Oportunidade Ilustradór/a Timoroan - The Asia Foundation (TAF)

 

Fundasaun Ázia liuhosi programa Let’s Read dadaun ne’e loke oportunidade ba Timoroan ne’ebé iha talentu ilustra istória labarik nian.

Karik ita-boot hakarak hatudu ita-boot nia talentu kreativu hodi ilustra istória ruma, bele partisipa iha oportunidade ida-ne’e! 

 

Oportunidade ne’e loke ba ilustradór/a Timoroan sira atu:

• Ilustra istória Let’s Read nian ne’ebé hakerek husi Timoroan.
• Promove ita-boot nia aan nu’udar ilustradór/a: Istória ne’ebé hetan ilustra husi ita-boot sei publika iha biblioteka dijitál ka plataforma online husi Fundasaun Ázia no sei bele asesu ba livru final, bainhira fahe ona iha plataforma Let’s Read https://letsreadasia.org/

 

Kritéria:

• Loke ba públiku: Sidadaun Timor ne’ebé buka atu inspira labarik sira hodi lee liuhusi sira-nia ilustrasaun.
• Idade 18 ba leten
• Iha abilidade atu ilustra livru ruma
• Hela iha Dili
• Ilustrasaun sira tenke bazeia ba kontestu Timor nian (Ez: Roupa, Ai-horis, Uma, oin, kór, nst)
• Ilustrasaun tenke apropriadu ba labarik sira no bazeia ba kategória istória sira.
• Ilustrasaun bele ilustra dijitál ka uza liman
• Bele hili entre istória tolu iha kraik ne’e hodi ilustra
• Halo ilustrasaun iha pájina/papél ida. 

 

Kategória istória

• Ilustrasaun sira tenke tuir kategória istória tuirmai ne’e:

A. Tema istória : Merkadu laran: Ivo fa’an ai-fuan sira iha merkadu.

B. Tema istória: To’os Laran: Akau kuda ai-fuan barak iha to’os laran.

C. Tema istória: Ai-han ba família: Noi prepara Hahán oioin iha meza. 

 

Oinsá atu aplika?

• Favór manda ita-boot nia CV no Ilustrasaun bazeia ba kategória istória (sira) ba leonia.freitas@asiafoundation.org ho títulu – Books Illustrations (Tema husi istória/Ilustradór/a nia naran).
• Hatama antes tuku 5 loraik, 31 Marsu 2022. Submisaun ne’ebé tarde sei la konsidera.
• Ilustradór/a ne'ebé selesionadu sei hetan kontaktu husi ekipa Fundasaun Ázia hodi partisipa iha Illustrator workshop durante loron rua.