AVIZU SERBISU
Hamutuk Nasaun Saudável - HAMNASA
Antes ne’e Health Alliance International Timor-Leste
Pozisaun : Jestór Programa/Atividade
Relata ba : Diretora Ezekutivu
Fatin : Edifísiu Dili no viajen ba munisípiu
Rezumu Serbisu
HAMNASA buka hela ema Timor-oan ba pozisaun Jestór Atividade, hodi lidera HAMNASA nia Atividade Harmonia fundus USAID, foka ba hapara violensia bazea ba jéneru iha Timor-Leste. Pozisaun ne’e hetan fundus to’o Outubru 2023, no baze iha Dili ho viajen ba munisípiu. Atividade Harmonia halo serbisu iha komunidade iha munisípiu rua iha Timor-Leste hodi eleva sensibilizasaun no kuinesimentu entre membru komunidade sira no sintividade, abilidade no konfidénsia husi pesoál saúde sira hodi suporta vítima violensia bazea ba jéneru. Jestór Atividade sei fornese lideransa ba staf Atividade Harmonia no halo kordenasaun no implementasaun ba intervensaun Atividade. Funsaun demanda ida ne’e adekuadu liu ba profisionál dinámiku no motivadu ne’ebé iha esperiensia pelu menus tinan tolu hanesan jerente iha setór saúde no/ka komunidade iha Timor-Leste. Jestór Atividade responsabiliza atu garante katak atividade sira kompleta tuir planu no tuir orsamentu, ajuda rezolve problema hodi hadia implementasaun no rezultadu sira, no sei serbisu ho staf M&E HAMNASA hodi avalia efetividade programa. Jestór Atividade sei sai hanesan membru Ekipa Lideransa Seniór HAMNASA.
Responsabilidade Sira
Jestaun Atividade
- Fornese lideransa no jestaun en jerál husi Atividade Harmonia
- Responsabiliza ba koordenasaun no implementasaun atividade hotu-hotu ba Atividade Harmonia
- Fornese lideransa hodi atinji metas teknikál, programátiku no administrativu, asegura impaktu pozitivu ba staf HAMNASA, partisipante programa no benefisiáriu sira
- Serbisu besik-liu ho Diretór Programa no Jerente Seniór Klinikál hodi bele integra atividade sira ho projetu saúde materna infantil HAMNASA
- Guia dezenvolvimentu planu serbisu anuál sira ba Atividade Harmonia
- Mantén no kordena komunikasaun forte ho Diretora Exekutivu ba asuntu programátiku no administrativu; halo tuir matadalan HAMNASA ba jestaun rekursus, utiliza pólitika no prosedimentu Administrativu HAMNASA sira
- Asegura konformidade ho regra no regulamentu USAID nian
- Maneja orsamentu programa iha kordenasaun ho Diretora Exekutivu
- Serbisu besik liu ho Program Performance Manager hodi monitoriza kumprimentu bam etas atividade no indikadore sira, no mantén sistema ba atividade monitorizasaun no avaliasaun rutina
- Fornese asisténsia ba Program Performance Manager hodi realiza avaliasaun final
- Serbisu besik-liu ho Program Performance Manager no Diretora Exekutivu hodi dezenvolve planu peskiza ba Atividade.
Jestaun Staf
- Asume responsabilidade en jerál ba supervizaun staf Atividade Harmonia no iha situasaun iha estudante no/ka estajiáriu sira.
- Halo avaliasaun ba staf dezignadu no fornese kontinuidade suporta ba dezenvolvimentu profisionál staf sira nian
Suporta Tékniku
- Fornese asisténsia tékniku ba MdS, INS, no MSSI no ajénsia apropriadu sira seluk hala’o avaliasaun kona-ba Atividade Harmonia
- Partisipa iha grupu tékniku konsultativu relevante sira no ho stakeholder sira
- Asegura kompeténsia tékniku staf programa sira tuir nesesidade liu husi oportunidade treinamentu ne’ebé disponivel
- Serbisu ho Espesialista Jéneru hodi garante serbisu tékniku sira
Relatóriu
- Prepara relatóriu programa ba doadór no stakehorlder sira
- Enkontru regular ho Misaun USAID hodi fornese atualizasaun atividade tuir pedidu
Responsabilidade seluk-seluk
- Hala’o obrigasaun sira seluk tuir nesesidade hodi suporta ekipa
- Atende enkontru externál relevante sira
- Partisipa enkontru regulár Ekipa Jerente Seniór HAMNASA
- Promove ambiente konfortabel no seguru, hasa’e kultura konsientizasaun seguransa no protesaun no halo tuir konsistentemente polítika, prosedimentu no diretivu HAMNASA nian
- Defende no promove HAMNASA nia kompromisu ba Protesaun Labarik no Kódigu Konduta
Kualifikasaun Sira
Ne’ebé rekere:
- Lisensiada iha saúde públika, dezenvolvimentu komunidade ka área estudu relasionadu sira seluk
- Tinan lima esperiensia iha jestaun projeitu saúde no/ka jestaun projetu violensia hasoru feto in Timor-Leste
- Kuinesimentu exelente no esperiensia iha saúde públika no/ka setór dezenvolvimentu iha Timor-Leste
- Abilidade interpesoal, networking, komunikasaun no aprezentasaun
- Kumpriensaun forte konabá igualidade jéneru no empoderamentu feto
- Abilidade hakerek relatóriu ho diak no abilidade atu serbisu efetivamente tuir prazu tempu
- Bele halo viajen sai husi Dili regulármente
- Maturidade ho abilidade interpersonál no maneira profisionál ne’ebé diak
- Organizadu, efetivu, kreativu, sai jogador ekipa, no motivadu
- Abilidade forte iha jestaun rekursus umanus, espesialmente team building
- Profisiente iha programa Microsoft Office
- Abilidade atu kompriende, kumpre no defende HAMNASA nia polítika no padraun prosedimentu relevante hotu-hotu
- Fluente ko’alia Tetum
- Profisiênsia lian Inglês (ko’alia, lee no hakerek)
Termu no Kondisaun Sira
Saláriu $1000 kada fulan
Pozisaun loke ba Timor-oan de’it
Hetan vasina COVID-19 kompletu hanesan rekerimentu ida ba pozisaun ne’e
Hatama CV no karta aplikasaun diriji tuir kritéria ba Marlina Malik, marlina.malik@hamnasa.org, até fin do dia Segunda-feira, 31 Janeiru 2022
.png)
.png)
.png)
0 Comments