Fasilitadór Komunitáriu/Community Engagement Officer - HAMNASA

AVIZU SERBISU

Hamutuk Nasaun Saudável - HAMNASA

Antes ne’e Health Alliance International Timor-Leste

 

Pozisaun: Fasilitadór Komunitáriu/Community Engagement Officer

Relata ba: Jestor Programa

Fatin: Edifísiu Dili no viajen ba munisípiu

 

HAMNASA hanesan ONG nasionál ne’ebé tranzisiona husi INGO Health Alliance International (HAI) iha Outubru 2021. HAMNASA servisu besik ho Ministériu Saúde Timor-Leste, haforsa sistema saúde liu husi fo promosaun saúde iha komunidade no hasa’e abilidade servisu pesoál saúde sira. HAMNASA servisu iha munisípiu hotu iha Timor-Leste, inklui RAEOA. HAMNASA nia misaun mak atu promove komunidade ne’ebé saudável iha Timor-Leste, liu husi programa sira ne’ebé fortalese kuidadu saúde primáriu setór públiku nian, envolve komunidade sira atu foti asaun responsabilidade ativu iha sira nia saúde, no promove ekuidade sosiál no saúde.

Rezumu Servisu

HAMNASA buka ema Timor-oan ba pozisaun Fasilitadór Komunitáriu ka Community Engagement Officer, ba HAMNASA nia Atividade Harmonia, foka ba hapara violensia bazea ba jéneru, liu husi eleva sensibilizasaun no kuinesimentu entre membru komunidade sira no sintividade, abilidade no fiar aan husi pesoál saúde sira iha suporta vítima violénsia bazea ba jéneru. Fasilitadór Komunitariu sei servisu halo koordenasaun no implementasaun atividade sira iha komunidade nosei kria relasaun ne’ebé diak ho autoridade komunidade no parseiru sira, atu bele implementa atividade ho susesu. Pozisaun ida ne’e baze iha Dili ho viajen ba munisípiu Ermera ho Liquica. HAMNASA buka ema ne’ebe dinámiku no motivadu, ne’ebé iha esperiénsia pelu menus tinan tolu servisu iha setór saúde no/ka komunidade iha Timor-Leste.

 

Responsabilidade     

Implementasaun Atividade

• Asiste no suporta Jerente Atividade Harmonia iha koordenasaun no implementasaun atividade baze hotu-hotu ba Atividade Harmonia
• Asiste no suporta dezenvolvimentu planu servisu anuál ba Atividade Harmonia
• Suporta kolesaun data rutina no regular ba Atividade Harmonia no hala’o estudu komunidade baseline no endline
• Ligasaun ho xefe suku sira no lideransa komunidade munisipál ne’ebé relevante, hodi asegura sira informadu ho planu servisu anuál ba Atividade Harmonia
• Fasilita sesaun Mikroplanu Komunidade, foka ba violénsia bazea ba jéneru entre grupu lider komunitáriu selesionadu sira, hodi asiste dezenvolve no implementa planu asaun komunidade sira
• Koordena implementasaun Sesaun Informasaun no Aprende iha komunidade ne’ebé tarjetu ba

 

Relatóriu

• Asiste Jerente Atividade Harmonia hodi prepara relatóriu sira inklui ba milestone, relatóriu trimestral no anuál ba doaores no stakeholders sira, wainhira presiza
• Asiste no suporta aprezentasaun no feedback loops iha munisípiu ne’ebé tarjetu bá, wainhira presiza

 

Responsabilidade seluk-seluk

• Hala’o servisu seluk tuir rekezita husi Jerente Atividade Harmonia hodi suporta ekipa
• Atende enkontru external relevante sira wainhira presiza
• Promove ambiente ida ne’ebé mos no seguru; promove kultura konsientemente ba seguransa tuir polítika, prosedimentu no diretivu HAMNASA
• Defende no promove komitmentu HAMNASA nian ba Protesaun Labarik, Kódigu Konduta no Polítika Zero Toleránsia ba Fraude

Kualifikasaun 

Rekerimentu

• Bachareladu iha Saúde Públika ka área estudu relevante seluk
• Tinan tolu servisu iha parte dezenvolvimentu saúde Timor-Leste, ka jestaun projetu ba violensia hasoru feto
• Kuñesimentu forte no iha esperiensia iha saúde públiku no/ka setór dezenvolvimentu sira seluk iha Timor-Leste
• Abilidade interpersonál ne’ebé forte, no abilidade komprovada atu liga ho diak ho lider no membru komunitáriu sira
• Abilidade iha konesaun, komunikasaun no fasilitasaun
• Kumpriensaun forte konabá igualidade jéneru no empoderamentu feto
• Disponivel no bele halo viajen sai husi Dili regularmente
• Organizadu, efetivu, kreativu, bele servisu ekipa no iha motivasaun aas
• Profisiente iha programa Microsoft Office
• Abilidade atu komprende, kumpre no defende polítika HAMNASA no padraun prosedimentu relevante
• Pesoal ida ne’ebé iha étika no moral

 

Desejável

• Esperiénsia anterior servisu ho setór ONG
• Esperiensia anterior servisu iha programa violensia bazea ba jéneru iha Timor-Leste
• Abilidade lian Inglés

 

Termu no Kondisaun Sira

Saláriu $450 kada fulan + benefisiu sira

Pozisaun loke ba Timor-oan de’it

Hetan vasina COVID-19 kompletu inklui dose 3 hanesan rekerimentu ida ba pozisaun ne’e

 

Hatama CV no karta aplikasaun diriji tuir kritéria ba Marlina Malik, marlina.malik@hamnasa.org, até fin do dia 20 Maiu, 2022.

 

Ba pergunta sira, halo-favór dere ba edifísiu HAMNASA iha númeru +670 3322608