Vaga Servisu - (Pozisaun 10) - ETO-Telco, Lda

ETO-TELCO - VAGA SERVISU

NTV (Sempre Contigo, Sempre Actual) hanesan Estasaun Televizaun husi empreza ETO-Telco, Lda loke oportunidade servisu ka vaga ba pozisaun sira hanesan iha tabela tuir mai ne’e:

Lista Vaga Servisu

1 Jornalista Nain-rua (2) 

Espesialidade ka Abilidade

• Hatene hakerek testu notisia ho di’ak iha mídia eletrónika televizaun
• Iha esperiénsia minímo tinan rua (2) servisu hanesan jornalista iha mídia eletrónika (televizaun) iha rai-laran no rai-li’ur
• Hatene elabora rasik planu kobertura ne’ebé kompletu no kompriensivu
• Iha konesimentu di’ak no domina kódigu étika Jurnalistika
• Domina teoria no padraun universal jurnalizmu nian, inklui hatene interpreta konseitu elementu 10 jurnalizmu tuir Bill Kovach no Tom Rosenstiel

2 Kamaramán ba Notísia Nain-tolu (3) 

Espesialidade ka Abilidade

• Iha esperiénsia minímo tinan-rua (2) servisu hanesan kamaramán iha mídia eletrónika televizaun no seluk tan
• Hatene no domina iha operasaun kamera oi-oan tuir evolusaun mundu dijitál nian
• Hatene hasai vídeo notísia tuir ângulu notísia
• Hatene halo edisaun vídeo notísia

3 Kamaramán ba Estídiu Televizaun Nain-ida (1) 

Espesialidade ka Abilidade

• Iha esperiénsia servisu hanesan kamaramán iha estídiu estasaun televizaun minímo tinan-rua (2)
• Hatene no domina halo operasaun tipu kamera oi-oan hanesan kámara dijitál, kámara filme, kámara liman nian, drone, kámara 360-grau, kámara estídiu no seluk tan
• Hatene enkuadra imajen, ajusta fóku, kontrola espozisaun, no kontrola movimentu kámara nian hodi hetan imajen ne’ebé hakarak
• Bele asegura movimentu no enkuadramentu kámara nian korresponde hosi imajen ida ba imajen seluk

4 Editór Testu Notísia Nain-ida (1) 

Espesialidade ka Abilidade

• Iha esperiénsia minímo tinan-tolu (3) hanesan jornalista iha mídia
• Iha karteira profisional ne’ebé atribui hosi Konsellu Imprensa Timor-Leste
• Iha esperiénsia minímo tinan-rua hanesan editór testu notísia iha órgaun komunikasaun sosiál sira ne’ebé eziste iha rai-laran
• Iha konesimentu tékniku halo peskiza no elabora dadus sira ne’ebé relevante ho kontéudu notísia
• Domina kódigu étika Jurnalistika ho padraun universal jurnalizmu nian, inklui elementu 10 Jurnalistiku tuir Bill Kovach no Tom Rosenstiel

5 Apresentador/a Notísia (News Presenter) Nain-ida (1) 

Espesialidade ka Abilidade

• Esperiênsia minímo tinan-rua (2) sai hanesan apresentador/a notísia (news-presenter) iha estasaun televizaun iha rai-laran
• Iha konesimentu kona-ba área jurnalizmu nian
• Hatene halo entrevista tuir padraun jurnalizmu nian
• Hatene hakerek notísia

6 Produtór Seniór Nain-ida (1)

Espesialidade ka Abilidade

• Iha esperiénsia minímo tinan-rua (2) hanesan produtór/a iha estasaun televizaun sira iha rai-laran
• Hatene no domina no iha konesimentu di’ak dezéna konseitu programasaun televizaun nian
• Hatene elabora senáriu programasaun televizaun nian
• Hatene dezenja prosesu programasaun televizaun husi hahú inísiu to’o publika iha kanál televizaun

7 Asistente Produtór/a Nain-ida (1) 

Espesialidade ka Abilidade

• Hatene prepara planu programa sira no tau matan ba preparasaun no pasu sira hotu ne’ebé presiza to’o fase transmisaun programa iha televizaun nian
• Hatene halo planu ba event no rezumu event sira ne’ebé mak nesesáriu tiha programasaun televizaun nian
• Iha kapasidade orienta no fó briefing uluk fonte sira atu priénxe programa televizaun nian

---

Prosedimentu no Dokumentu Ne’ebé Nesesaríu

• Karta Rekrumentu dirije ba Diresaun Rekursu Umanu ETO Group
• Kurríkulu Vítae hakerek ho lian ofisiál (Tetun ka Portugés) asina hosi rekerente no referénsia na’in-rua ho sira-nia númeru kontaktu
• Kópia Diploma ikus Legaliza hosi Ministériu Edukasaun
• Kópia Sertidaun Moris ka RDTL
• Kópia Kartaun Eleitorál ka Billete Identidade
• Atestadu Médiku
• Kópia sertifikadu sira formasaun ka treinamentu ruma karik iha liga ho vaga ne’ebé atu aplika
• Dokumentu submete ba iha e-mail: rekrutamentu@etomais.com
• Submisaun dokumentu hahú hosi Loron 14 fulan-Fevereiru tinan 2025 to’o Loron 21 fulan-Fevereiru 2025
• Aplikasaun dokumentu bele husi e-mail rekrutamento@etomais.com ka direta mai iha edifísiu NTV, ETO TORRE andéir 1 Avenida Prezidente Nicolau Lobato, Colmera, Díli, iha oras servisu:
  • Dadeer tuku 09:00-11:30
  • Loro-kraik tuku 14:30-17:00 (Oras Timor-Leste)

Díli, 14 Fevereiru 2025

Manuela Bakhita Santos Belo

Diretora Administrasaun no Marketing ETO-Telco, Lda