ANUNSIU - BOLSA ESTUDU PARSIAL - ASSUMPTION UNIVERSITY OF THAILAND

Vaga Servisu Timor-Leste Thursday, November 05, 2026

 


ANUNSIU BOLSA ESTUDU PARSIAL

Ministériu Ensinu Superior, Siénsia no Kultura (MESSK), liu hosi Unidade Parcerias no Kooperasaun (UPC), informa ba públiku katak Assumption University of Thailand oferese oportunidade bolsa estudu parsial ba Timor oan sira atu konkore hodi bele ba kontinua estudu iha nivel Mestradu (S2) no Doutoramentu (S3). Benefísiu hosi bolsa estudu parsial mak hanesan tuir mai:

  • Nivel Mestradu (S2): Programa ho durasaun tinan 1,5  to’o 2, ho deskontu taxa propinas montante 150.000 Baht Tailándia (THB 150.000).
  • Nivel Doutoramentu (S3): Programa ho durasaun tinan 3, ho deskontu 40% husi taxa propinas totál.

KRITERIA ELIJIBILIDADE ATU KONKORE BA BOLSA REFERE MAK HANESAN

  1. Tenki sidadaun Timor, iha saúde no mental ne’ebé di’ak
  2. Hetan ona diploma Lisensiatura ba aplikante nivel Mestradu hosi estabelesimentu ensinu Superior ne’ebé akreditadu
  3. Hetan ona diploma Masteradu ba aplikante nivel Doutoramentu hosi estabelesimentu ensinu Superior ne’ebé akreditadu
  4. Kandidatu tenke kumpre rekezitu profisiénsia lian Inglés, tuir kriteriu programa ne’ebé hili
  5. Kandidatu tenke kumpre rekezitu akadémiku, inklui media nota (GPA) tuir programa estudu ne’ebé hili
  6. Kandidatu ba nível Doutoramentu tenke submete proposta peskiza (Research Proposal) konforme ejijensia husi programa ne’ebé hili ona

DOKUMENTU JERAL BA  APLIKASAUN ONLINE MAK HANESAN

  • Formuláriu aplikasaun admisaun ne’ebé kompletu.
  • Kopia Sertifikadu Diploma no Transkrisaun akademika Lisensiatura nian ba nível Masteradu  iha lian Inglés no legalizadu husi Ministériu Ensinu Superior Siénsia no Kultura
  • Kopia Sertifikadu Diploma no Transkrisaun akademika Lisensiatura no Masteradu  nian ba nível Doutoramentu  iha lian Inglés no legalizadu husi Ministériu Ensinu Superior Siénsia no Kultura
  • Sertfikadu Profisiénsia lian Inglés
  • Kopia Pasaporte válidu
  • Fotográfia tuir formatu ne’ebé universidade husu
  • Karta Rekomendasaun Akademika, no husi fatin servisu (karik iha)
  • Dokumentus adisional seluk, tuir rekezitu programa

Ba informasaun kompletu kona-ba programa estudu no estrutura taxa propina, parte ne’ebé interese bele asesu pájina ofisiál Graduate School Assumption University iha http://www.grad.au.edu  no mos bele kontanku email gchaelier@au.edu

Ba informasaun kona- ba rekezitu no dokumentus espesífiku ba admisaun halo favor bele asesu diretamente iha website ofisiál Assumption University, tuir programa estudu ne’eb’e hili iha http://www.grad.au.edu

Mak ne’e deit, Ba ita bo’ot sira nia atensaun ami hato’o, obrigadu wain.

Post a Comment

0 Comments