Anunsiu - Bolsa Estudu Kompletu - Chinese Government Scholarship 2027/2028

 

ANUNSIU BOLSA ESTUDU KOMPLETU

Ministério do Ensino Superior, Ciência e Cultura (MESCC), liu-hosi Unidade de Parceria e Cooperação (UPC) informa ba públiku katak Governu Republika Populár China liu hosi Chinese Government Scholarships (CGS) for Academic Years 2027/2028, oferese bolsa estudu kompletu ba Timor-oan nain rua nulu (20) atu kontinua estudu iha Instituisaun ensinu superiór ka akadémia peskiza nian iha nasaun China, ho programa nível Lisensiatura (S1), nível Mestradu (S2), nível Doutoramentu (S3), General Scholar Program no mos Senior scholar program.

KRITERIA ELIJIBILIDADE

1. Tenki sidadaun Timorense
2. Tenki iha kondisaun saúde (mentál no fíziku) ne’ebé permite atu halo estudu iha rai li’ur
3. Tenki iha maturidade no kapasidade atu halo moris independente iha rai li’ur
4. La iha rejistu ba kazu kriminál ka ezekusaun sivíl hosi tribunál kontra kandidatu
5. Seidauk hetan bolsa hosi governu Timor-Leste ka parseiru nasaun seluk (iha momentu mai aplika bolsa ida ne’e)
6. Ba kandidatu ba programa:

• Nível Lisensiatura (tenki idade 25 mai kraik), remata ona ensinu sekundáriu ka ekivalente
• Nível Mestradu (tenki idade 35 mai kraik), remata ona lisensiatura
• Nível Doutoramentu ( tenki idade 40 mai kraik), remata ona mestradu
• General Scholar Program (tenki idade 45 mai kraik) kompleta ona tinan rua ba lisensiatura
• Senior scholar program (tenki idade 50 mai kraik) iha ona titlu mestradu ou associate professor

Ba kandidatu ba programa

• Nível Lisensiatura tenki tuir teste China Scholastic Competency Assesment (CSCA)
• General Scholar Program no Senior scholar program tenke hetan ona Sertifikadu Lian China HSK Level 3 (Studying Chinese language are exempted)
• Nível Mestradu no Doutoramentu tenke hetan ona Sertifikadu Lian China HSK Level 4

Priense rekezitu administrasaun tomak husi universidade nian mak hanesan: iha kapasidade akadémika, abilidade iha lingua no kritéria relevante sira seluk.

DOKUMENTU APLIKASAUN 

1. Priense kompletu Formulariu Aplikasaun online Chinese Government Scholarship.
2. Fotokópia pajina identifikasaun Passaporte RDTL validu no autentika orijinál hosi Ministériu Justisa.
3. Fotokópia Diploma no Rezume Kaderneta Ensinu Sekundáriu nian, akompaña ho tradusaun iha lian Inglés (tenki legalizadu orijinál hosi ME ba diploma ensinu sekundáriu ne’ebé hetan ona akreditasaun), ba kandidatu ne’ebé atu aplika nivel Lisensiatura.
4. Fotokópia Diploma no Transkrisaun Akademika, akompaña ho tradusaun iha lian Ingléz (tenki legalizadu orijinál hosi MESCC ne’ebé hetan ona akreditasaun), ba kandidatu ne’ebé atu aplika nivel Mestradu no Doutoramentu.
5. Fotokópia Sertifikadu kualifikasaun iha lian China HSK no lian Ingléz IELTS ka TEOFL ka ekivalente (tenke validu)
6. CSCA Score Report. Ba aplikante sira ne’ebé atu aplika ba nível lisensiatura tenke rejista no tuir teste CSCA (China Scholastic Competency Assesment) molok deadline aplikasaun ne’e (ba infromasaun detallu, bele visita : www.csca.cn), Favor kontaktu ho universidade ne’ebé aplikante hili hodi hatene klean kona-bá materia teste nian ligadu ho aréa estudu ne’ebe aplikante hili. Aplikante sira tenke rejista no tuir teste CSCA
7. Ba kandidatu sira ne’ebé maka foti lisensiatura, mestradu, doutoramentu ka senior scholar program presiza aneksa dokumentus admisaun, inklui Admision Notice, Pre-Admission Letter, Invitation from Professor, etc); kandidatu sira ne’ebé iha ona dokumentu admisaun sei sai prioridade ba vaga bolsa ida ne’e.
8. Hakerek Planu Estudu (Study Plan) iha lian Ingles (ba nivel lisensiatura minimu 200 palavras, ba non-degree minimu 500 palavras, no ba nivel mestradu no doutoramentu minimu 800 palavras).
9. Ba kandidatu sira ne’ebé maka foti mestradu, doutoramentu ka senior scholar program presiza aneksa Karta Rekomendasaun rua (orijinál ka iha lian Ingléz) husi profesór ka assosiasaun profesór sira.
10. Kandidatu ne’ebé mak aplika ba area estudu Artes ka Dezeñu tenki hatama exemplu artes ka dokumentu suporta sira ka bele mos envia direta sira nia materiál artes ne’e ba universidade ne’ebé sira atu aplika ba.
11. Kandidatu ne’ebé sei iha idade 18 mai kraik, tenke submete deklarasaun ”Authorization To The Guardian”  no aneksa kartaun identidade husi enkaregadu legál ne’ebé hela iha China.
12. Fotokópia Foreign Physical Examination Form ne’ebé taka ho fotográfia koloridu ho medida 3×4 fundu mutin; formuláriu ne’e tenke assinadu no tau karimbu ofisiál husi doutór/mediku husi HNGV. (Submete hafoin passa ona faze intervista).

NOTA KATAK 

• Foreign Physical Examination Form tenke aneksa ho Atestadu Mediku no rezultadu analiza ka teste saúde kompletu (Chest X-ray report, ECC, test report of AIDS, Syphilis, Hepatitis) hosi HNGV ne’ebé validu fulan 6 ba oin.
• Fotográfia 3×4 koloridu ne’ebé taka iha Foreign Physical Examination Form (pajina 1)tenke tau karimbu orijinál HNGV. Tenke iha mos asinatura no karimbu ofisiál hosi HNGV (pajina 2). Bainhira laiha karimbu orijinál husi HNGV mak dokumentu konsidera invalidu.
• Foreign Physical Examination Form bele download iha http://tl.china-embassy.gov.cn/eng/xwdt/202311/P020231106378801476390.pdf
• Fotokópia Buletim Rejistu Kriminál (Non-Criminal Record Report) iha lian Ingléz no        autentika/notariadu orijinál hosi Ministériu Justisa
• Fotokópia Sertidaun RDTL iha lian Inglês no autentika/notariadu orijinál hosi Ministeriu        Justisa.
• Fotokópia Kartaun Eleitorál no Billete Identidade aplikante nian
• Fotokópia Kartaun Eleitorál inan-aman hosi aplikante
• Deklarasaun komprimisiu kandidatura nian katak la ativu bolsa ka manan ona vaga bolsa          estudu ruma hosi parseiru ruma ka governu Timor-Leste no devidamente kandidatu rasik mak    asina iha lian Inglés

PROSESU KANDIDATURA

1. Atu hatene informasaun klaru bele vizita:

• Website ofisiál ”CSC Study in China” http://www.campuschina.org/
• Website ofisiál Embaixada China iha Timor Leste: http://tl.china-embassy.gov.cn/eng/xwdt/202311/t20231106_11174324.htm
• Website MESCC https://mescc.gov.tl ka pájina facebook ofisiál MESCC nian ka bele mai diretamente iha UPC-MESCC,  Avenida Marginal no. 4 Colmera – Dili, Timor-Leste, iha oras serbisu nian.
• Bolsu estudu ne’e sei halo Registrasaun online iha http://www.campuschina.org/.
• Presija halo rejistu naran iha UPC-MESCC hodi konfirma aplikante ne’ebe mak priense kriteria elijibilidade hodi konkore vaga bolsa estudu refere.
• Bainhira kandidatu halo ona aplikasaun on-line, mak kandidatu sei hetan file formatu pdf            Formuláriu Aplikasaun on-line Chinese Government Scholarship aneksa ho dokumentu hotu    husi númeru 2-17 tau iha envelope A4 (exemplar  2 original 1 no kopia 1). Dokumentu tenki tau    ordenadu tuir númeru kritéria (1-17).
• Formuláriu aplikasaun no dokumentu kritériu sira ne’ebé submete ona, mak la kompletu, laiha    karimbu ofisiál, la legaliza/la notariadu ka la autentika ka iha falsifikasaun ruma iha dokumentu, automatikamente sei la konsidera (ka invalidu).

KALENDARIU BA KANDIDATURA NIAN 

• 29 Outubru – 24 Novembru 2026: Publikasaun vaga no Rejistu online iha website http://www.campuschina.org/ hodi bele hetan formuláriu ho formatu pdf Chinese Government Scholarship (dokumentu númeru 1)
• 25 Novembru – 30 Novembru 2026: Submete dokumentu aplikasaun (fíziku) mai UPC-MESCC bainhira halo ona rejistu online
• 01 – 04 Dezembru 2026: Selesaun Dokumentu iha UPC-MESCC
• 09 – 16 Dezembru 2025: Pedidu Aprovasaun Lista Kandidatu Rekomendadu ba Sua Exsia. Ministru molok submete ba Embaixada China iha Dili.
• 17– 18 Dezembru 2025: Submisaun Dokumentu Kandidatu Rekomendadu ba Embaixada China iha Dili, hodi kontinua selesaun kandidatu ba faze entrevista nian.

Mak ne’e deit, Ba ita bo’ot sira nia atensaun ami hato’o, obrigadu wain.