Fundasaun Alola hanesan organizasaun non-Governamental no non-lukrutivu, ne’ebe mak opera iha Timor-Leste, atu hasa’e kualidade moris feto no labarik. Fundasaun Alola hasa’e kapasidade lideransa feto no halo advokasia ba direitu feto no labarik ho ninia motto: “Feto Forte Nasaun Forte” no Fundasaun Alola nia programa sira mak hanesan Programa Saúde Inan no Oan, Programa Hakbi’it Ekonomia, Programa Edukasaun no Programa Advokasia. Fundasaun Alola lidera husi Manajementu Konsellu, nomos ho movimentu ne’ebé mak iha, ohin loron ekipa manajementu tomak lidera husi Timorense.
Agora dadaun Fundasaun Alola buka hela ema Timor oan ne’ebe mak kualifikadu atu bele priense pozisaun tuir mai:
OFISIÁL TERENU BA PROGRAMA SAUDE INAN NO OAN, FUNDASAUN ALOLA, ne‘ebé mak sei lokaliza iha munisípiu sira tuir mai:
Ofisial Terenu (OT) sira ne’e sei suporta máximu ba Ministeriu de Saúde nia mandatu atu reduz mortalidade inan no oan iha Timor-Leste. Ofisiál Terenu (OT) ba programa Saúde Inan no Oan sei responsavel atu apoiu implementasaun projetu Saúde Inan no Oan, hodi promove estatutu saúde inan no oan iha Timor-Leste.
Agora dadaun Fundasaun Alola buka hela ema Timor oan ne’ebe mak kualifikadu atu bele priense pozisaun tuir mai:
OFISIÁL TERENU BA PROGRAMA SAUDE INAN NO OAN, FUNDASAUN ALOLA, ne‘ebé mak sei lokaliza iha munisípiu sira tuir mai:
- OFISIÁL TERENU (OT) BA MUNISÍPIU LAUTEM (Vaga 2)
- OFISIÁL TERENU (OT) BA MUNISÍPIU VIQUEQUE (Vaga 2).
- OFISIÁL TERENU (OT) BA MUNISÍPIU LIQUIÇA (Vaga 2).
- OFISIÁL TERENU (OT) BA MUNISÍPIU AILEU (Vaga 2).
- OFISIÁL TERENU (OT) BA MUNISÍPIU AINARO (Vaga 2).
Ofisial Terenu (OT) sira ne’e sei suporta máximu ba Ministeriu de Saúde nia mandatu atu reduz mortalidade inan no oan iha Timor-Leste. Ofisiál Terenu (OT) ba programa Saúde Inan no Oan sei responsavel atu apoiu implementasaun projetu Saúde Inan no Oan, hodi promove estatutu saúde inan no oan iha Timor-Leste.
XAVE KOMPETENSIA SIRA:
- Hala’o kordenasaun ho Prezidente Autoridade Munisípiu, Administrador do Postu Administrativu no Xefe Suku kona-ba implementasaun programa.
- Hala’o kordenasaun ho Servisu Saúde Munisipiu (SSM), Sentru Saúde (SS) no Postu Saúde (PS) kona-ba implementasaun programa.
- Koordena no servisu hamutuk ho Koordenador no Jerente Alola kona-ba atividade ne’ebé mak atu implementa iha Munisípiu Lautem, Viqueque, Liquiça, Aileu no Ainaro.
- Prepara Planu Atividades Grupu Suporta Inan (GSI) nian iha munisípiu liu-liu iha suku tarjeitu.
- Servisu hamutuk ho Lider Lokal (LL) no Pesoál Saúde (PS) atu estabelese no haforsa Grupu Suporta Inan (GSI) iha suku tarjetu.
- Hamutuk ho Pesoál Saúde (PS) fasilita formasaun/treinamentu fo akonselamentu kona-ba Hahan Optimal ba Bebe no Labarik Ki’ik iha suku tarjeitu ba Grupo Suporta Inan (GSI).
- Koordena ho Pesoál Saúde (PS) atu fasilita treinu no halo akonselamentu sira iha suku tarjeitu.
- Fasilita no assiste Grupu Suporta Inan (GSI) hodi hala’o atividade promosaun saude, demostrasaun tein, akonselamentu no enkontru mensal ho Grupu Suporta Inan (GSI) iha suku tarjeitu.
- Partisipa iha enkontru nivel munisipiu, postu administrativu no suku.
- Organiza Grupo Suporta Inan (GSI) atu halo atividade ba eventu sira tuir nesesidade programa.
- Prepara relatoriu mensal inklui dadus hodi hato’o ba Kordenador Rejiaun – Programa Saúde Inan no Oan – Alola.
- Hala’o mos atividade seluk ne’ebé mak delega husi Kordenador ka Jerente Programa.
KUALIFIKASAUN NO ABILIDADE:
- Lisensiatura Universidade iha area Saúde Publiku, Parteira no Enfermeira. Diploma ikus ne’ebe mak legaliza husi Ministeriu da Edukasaun.
- Esperensia minimu tinan 1 iha area Saúde Seksual no Reprodutiva.
- Prontu servisu mesak.
- Kartaun Vasina Covid-19 (La’os esensial)
- Hatene lori motor no iha karta kondusaun ne’ebe sei validu.
- Prioridade liu ba Feto atu aplika no mos ba pesoál husi Munisípiu Lautem, Viqueque, Liquiça, Aileu no Ainaro, ne’ebé mak hatene lian inan, munisípiu ida-idak nian.
OINSA ATU APLIKA:
Favor submete ita bo’ot nia aplikasaun no CV inklui dokumentus relevantes mai iha Edifisiu Fundasaun Alola, Avenida Bispo de Medeiros, Mascarenhas (Quarter Jeral Polisia Militar nia oin), Dili, Timor Leste.
Rekerimentu sei diriji ba Kordenadora Rekursu Humanu, Fundasaun Alola, molok loron 10 Agostu 2022.
Anota: Sei kontaktu direitamente ba de’it kandidata sira ne’ebé mak liu selesaun dokumentus hodi ba intervista.
Atu hetan kopia deskrisaun servisu, favor manda email ba: (Koordenadora Rekursu Humanu) vaga@alolafoundation.org
Aplikasaun sei taka iha oras: 5 loraik, 10 Augustu 2022.
.png)
.png)
.png)
){kind=link}
0 Comments