Vaga Servisu - Asistente RH- Bolsu Estudo (1) - Ministériu Finansas

 

Direção Geral dos Serviços Corporativos

Gabinete Do Diretor Geral

Oficio No.: 41/Gab.DGSC/MoF/VIII/2023

Díli, 20 Janeiro 2023

RE-ANÚNSIU

 

I. Título Servisu : Asistente RH- Bolsu Estudo (Postu 1)

 

II. TerMUS de ReFERÉNSIA

Aneksu

 

III. Prosedimentu aplikasaun

Karta aplikasaun tenke diriji ba Diretór Nasional Rekursus Humanus, liu husi e-Recruitment Portal Ministériu Finansas ho loron ikus nian maka quinta-feira, data 9 Fevereiro 2023, tuku 17:00 oras Timor-Leste.

 

Aplikasaun tenke inklui (a) karta aplikasaun (b) CV/rezumu detallu la liu pájina 7 (husu ba aplikante atu hakerek detalhu sira nia nível edukasaun husi Ensino báziku to nível edukasaun ikus) (c) Resposta ba kritéria Selesaun (d) Kopia diploma ikus legalizadu original husi Ministériu Edukasaun (e) Kopia Bilhete Identidade/BI/Elitoral/Passaporte)

 

Aplikante sira hotu tenke fó resposta klaru ba kritéria selesaun ne’ebé iha Termus Referénsia, favor  deskreve oinsá aplikante prenxe duni ba kritéria selesaun. Hein katak ita boot la copia deít husi rezumu CV maibé ho klaru oinsá ita boot hetan ona kompeténsia sira ne’e bele fó mós ezemplu badak ruma, no seluk tan.

 

 

Sei la konsidera aplikasaun ne’ebé la kompletu.

 

Sei kontaktu de’it ba kandidatu ne’ebé liu iha selesaun dokumentus.

 

Kandidatu selesionadu sei presiza submete Rejistu Kriminál no Atestadu Médiku recentes.

 

 

Joanico Pinto

Diretór Jeral Servisu Korporativus

Ministériu Finansas, RDTL

 

 

 

Deskrisaun Servisu (DS)

Títlu Servisu        :        Asistente RH- Bolsu Estudo (Postu 1)

Klasifikasaun       :        Kontratadu (Ekivalente ho Grau E- Tékniku Administrativu)

Saláriu                  :         $204.00 kada fulan

Relata ba              :       Diretur Nasional Rekursus Humanos 

Unidade Servisu  :       Diresaun Nasional Rekursus Humanus (DNRH)

Servisu Fatin        :        Pizu 5,  Torre- Ministériu Finansas Aitarak –Laran, Díli, Timor-Leste

Referensia DS       :        Setembru 2022 

Aprovasaun          :        Setembru 2022

Durasaun              :        Tinan ida (1 ) no posibilidade bele extende bazeia ba dezempeñu servisu di’ak

I.Objetivu:

Asistente Rekursus Humanos – Bolsu Estudo sei responsável atu fornese asistensia no apoiu administrativu ba DNRH liu-liu ba iha programa Bolsa Estudu (BE) MF nian. Pozisaun ida ne’e mos sei fo asistensia ba estudante bolseiru/a sira MF nian ne’bé mak sei hala’o sira nia estudo durante período estudu nian laran. 

II. Kriteria Selesaun

Esensiál 

1.Diploma Sekundáriu ka esperiensia profisional kompativel (hanesan) Jestaun, Administrasaun, Kontabilidade,  no/ka area relevante;

2.Iha kapasidade jere tempu no disciplina no finaliza serviu kumpri ho tempu ne’ebé determinadu.

3.Iha koñesimentu di’ak kona ba prosedimentus, sistemas no regras ba program bolsa estudo  nian; 

4.Iha konesimentu konaba regras no prosedimentu registu no arkivu dokumentu inklui jestaun kontratu tantu elektorniku no manuals.

5.Iha koñesimentu kona-ba elaborasaun relatóriu regular no annual kona ba estatu no situasaun bolseira/a nian.  

6.Iha kapasidade analítiku numerasia ne’ebé a’as, kapasidade halo kalkulu hanesan: persentajen, no/ka rásio 

7.Kapasidade komunikasaun ne’ebé di’ak, tantu le’e, hakerek no koalia iha lian sira hanesan: Tetun, Portugés, Indonesia no Ingles.

8.Hatene uza komputador ho aplikasaun Microsoft Office hanesan; Ms. Word, Excel no Data Base

 

Preferível 

1. Diploma universitáriu iha area Administrasaun, Jestaun, Kontabilidade, Administrasaun Negósiu, Jestaun Ekonomia, Jestaun Rekursus Humanus no/ka area relevante;
2. Bele uza aplikasaun sistema Software ba base-de-dados inklui jestaun kontratus;
3. Iha koñesimentu no esperiensia servisu iha área servisu kliente iha Setor Públiku.

 

III. Ambitu Servisu

Kna’ar no responsabilidades | indikadores dezempeñu
1. Asiste Ofisial Dezenvolvimentu RH (HRD) hodi fornese apoiu administrativu ba Programa Bolsa Estudo 
1.1 Asistensia hodi jere program bolsa estudo tuir regras no prosedimentu ne’ebé vigora 
1.2 Dokumentus hotu rejistradu tantu manual no eletronicamente iha database no rai ho seguru. 
1.3 Asistensia administrativa fornesidu ho atempadamente. 1.4 Dokumentasaun ba korespondendia oficiais hotu arkiva tuir regras no prosedimentus ne’ebé.

2. Fo asistensia iha preparasaun ba programa bolsa estudo inklui preparasaun planu (kalendáriu) no orsamentu ba implementasaun program BE.
2.1 Asegura hodi kria ona kalendáriu ba implementasaun programa BE. 2.2 Kalkulasaun montante akuradu no lós ba fundu alokadu ba programa BE. 
2.3 Asegura kordenasaun efetivu ho lina diresaun relevante.

3. Fo asistensia atu simu aplikasaun husi aplikante bolseiru/a durante prosesu selesaun ba programa BE
3.1 . Asegura verifikasaun dokumentus tuir rekezitus no kriteria BE nian. 
3.2 Dokumentasaun inklui rejistu no check list ba dokumentus aplikante nian.

4.  Fornese apoiu lojistika no administrativu ba Ekipa Ezekusaun  BE  
4.1 Asistensia fornesidu ho atempadamente no efetivu. 
4.2 Asegura kordenasaun efetiva ho diresaun no parte relevantes sira.

5. Fornese apoiu administrativu ba prosesu pedidu pagamentu husi instituisaun akademika kolaboradu  no mos pagamentu ba benefisiariu sira
5.1 Asegura pagamentu ba instituisaun akademika fornecedor tui tempu determinadu 
5.2 Asegura pagamentu ba bolseira/o tuir temu determinadu.
5.3 Regularmente mantein checklist, kalendáriu no prosesu ba programa BE

6.Fornese suporta hodi asiste monitorizasaun ba progresu bolseiru/a durante período estudu iha universidade 
6.1 Regularmente atende necessidade, preokupasaun no/ka kualker issue ne’ebé mosu ba bosleira/a 

7. Apoiu hodi prepara relatóriu ezekusaun orsamentu Bolsa Estudu nian 
7.1 Relatóriu ezekuasaun submetidu tuir tempu determinadu. 
7.2 Relatóriu semestral no annual submetidu ba superior. 
7.3 Solusaun no rekomendasaun  fornesidu ho efetivu.

8. Fornese asistensia relasiona ho distribuisaun informasaun BE husi MoF no mos husi LM no various fornesedor programa BE 
8.1 Asegura informasaun kona ba programa BD divulgadu ba staff MoF hotu no mos ba iha públiku. 

9. Halo tuir kódigu konduta funsaun públika no kódigu etika MF – JFP nian. 
9.1 Halo tuir didi’ak Kódigu Konduta Funsaun Públika no Kódigu Etika MF – JFP nian 
9.2 Kria ambiente servisu no koperasaun ekipa servisu ne’ebe amigável no hala’o servisu sira  seluk ne‘ebé hetan  orientasaun ka despaxu  husi  Diretor Nasional no Xefi Departementu 

10. No servisu seluk-seluk tan tuir orientasaun superior nian.
 

IV. Planu Servisu & Rekerimentus Relatoriu

• Prepara relatoriu mensal kona-ba atividade servisu.
• Hato’o relatoriu ikus konba servisu hotu ba Diretór Nasional Rekursus Humanos tarde liu loron 10 antes kontratu remata. 

V. Avaliasaun Dezempeñu
Dezempeñu regular ba inkumbente sei avaliadu husi Diretór Nasional Rekursus Humanos, uza Sistema Avaliasaun Dezempeñu ne’ebé MF defini ona.

VI. ASEITASAUN no Asinatura

Ha’u deklara katak simu deskrisaun servisu ida ne’e, ha’u komprende no konkorda ho servisu ne’ebé hakerek iha leten hanesan parte husi hau nian termus no kondisoens nudar funsionariu nian ho Ministériu Finansas.

Ha’u komprende mos katak deskrisaun ida ne’e sei bele hetan alterasaun ki’ik ruma ho objetivu atu atualiza deskrisaun servisu.