Vaga Servisu Xefe-da-Ekipa Koleksaun Dadus (Pozisaun 12) - CARE International iha Timor-Leste – CITL

 

ANUNSIU VAGA

 Xefe-da-Ekipa Koleksaun Dadus (Pozisaun 12)

 

Titulu pozisaun	Xefe-da-Ekipa Koleksaun Dadus (Pozisaun 12)
Lokalizasaun	Munisipiu Aileu, Ainaro, Baucau, Bobonaro, Covalima, Ermera, Liquica, Manatuto,  Manufahi, no RAEOA (Oecusse)
Relata ba	Ekipa no Jerente MEL
Grau	3 step 3 $26.74
Data komesa/durasaun	Janeiru-Marsu 2023 (loron serbisu ± 37: treinamentu loron ± 7, no koleksaun dadus ± loron 30)
Loron ikus ba aplikasaun	6 Dezembru 2022
Prosesu aplikasaun	Haruka CV no karta aplikasaun liu husi email ba teresa.Barros@careint.org KA submete iha departementu Rekursu Umanu iha CARE nia eskritóriu iha Bairo Pite, Dili.

1.  Konaba knaar

Sumáriu Pozisaun

Xefe-da-ekipa sei lidera no jere ekipa koleksaun dadus hodi asegura dadus ho kualidade di’ak husi eskola no komunidade selesionadu. Aleinde lidera ekipa, xefe-da-ekipa sei halo entrevista ho Diretór/a, koordenadór/a, alunu, mestre/a no inan-aman sira. Xefe-da-ekipa mós sei lidera grupu diskusaun (Focus Group Discussion) ho manorin no membru komunidade sira. 

 

Xefe-da-ekipa mak sei ajuda introdús ninia ekipa ba Diretór/a ka Koordenadór/a eskola no hetan permisaun molok hahú koleksaun dadus. Karik iha problema ruma, xefe-da-ekipa tenke relata ba ekipa MEL HATUTAN nian (ka MEL Program Manager) hodi hetan resposta. Kada loron xefe-da-ekipa sei verifika no asegura katak dadus ne’ebé ekipa kolekta, prienxe ona ho loloos, klaru no akuradu iha tablet (ka kestionáriu) molok haruka/submete ba CARE.

 

Xefe-da-ekipa nia responsabilidade:

• Partisipa ho átivu iha treinamentu no enkontru hotu-hotu tuir oras
• Estuda no komprende didi’ak matadalan no instrumentu koleksaun dadus ne’ebé mak sira sei uza (hanesan tablet, gravadór no kestionáriu sira) durante treinamentu
• Komprende didi’ak regras no prosedimentu CARE nian kona-ba peskiza/estudu
• Partisipa iha pilotu no tenke pasa teste no atinje rezultadu ne’ebé di’ak/satisfáz
• Halo supervizaun direta ba ninia ekipa koleksaun dadus ne’ebé kompostu husi koletór dadus na’in 3 ho xofer 1.
• Konfirma no halo kontaktu ba pesoál eskola kona-ba oráriu no introdús ekipa data koleksaun ba eskola no ofisiais governu sira
• Jere no apoia ekipa to’o iha fatin sira hotu hanesan eskola, komunidade, ofisiais governu, hodi halo entrevista ho di’ak
• Identifika alunu ne’ebé mak ekipa sei entrevista
• Halo peskiza eskola no observasaun aula
• Jere orsamentu (cash advance), apoiu lojístiku ba ninia ekipa, no aprezenta relatóriu finanseiru tuir loron ne’ebé determina ona
• Sempre tau iha hanoin atu respeita kostume no prátika lokál sira
• Identifika lian lokál ne’ebé mak baibain ko’alia iha komunidade ka eskola no asegura katak membru ekipa bele ko’alia lian lokál refere, ka organiza apoiu husi ema ruma ne’ebé mak ko’alia lian lokál (ezemplu hanesan alunu ne’ebé hela besik iha fatin)
• Tenke halo tuir regras/étika kona-ba koleksaun dadus no mantein konfidensialidade
• Tenke banati tuir kódigu konduta no politíka protesaun labarik CARE nian
• Lidera diskusaun grupu ka FGD (Focus Group Discussion) ho jestór eskola, manorin, no membru komunidade ka inan-aman sira
• Halo transkrisaun ba gravasaun husi diskusaun grupu ka FGD
• Kompriende ho di’ak objetivu husi estudu/peskiza ne’e rasik no asegura katak membru ekipa koleksaun dadus bele esplika ho klaru pergunta hotu-hotu ba partisipante sira atu nune’e sira bele hetan resposta ne’ebé loos no akuradu
• Tau matan ba prosesu koleksaun dadus no rezolve problema ka isu ruma ne’ebé mak mosu, no hato’o ba ekipa MEL (ka MEL Specialist)
• Verifika ekipa nia dadus no asegura katak resposta ne’ebé sira hili ka hakerek ho loloos no kompletu iha tablet, foto sira hasai ona, gravasaun ruma iha ona, molok haruka/submete ba server ONA ka ba edifisiu CARE nian iha Dili.
• Asegura katak ekipa koleksaun dadus tau matan no uza instrumentu (tablet, rekorder, kestionáriu) ho di’ak no kuidadu

 

Atu hatene liu tan konaba pozisaun ne’e, bele asesu informasaun iha link ne’e: https://drive.google.com/file/d/1d8_TeOZBOTv6wC4GkYH40YliXOz8DcL_/view?usp=share_link

 

2.  Rekezitu nesesariu

• Mínimu tenke remata eskola sekundária (SMA) no iha esperiénsia iha área koleksaun dadus ka peskiza
• Iha kompriensaun no esperiénsia kona-ba peskiza liu-liu iha konteksu eskola nian
• Iha abilidade atu ko’alia ho di’ak lian Tetum nomós lian lokal ida (1): baikenu, mambae, kemak, bunak, tokodede, galolen ka tetum-terik 
• Bele hakerek nota ka halo dokumentasaun ba entrevista (hakerek)
• Iha ona esperiénsia no bele lidera grupu diskusaun ho membru komunidade
• Bele esplika objetivu estudu nian ba respondente sira
• Bele jere orsamentu no halo relatóriu finanseiru
• Iha abilidade atu jere, lidera ekipa no halo komunikasaun ho di’ak
• Bele no iha vontade atu servisu iha área remota/rurál no komfortavel atu la’o ain kuandu difisil atu asesu ho transporte tempu udan
• Bele no hakarak hela iha komunidade nia uma
• Bele estabelese relasaun diak ho ema seluk inklui alunu, inan-aman, mestre/a no líder komunidade sira
• Disponivel ba servisu durante periodu Janeiru, Fevereiru no Marsu 2023 iha munisípiu seim para ba asuntu ka komitmentu seluk
• Iha fleksibilidade atu serbisu semana ida loron 6 no fleksibilidade ba servisu durante fin-de-semana 

 

Sei fó preferénsia ba kandidatu ne’ebé mak:

• Iha ona esperiénsia halo avaliasaun literasia ho labarik sira
• Iha ona esperiénsia halo fasilitasaun grupu diskusaun sira (Focus Groups)
• Iha ona esperiénsia lidera ekipa iha estudu/peskiza
• Iha ona esperiénsia jere orsamentu no halo relatóriu
• Lian primeiru (maternu) mak baikenu, mambae, kemak, bunak, tokodede, galolen ka tetun-terik no ko’alia ho di’ak

 

3.  Oinsá atu aplika

Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba Teresa.barros@careint.org  ka ba submete iha Rekursu Umanu iha CARE nia eskritóriu iha Bairo Pite, Dili.

Nota

• Pozisaun ida ne’e ba kandidatu eksternal no internal sira
• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu
• CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika
• CARE iha komprimisiu bo’ot atu proteje direitu labarik nian iha area hotu ne’ebé ami servisu ba. CARE rezerva direitu atu hala’o prosedimentu atu asegura katak fatin servisu seguru ba labarik