Vaga Servisu - Ofisiál Programa Envolvimentu Komunitáriu - CARE iha Timor-Leste

ANUNSIU VAGA

Ofisiál Programa Envolvimentu Komunitáriu

Titulu pozisaun	Ofisiál Programa Envolvimentu Komunitáriu
Lokalizasaun	Ermera, Timor-Leste
Relata ba	Senior Ofisiál Programa Envolvimentu Komunitáriu
Grau	4 Etapa 1
Salariu	USD$644 kada fulan
Tipu Pozisaun	Full – time (Tempu Integral)
Durasaun	Tinan 1 – Posibilidade Estensaun
Data komesa	Junho 2025
Loron ikus ba aplikasaun	08 Maio 2025
Prosesu aplikasaun	Haruka CV no karta aplikasaun liu husi email ba hr.tls@careint.org KA submete iha departamentu Rekursu Umanu iha CARE nia eskritóriu iha Bairo Pite, Dili.

CARE iha Timor-Leste iha toleransia zero ba asédiu seksuál, esploitasaun seksuál, no abuzu seksuál, no mos forma sira seluk ne’ebé bele estraga labarik sira.

CARE partisipa ona iha Inter-Agency Misconduct Disclosure Scheme (MDS) global. Aliña ho inisiativa ida ne’e, CARE iha Timor-Leste sei husu “Deklarasaun Konduta” husi kandidatu sira nia empregadór sira iha pasadu iha tinan 5 ikus ne'e, liu-liu relasiona ho insidente ka investigasaun ba alegasaun asediu seksuál, esplorasaun seksuál ka abuzu seksuál durante sira nia servisu. CARE mos iha komprimisiu atu fó sai konaba hahalok relasiona ho asédiu no abuzu sesksuál ba ajensia seluk wainhira sira husu.

1. Konaba Knaar

2.1. Objetivu ba pozisaun ne’e:

Ofisiál Programa Envolvimentu Komunitáriu: Bazeadu iha Ermera. Pozisaun ne’e atu servisu apoiu ekipa tékniku iha Programa HATUTAN, mensajen Estratéjia Mudansa Hahalok No Sosiál (Social Behavior Change - SBC) no treinamentu ba jestór, koordenadór eskola no manorin, Konsellu Inan-Aman no Responsavel (KIAR), Grupu rai no empresta osan (Village Savings and Loans Association - VSLA), Grupu Agrikultór (Feto no mane), autoridade lokál no mós membru komunidade sira seluk iha asuntu saúde no nutrisaun, be’e mós ho saneamentu, agrikultura, protesaun labarik no prevensaun violénsia kontra feto no labarik.

Knaar ida ne’e presiza abilidade di’ak ba treinu no fasilitasaun, abilidade di’ak ba komunikasaun no halo relasionamentu di’ak ho ema seluk, abilidade di’ak ba planeamentu no organizasaun, no abilidade servisu ho pesoál eskola nomos komunidade rurál sira. Pozisaun ida ne’e presiza viajen frekuente ba fatin projetu iha munisípiu nia laran no viajen balun ba fatin servisu iha munisípiu seluk. Durante semana mak eskola sei hala'o aula sira, semana servisu tenke inklui Sábadu hodi hala'o atividade iha eskola sira. Semana servisu bele muda ba Tersa to'o Sábadu ka uza tempu kompensatoriu.

2.2. Responsabilidade Prinsipál sira

Implementasaun, Treinu no Aplika Aprendizajem:

• Asisti no apoia seniór ofisiál programa Envolvimentu Komunitária implementa programa prevensaun violénsia no dezenvolve planu asaun.
• Fó apoiu iha dezenvolve Estratéjia Mudansa Hahalok No Sosiál (SBC) no nutrisaun, saúde, be’e mós, ijiene, no sanitasaun, agrikultura no prevensaun violénsia hasoru feto no labarik iha eskola no komunidade.
• Hamutuk ho seniór ofisiál programa Envolvimentu Komunitária nian, apoia ekipa edukasaun iha implementa atividade treinamentu ba iha eskola sira. Servisu hamutuk ho ekipa edukasaun iha Munisipiu iha mentoria ba iha eskola sira. Responde ba dezafiu no aprende lisaun hamutuk tuir nesesidade eskola ida-idak ninian.
• Servisu hamutuk ho seniór ofisiál programa Envolvimentu Komunitária iha halo planu asaun no sosializasaun prevensaun violénsia iha suku sira.
• Servisu hamutuk ho ekipa programa HATUTAN iha kampu foku ba envolvimentu mane no labarik mane transforma relasaun podér ne'ebé la iguál no servisu hamutuk iha prevensaun violénsia iha eskola no komunidade.
• Kolabora ho seniór ofisiál programa Envolvimentu Komunitária apoia komunidade atu uza sistema CARE nian bolu Kartaun Valór Komunidade (Community Score Card). Sistema ne’e bele fó informasaun kona-ba dezempeñu eskola nian no nivel apoiu husi komunidade sira; tratamentu nebe justu ba feto no mane no hasae feto, labarik feto no Inan sira nia lian.
• Fó apoiu ba seniór ofisiál programa Envolvimentu Komunitária fasilita Analiza asaun sosiál no aproximasaun “Kampu Eskola Negósiu ba To’os Na’in” (Farmer Field Business School - FFBS) ba iha grupu rai no empresta osan (VSLA) iha komunidade estabelese padraun ba asesu ho hanesan ba nutrisaun, saúde, agrikultura, saneamentu no ijiene, prevensaun violénsia no halo prátika beibeik no halo monitorizasaun.
• Hamutuk ho seniór ofisiál programa Envolvimentu Komunitária nian, halo mentoria ba grupu rai no empresta osan, jestór eskola no agrikultór (feto no mane) sira kona-ba mudansa hahalok no koñesimentu ba nutrisaun, saúde, planeamentu ba vida moris, no prevensaun violénsia.
• Halo mentoria ba eskola no grupu iha komunidade kona-ba dokumentasaun ba atividade no rezultadu mentoria nian, hodi hare progresu no identifika lacuna.
• Hamutuk ho seniór ofisiál programa Envolvimentu Komunitária apoiu ba Jestór Programa Kampu HATUTAN hodi hala'o observasaun implementasaun programa HATUTAN relasaun ho mudansa hahalok no protesaun labarik iha Eskola no komunidade. 

RESPONSABILIDADE SELUK:

• Envolve iha preparasaun emerjénsia sira; asiste iha responde ba emerjénsia saida de'it ne'ebé presiza
• Promove seguru no seguransa; haburas konsiénsia kultura seguru no seguransa no konsistente tuir polítika seguru no seguransa CARE nian, prosedimentu no diretiva sira;
• Demonstra komitmentu respeitu direitu ema nian no protesaun labarik.

 

Ba informasaun detalladu konaba pozisaun ida ne'e, vizita link ida ne'e :

CARE Job Description Ofisial Programa Envolvimentu Komunitariu.pdf

 

2. Kriteria selesaun

ESPERIENSIA NO KUALIFIKASAUN

• Mínimu Diploma universidade nian no/ka Treinu Vokásional iha estudos sosiál, komunikasaun, Edukasaun, Jestaun, Desenvolvimentu Komunitaria, Umanidade ka ekivalente
• Mínimu tinan 2-3 esperiénsia servisu nia mak relevante, ho preferénsia iha área edukasaun, sosiál, saúde ka dezenvolvimentu komunidade;
• Esperiénsia uluk nia ho organizasaun naun-governmental mós fó vantajen;
• Esperiénsia servisu hanesan treinadór, fasilitadór ka formadór iha área prevensaun violénsia no dezenvolvimentu komunitária sira
• Bele servisu ho integridade no implementa prosedimentu no prosesu ho supervizaun ne’ebé mínimu;
• Komprensaun ne’ebé di’ak tebes kona-ba metodolojia partisipatóriu atu mobiliza komunidade nomos abilidade maka’as ho fasilitasaun;
• Abilidade komunikasaun ne’ebé di’ak iha lian Tetún, báziku iha lian inglês nomos abilidade ko'alia lian lokál ida (ka liu) hanesan Mambae ka Kemak.
• Hatudu abilidade di’ak iha treinu no fasilitasaun;
• Bele simu instrusaun no servisu hanesan parte ekipa;
• Prontu atu viajen entre munisipiu dezignadu ba fatin rurál ne'ebé dala barak ho kondisaun dalan ladi’ak.
• Abilidade atu lori motór iha fatin dook no ho lisensa ne'ebé válidu mak vantajen ida.
• Vontade atu aprende kona ba CARE, no atividade prevensaun violénsia kontra feto no labarik sira.

3. Oinsá atu aplika

Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba hr.tls@careint.org ka ba submete iha Rekursu Umanu iha CARE nia eskritóriu iha Bairo Pite, Dili.

Nota

• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu
• CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika
• CARE iha komprimisiu bo’ot atu proteje direitu labarik nian iha area hotu ne’ebé ami servisu ba. CARE rezerva direitu atu hala’o prosedimentu atu asegura katak fatin servisu seguru ba labarik
• Só kandidatu sira ne’ebé susesu deit ba faze seguinte mak sei hetan kontaktu ba intervista