Vaga Servisu - Demand Generator no Edukador (Pozisaun 1) - MSI Timor-Leste (MSITL)

MSI Timor-Leste (MSITL)

Anúnsiu Vaga

Demand Generator no Edukador (Pozisaun 1)

31 Jullu 2024

 

MSI Timor-Leste (MSITL), nudar membru ida husi MSI Global ne’ebé nu’udár organizasaun non-profit, espesializadu hodi suporta no hato’o atendimentu Saúde Seksuál Reprodutiva (SSR) no planeamentu familiár (PF) ho kualidade aas. Ami servisu ona iha Timor-Leste desde tinan 2007 hodi suporta Ministériu da Saúde (MdS) hodi implementa estratéjia saúde reproduktiva nasional hodi atinji meta nasional ba saúde maternál iha Timor-Leste. Ami nia matadalan prinsipál maka atu suporta MdS hodi hato’o atendimentu saúde reprodutiva oi-oin ho kualidade aás; asegura kualidade klinikál ne’ebé diak liu; no suporta hato’o atendimentu ne’ebé foka ba kliente no promove eskolha/hili.

 

MSITL agora daudaun buka hela ema Timor oan, orijin husi Manatutu ba pozisaun nudar Demand Generator no Educador ba Rejiaun Manatuto

 

Demand Generator no Edukador sei servisu ho independente iha kada Rejiaun ho viajen frekuentamente ba area rural sira. Demand Generator sei servisu besik liu ho komunidade, jere relasaun ho komunidade, parseiru sira no leader lokal sira, presiza fahe informasaun kona ba saude reproduktiva no planeamentu familiar ho hasa’e komunidade nia kuñesimentu no abilidade atu foti desizaun rasik liga ho metodu kontrasepsaun ne’ebé benefisia ba sira nia a’an rasik. Demand Generator mos presiza halo viajem barak atu asegura katak iha kliente ne’ebé naton iha fatin atendimentu bainhira ekipa MSITL ba halo atendimentu.

 

Xave Rekerimentus sira ba Pozisaun:

 

Kualifikasaun:

• Nivel edukasaun mínimu diploma 3, prefere liu kandidatu ho nivel formasaun iha area saude.
• Sertifikadu service social III – desirable.
• Iha abilidade atu komunika konseptu ne’ebé kompleksu no sensitivu ba tipu audiensia oi-oin
• Kompriende kona-ba saúde seksuál reproduktiva no planeamentu familiar
• Abilidade atu prioritiza no jere servisu efetivamente
• Iha konesimentu atu uza programa komputadór nian (MS Word, Excel, Outlook) no
• Abilidade Servisu ho fleksivel no suporta nesesidade ekipa nian karik presija
• Hatene lori motor bot (Yamaha XTZ, KLX, Megapro) no karta kondusaun ne’ebé maka sei validu (validade la menus hosi tinan ida).
• Prefere liu kandidatu neebe maka iha koñesimentu diak ba Munisípiu Manatuto

 

Abilidade:

• Tenki iha kuñesimentu no fornese informasaun konaba saude seksual no reproduktiva, hanesan planeamentu familiar, saude menstruasaun hijiene, relasaun saudeval, no moras hada’et husi relasaun seksual (inklui HIV &AIDS) ba komunidade iha area refere.
• Tenki iha kuñesimentu konaba jeneru, defisiensia no foin-sa’e. Mantein relasaun diak ho komunidade, parseiru sira (inklui MdS, grupu foin-sa’e sira, RHTO etc), no leader lokal sira
• Abilidade hanesan fasilitador atu bele fasilita sesaun informasaun ba komunidade sira.
• Halo akonselamentu no fornese informasaun konaba métodu planeamentu familiar (PF) hodi bele fasilita kliente sira halao desizaun ba métodu PF ne’ebe mak sira atu asesu. 
• Refere ka mobiliza kliente ba ekipa MSITL sira hodi hetan akonselamentu no servisu klinikal nian, hanesan Kondom, Pill, Injeksaun, Implant, IUD, LNG-IUS, teste ba MHRS, teste ba anemia, no teste ba isin-rua nian
• Promove no refere komunidade, liu-liu foin’sa’e sira, ba Lina Foin-Sa’e.
• Hatene oinsa halo aproximasaun ho komunidade (community engagement)
• Tenki pronto atu halo viajem mesak iha rejiaun ne’ebé ita servisu ba, depende ba orariu ne’ebé iha pelu menus semana tolu iha fulan ida nia laran.
• Abilidade atu komunika iha lingua lokal ida husi rejiaun ne’ebé servisu ba
• Abilidade kompleta no submete relatoriu regularmente.
• Experiensia servisu iha area relevante minimu tinan rua (2)

 

Attitude:

• Iha respeitu no komitmentu ba direitu individual nian hodi kontrola sira nia fertilidade rasik
• Hatudu komitmentu pesoal hodi kontinua dezenvolvimentu profisional
• Fokus ba kliente
• Inovativu
• Bele adapta a’an no flexível mudansa iha programa no terenu
• Bele servisu iha situasaun ne’ebe ho presaun

 

Nota: Prefere liu kandidatu ne’ebé maka domina ho diak area Manatuto.

 

Ba kandidatu sira ne’ebe interese ba vaga refere, favor bele submete karta aplikasaun, CV atuál inklui mos referensia profisional 3 no mos kopia sertifikadu edukasaun ne’ebe relevante.

 

Favor manda Ita-bo’ot nia aplikasaun ba Ekipa Rekursu Umanu MSITL, liu husi email ba HumanResources@msichoices.tl, ho subject line hakerek NaranPrimeiroNaranIkus_Pozisaun NebeAplika (Ex:Maria Eliza_DemandGenerator).

 

MSITL iha politika ba Salvaguarda (Protesaun Labarik no Adultu Vulneravel) no Prevensaun ba explorasaun seksual, abuzu no prejuizu (harassment). Kandidatu sira hotu ne’ebé mak susessu sei presija atu asina deklarasaun no mos halo background check ba asuntu Salvaguarda no Prevensaun ba explorasaun seksual, abuzu no prejuizu (harassment) nian, no asina dokumentus kodigu konduta MSITL nian.

 

MSITL fornese oportunidade servisu nebe hanesan ba ema hotu, enkoraja Feto maluk sira atu aplika.

 

Loron ikus atu submete aplikasaun mak 07 Agustus 2024, oras 5.30pm. MSITL sei kontaktu deit kandidatu sira nebe tama iha lista pre-selesionadu/shortlist.