Bolsa Estudo ba S1 no S2 husi Governu Brunei Darussalam

AVIZU

THE GOVERNMENT OF BRUNEI DARUSSALAM SCHOLARSHIP

TO FOREIGN STUDENTS TENABLE IN BRUNEI DARUSSALAM

2023/2024 ACADEMIC SESSION

 

Ministério do Ensino Superior, Ciência e Cultura (MESCC) liu husi Fundo de Dezenvolvimento do Capital Humano (FDCH) informa ba públiku katak Governu Brunei Darussalam liu husi Programa The Government of Brunei Darussalam Scholarships to the Foreign Students Tenable in Brunei Darussalam, 2023/2024 Academic Session, oferese bolsa estudu kompletu ba timoroan atu kontinua estudu iha Instituisaun ensinu superiór iha Brunei Darussalam, ho programa nivel Diploma III (D-III), Lisensiatura (S1), no nivel Mestradu (S2).

Instituisaun ensinu superiór tolu ne’ebé maka partisipa iha programa bolsa estudu ne’e mak hanesan Universiti Brunei Darussalam (UBD), Kolej Universiti Perguruan Ugama Seri Begawan (KUPUSB), Universiti Islam Sultan Sharif Ali (UNISSA), Univrsiti Teknologi Brunei (UTB) no Politeknik Brunei (PB). Ita boot sira bele hili fatin estudu husi instituisaun ensinu superior lima refere.

 

KRITERIA ELIJIBILIDADE

• Tenke sidadaun Timorense
• Kandidatu hela metin iha Timor Leste. Bolsa estudu la oferese ba sidadaun Brunei Darussalam ou estranjeiru ne’ebé hela metin iha Brunei Darussalam
• Sidadaun ASEAN, OIC, ou membru nasaun Commonwealth
• Tenke iha kondisaun saúde ne’ebé permite atu halo estudu iha rai li’ur
• Tenke iha maturidade no kapasidade atu halo moris independente iha rai li’ur
• La iha rejistu kriminál ka ezekusaun sivíl husi tribunál kontra kandidatu
• Seidauk hetan bolsa husi governu Timor ka parseiru nasaun seluk (iha momentu mai aplika bolsa ida ne’e)
• Kandidatu tenke ho idade mínimu entre 18 – 25 ba programa Lisensiatura ka Diploma no labele liu husi idade 35 ba programa Mestradu iha loron 01 Jullu 2023 (ka idade labele liu mínimu antes tinan hahu kursu refere; Tinan akademika hahu iha entre fulan Jullu/Agostu 2023)
• Kandidatu tenke iha ona sertifikadu IELTS ho score minimu 6.0 ka TOEFL score mínimu 550.

 

DOKUMENTUS APLIKASAUN

1. Fotografia medida passaporte nian (fotografia 3x4 foun, fundu mean)
2. Fotokopia diploma no transkrisaun akadémia ne’ebé legalizadu husi MEJD (ensinu sekundáriu) ka MESCC (universitaria); akompaña mos nia tradusaun iha lian inglés ne’ebé mak legalizadu ona.
3. Statement of Purpose 200 palavras (sei prienxe iha form online)
4. Fotokopia koloridu Sertidaun RDTL (versaun Inglés) no Passaporte ne’ebé autentikadu husi Ministériu Justisa
5. Fotokopia koloridu Billete Identidade RDTL
6. Fotokopia SKCK-Security Vetting ka Boletim Registo Criminal, Versaun Inglés; (Validu fulan 6 no autentikadu husi Ministériu Justisa)
7. Fotokopia sertifikadu kursu Lian Ingles (TOEFL ho score minimu 550 ou IELTS ho score mínimu 6,0)
8. Prienxe formuláriu Rekommendasaun husi referencia nain rua (Reference Letter C1 and C2), baixa nia dokumentus husi link https://www.mfa.gov.bn/online-bdgs/

 

PROSESU APLIKASAUN

 

Atu hatene programa estudu husi universidade 4 ne’ebé oferese bolsa, bele visita link mak hanesan:

 

1. Universiti Brunei Darussalam

https://www.mfa.gov.bn/.../UBD%20-%20%20BDGS%202023-2024.pdf

 

Aplikantes nebe hili Universiti Brunei Darussalam tenke kompleta mós aplikasaun online iha https://apply.ubd.edu.bn/orbeon/uis-welcome/

 

2. Universiti Islam Sultan Sharif Ali

https://www.mfa.gov.bn/.../UNISSA%20-%20BDGS%202023-2024...

 

3. Universiti Teknologi Brunei

https://www.utb.edu.bn/

 

4. Kolej Universiti Perguruan Ugama Seri Begawan

https://www.mfa.gov.bn/.../KUPU%20SB%20-%20BDGS202324%20...

 

5. Politeknik Brunei

https://www.mfa.gov.bn/.../PB%20-%20BDGS2223%20(program).pdf

 

• Prienxe kompletu Application Form 2023/2024 nian iha googleform iha link http://tinyurl.com/bdgs2023 no upload kedas dokumentus rekejitu sira iha link refere.
• Atu hatene informasaun detalha, bele visita website: https://www.mfa.gov.bn/Pages/scholarship.aspx ka bele mai direta iha FDCH, iha Edifício 5. 1º Andar, Palácio do Governo, Dili, Timor-Leste.

 

Ba ita boot sira nia atensaun ami hato’o, obrigadu Wain