-ekipa tenke relata ba ekipa HAMORIS nian (ka Consultant) hodi hetan resposta. Xefe-da-ekipa sei verifika no asegura katak dadus ne’ebé ekipa kolekta, prienxe ona ho loloos, klaru no akuradu iha tablet ka kestionáriu molok haruka/submete ba ONA ka ba edifísiu CARE Internasional iha Timor-Leste (CITL) nian iha Dili.

 

Xefe-da-ekipa nia responsabilidade:

• Estuda no komprende didi’ak matadalan no instrumentu koleksaun dadus ne’ebé mak sira sei uza (hanesan tablet, gravadór no kestionáriu sira) durante treinamentu
• Komprende didi’ak regras no prosedimentu CITL nian kona-ba peskiza/estudu
• Partisipa iha pilotu no tenke pasa ka atinje rezultadu ne’ebé di’ak/satisfáz
• Superviziona direta ba ninia ekipa koleksaun dadus ne’ebé kompostu husi koletór dadus na’in 3 ho xofer
• Konfirma no halo kontaktu ba pesoál eskola kona-ba oráriu no introdús ekipa data koleksaun ba eskola no ofisiais governu sira
• Jere no apoia ekipa to’o iha fatin sira hotu hanesan eskola, komunidade, ofisiais governu, hodi halo entrevista ho di’ak
• Jere orsamentu (cash advance), apoiu lojístiku ba ninia ekipa, no aprezenta relatóriu finanseiru tuir loron ne’ebé determina ona
• Sempre tau iha hanoin atu respeita no konstume no prátika lokál sira
• Identifika lian lokál ne’ebé mak baibain ko’alia iha komunidade ka eskola no asegura katak membru ekipa bele ko’alia lian lokál, ka organiza apoiu husi ema ruma ne’ebé mak ko’alia lian lokál (ezemplu hanesan alunu ne’ebé hela besik iha fatin)
• Tenke halo tuir regras/étika kona-ba koleksaun dadus no mantein konfidensialidade
• Tenke banati tuir kódigu konduta no politíka protesaun labarik CITL nian
• Lidera diskusaun grupu (Focus Group Discussion) ho membru komunidade ka inan-aman
• Kompriende ho di’ak objetivu husi estudu/peskiza ne’e rasik no asegura katak membru ekipa koleksaun dadus bele esplika ho klaru pergunta hotu-hotu ba partisipante sira atu nune’e sira bele hetan resposta ne’ebé loos no akuradu
• Tau matan ba prosesu koleksaun dadus no rezolve problema ka isu ruma ne’ebé mak mosu, no hato’o ba ekipa MEL (ka MEL Specialist)
• Verifika ekipa nia dadus no asegura katak resposta ne’ebé sira hili ka hakerek ho loloos no kompletu iha tablet, foto sira hasai ona, gravasaun ruma iha ona, molok haruka/submete ba ONA ka ba edifisiu CITL nian iha Dili.
• Asegura katak ekipa koleksaun dadus tau matan no uza instrumentu (tablet, rekorder, kestionáriu) ho di’ak no kuidadu

 

ESPERENSIA NO QUALIFIKASAUN:

• Mínimu tenke remata eskola sekundária (SMA) no iha esperiénsia iha área koleksaun dadus ka peskiza
• Iha kompriensaun no esperiénsia kona-ba peskiza liu-liu iha konteksu eskola nian
• Iha esperiénsia halo avaliasaun literasia ho komunidade no Autoridade local sira
• Iha esperiénsia halo fasilitasaun grupu diskusaun sira (Focus Groups)
• Iha esperiénsia lidera ekipa iha estudu
• Lian primeiru (maternu) mak mambae, kemak ka tetun-terik no ko’alia ho di’ak
• Bele ko’alia ho di’ak lian Tetum no kompreende  lian lokal ida: mambae, kemak ka tetum-terik 
• Bele hakerek nota ka dokumenta entrevista (hakerek)
• Iha esperiénsia no bele lidera grupu diskusaun ho membru komunidade
• Bele esplika objetivu estudu nian ba respondente sira
• Bele jere orsamentu no halo relatóriu finanseiru
• Iha abilidade atu jere, lidera ekipa no halo komunikasaun ho di’ak
• Bele no hakarak servisu iha área remota/rurál no komfortavel atu la’o ain kuandu difisil atu asesu ho transporte
• Bele no hakarak hela iha komunidade nia uma
• Bele establese relasaun diak ho ema seluk inklui alunu, inan-aman, mestre/a no líder komunidade sira
• Disponivel ba servisu durante periodu Marsu, Abril no Maiu 2022 iha munisípiu sem para ba asuntu ka komitmentu seluk
• Iha fleksibilidade atu serbisu semana ida loron 6 no fleksibilidade ba servisu fin de semana 

 

Atu rekompensa ba ita boot nia komitumentu, ita boot sei hetan benefisiu husi dezenvolvimentu profesionlismu nian no halo inovasaun ho invairomentu atu muda ita nia hanoin plus pakote benefisiu ne’ebe komprehensivu.

 

Atu aplika ba pozisaun ne’e, favor hatama ita-nia karta rekerimentu no Curriculum Vitae ho referénsia ema nain rua (Favor KETA aneksu dokumentu seluk) liu husi email teresa.barros@careint.org, KA hatama ba Edifisu CARE Internasional iha Timor Leste, Bairo Pitte antes ka ba data 18 de de Marsu 2022. CARE sei kontaktu deit ba kandidatu sira nebe’e hetan suksesu atu halo entrevista.

CARE fo oportunidade ne’ebe hanesan ba staf hotu atu komete ba diversidade servisu nian. Feto mak sei prioridade liu atu apply ba posisaun ida ne’e.

CARE International Timor Leste iha komitmentu atu proteze ba labarik nia direitu iha area nebe ita Servisu. CARE International Timor Leste iha direitu atu buka dadus revista ruma nebe asegura labarik nia ambiente atu bele seguru.