Vaga Servisu - Ofisiál Saúde Komunitáriu (2) - CARE iha Timor-Leste

ANUNSIU VAGA

Ofisiál Saúde Komunitáriu

Titulu pozisaun	Ofisiál Saúde Komunitáriu (2)
Lokalizasaun	Ainaro(1) no Ermera(1), Timor-Leste
Relata ba	Senior Ofisiál Programa Envolvimentu Komunitáriu
Grau	4 Etapa 1
Salariu	USD$644 kada fulan
Tipu Pozisaun	Full – time (Tempu Integral)
Durasaun	Tinan 1 – Posibilidade Estensaun
Data komesa	Junho 2025
Loron ikus ba aplikasaun	08 Maio 2025
Prosesu aplikasaun	Haruka CV no karta aplikasaun liu husi email ba hr.tls@careint.org KA submete iha departamentu Rekursu Umanu iha CARE nia eskritóriu iha Bairo Pite, Dili.

CARE iha Timor-Leste iha toleransia zero ba asédiu seksuál, esploitasaun seksuál, no abuzu seksuál, no mos forma sira seluk ne’ebé bele estraga labarik sira.

CARE partisipa ona iha Inter-Agency Misconduct Disclosure Scheme (MDS) global. Aliña ho inisiativa ida ne’e, CARE iha Timor-Leste sei husu “Deklarasaun Konduta” husi kandidatu sira nia empregadór sira iha pasadu iha tinan 5 ikus ne'e, liu-liu relasiona ho insidente ka investigasaun ba alegasaun asediu seksuál, esplorasaun seksuál ka abuzu seksuál durante sira nia servisu. CARE mos iha komprimisiu atu fó sai konaba hahalok relasiona ho asédiu no abuzu sesksuál ba ajensia seluk wainhira sira husu.

1. Konaba Knaar

2.1. Objetivu ba pozisaun ne’e:

Ofisiál Saúde Komunitáriu sei hala'o papél xave ida iha implementasaun atividade mudansa hahalok saúde no nutrisaun ho kualidade aas. Ofisiál ida-idak sei suporta atividade saúde no nutrisaun iha komunidade ho treinamentu balun iha nivel eskola. Knaar ne'e presiza nivel profisionalizmu ne'ebé aas, abilidade organizasaun no planeamentu ne'ebé di'ak no atensaun detallu ho abilidade atu servisu ho ekipa oioin iha HATUTAN laran tomak no mós servisu besik ho parte interesada sira iha Munisipiu inklui Ofisiál Saúde Munisipiu sira. Apoiu programa HATUTAN implementa estratejia Mudansa Sosial no Hahalok liuhusi fornese treinamentu no atividade ho kualidade aas sira.

Pozisaun sira ne’e bazeadu iha Munisípiu Ainaro (nain 1) no Munisípiu Ermera (nain 1) karik iha Postu Administrativu hodi hamenus kole no risku iha dalan iha viajen no atu hela besik komunidade alvu nian. Loron servisu mos karik fleksivel ho loron servisu inklui loron Sábadu hodi tuir oráriu Grupu Rai Osan ka eventu Saúde Eskolár iha eskola.

2.2. Responsabilidade Prinsipál sira

Implementasaun Programa

• Partisipa iha eventu Treinamentu ba Treinadór ba atividade saúde oin-oin.
• Fornese treinamentu oioin kona-ba maternál, saúde labarik, nutrisaun, agrikultura sensivel ba nutrisaun, diversifikasaun dieta ne'ebé bele inklui demonstrasaun te'in, demonstrasaun ijiene ba grupu komunidade sira hanesan membru grupu rai no emprésta nune'e mós vendedor prepara ai-han, manorin sira, membru asosiasaun inan-aman no profesór sira no ofisiál governu lokál.
• Apoiu ba atividade saúde eskola nian inklui kontrolu saúde, no atividade promosaun saúde sira ne'ebé promove ambiente saudavel hodi suporta aprendizajen.
• Implementa atividade jardín dapur ho uma-kain sira hodi promove ai-han nutritivu.
• Dezenvolve no implementa planu servisu kada semana no fulan tuir programa nia estratéjia no orsamentu.
• Asegura katak aprosimasaun sensivel ba jéneru no rekizitu sira husi Kódigu Konduta adota no implementa iha atividade relevante hotu-hotu.
• Apoia preparasaun, mobilizasaun no análize ba peskiza no estudu espesiál sira hodi sukat rezultadu no impaktu programa sira ne'ebé relasiona ho saúde no nutrisaun; partisipa iha kolesaun dadus no relatóriu.
• Apoiu ekipa edukasaun atu reforsu Programa Saúde Eskolár iha eskola alvu.
• Knaar sira seluk ne'ebé relasiona ho servisu sira ne’ebé dezigna husi supervizor.
• Asegura servisu integradu entre ekipa HATUTAN iha implementasaun atividade sira
• Servisu kolaborasaun ho Pesoál Saúde Família ba implementasaun dalan saúde di'ak iha nivel família

Relatóriu, Monitorizasaun, Avaliasaun no Aprendizajen

• Prepara relatóriu sira tuir padraun ho loloos no efetivu, ida-ne'e sei inklui kolesaun dadus monitorizasaun xave sira atu sukat ba meta sira.
• Hakerek istória susesu husi kampu ho foto ho respeitu ba polítika konsentuimentu uza imajen no protesaun labarik.
• Entrega dadus no lista partisipante ho kompletu, loloos no tuir tempu relasiona ho atividade kampu.
• Partisipa iha kualkér teste material ho mekanizmu komentáriu ne’ebé nesesáriu.
• Halo revizaun no hadi'a maneira implementasaun ka materiál sira ne'ebé eziste ne'ebé HATUTAN no parseiru sira uza hodi asegura katak mensajen SBC nian inkorpora ona no alvu audiénsia bele komprende didi'ak.

Ba informasaun detalladu konaba pozisaun ida ne'e, vizita link ida ne'e : CARE Job Description Ofisial Saude Komunitario_Ainaro.pdf &CARE Job Description Ofisial Saude Komunitario_Ermera.pdf

2. Kriteria Selesaun

ESPERIENSIA NO KUALIFIKASAUN

• Lisensiatura ka sertifikadu iha área Saúde Publiku, Nutrisaun, Siénsia Sosiál ka área ne'ebé iha relasaun.
• Iha esperiénsia servisu mínimu tinan rua iha área saúde komunitária, programa SBC.
• Esperiénsia iha fasilitasaun no treinu ho komunidade iha área rural.
• Prefere liu iha esperiénsia servisu ho grupu komunidade.
• Iha abilidade interpersonal no komunikasaun ne'ebé forte.
• Kbiit komunikasaun ne'ebé di'ak liu iha lian Tetun no lian lokál área servisu nian (Baikeno, Mambae, Kemak).
• Abilidade atu promove kolaborasaun ho funsionáriu CARE sira seluk, Governu, autoridade lokál no parseiru sira seluk
• Hatudu abilidade atu foti orientasaun no servisu nu'udar ekipa; CARE iha Timor-Leste.
• Intermediadu (di'ak tebes) iha Microsoft Office ho koñesimentu iha Microsoft Word no Excel, abilidade numeriku di'ak.
• Prontu atu viajen entre munisipiu dezignadu ba fatin rurál ne'ebé dala barak ho kondisaun dalan ladi’ak.
• Abilidade atu lori motór iha fatin dook no ho lisensa ne'ebé válidu mak vantajen ida.

 

3. Oinsá atu aplika

Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba hr.tls@careint.org ka ba submete iha Rekursu Umanu iha CARE nia eskritóriu iha Bairo Pite, Dili.

Nota

• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu
• CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika
• CARE iha komprimisiu bo’ot atu proteje direitu labarik nian iha area hotu ne’ebé ami servisu ba. CARE rezerva direitu atu hala’o prosedimentu atu asegura katak fatin servisu seguru ba labarik
• Só kandidatu sira ne’ebé susesu deit ba faze seguinte mak sei hetan kontaktu ba intervista