Supervisór/Cleaning supervisor (nain 2) - ENTREGA BA

𝐕𝐀𝐆𝐀 𝐒𝐄𝐑𝐕𝐈𝐒𝐔

Agora dadaun ami loke vaga ba área supervisor hamoos nian. Ba maluk sira ne’ebé interese favór bele submete Ita boot nia aplikasaun tuir rekezitu sira hanesan tuir mai ne’e. 

𝐏𝐨𝐳𝐢𝐬𝐚𝐮𝐧: Supervisór (cleaning supervisor).
𝐊𝐮𝐚𝐧𝐭𝐢𝐝𝐚𝐝𝐞: Nain 2
𝐎𝐫𝐚𝐬 𝐬𝐞𝐫𝐯𝐢𝐬𝐮: oras 20 kada semana no disponível iha telefone durante oras servisu entre Segunda to’o Sexta.
𝐃𝐮𝐫𝐚𝐬𝐚𝐮𝐧: tinan 1 no bele extende tuir avaliasaun dezempeñu.
𝐒𝐚𝐥𝐚́𝐫𝐢𝐮: Sei negosia antes asina kontratu.

𝐊𝐫𝐢𝐭𝐞́𝐫𝐢𝐚 𝐩𝐫𝐢𝐧𝐬𝐢𝐩𝐚́𝐥:

1. Experiêsia servisu iha área relevante maizumenus tinan tolu (liliu iha edifísiu sira).
2. Bele hakerek no koalia lian English ho didiak.
3. Abilidade atu lidera, koordena, kontrola, jere, no foti desizaun ka fó orientasaun ba subordinadu sira tuir nesesidade iha terenu.
4. Abilidade atu halo planu ba distribuisaun servisu ba membru kada loron, semana no fulan.
5. Abilidade atu halo planu no jestaun ba ekipamentu no produtu sira hamoos nian.
6. Iha koñesimentu di’ak ba ekipamentu modernu sira kona ba hamoos nian.
7. Koñesimentu di’ak ba utilizasaun produtu sira hamoos nian.
8. Abilidade atu halo relatóriu no proposta ba edifísiu sentrál.

𝐊𝐫𝐢𝐭𝐞́𝐫𝐢𝐚 𝐚𝐝𝐢𝐬𝐢𝐨𝐧𝐚́𝐥:

1. Abilidade iha lian Português no lian seluk tan.
2. Bele lori kareta no motor.
3. Formasaun professionál ba hamoos nian.

𝐑𝐞𝐬𝐩𝐨𝐧𝐬𝐚𝐛𝐢𝐥𝐢𝐝𝐚𝐝𝐞 𝐬𝐢𝐫𝐚:

1. Superviziona membru ekipa sira nia servisu diária, semanál no mensál.
2. Kontrola membru ekipa sira nia servisu kada loron tuir padraun hamoos nian ne’ebé hatuur ona.
3. Kontrola membru ekipa sira kona ba utilizasaun ba produtu no ekipamentu sira tuir padraun no intrusaun sira.
4. Kontrola stock produtu no ekipamentu sira.
5. Prepara relatóriu no proposta ba edifísiu sentrál kona ba produtu no ekipamentu sira.
6. Verifika no aprova time sheet membru ekipa sira nian kada fulan no submete ba edifísiu sentrál hodi halo pagamentu.
7. Konfirma ho edifísiu sentrál hodi aprova pedidu lisensa sira turi lei traballu no rejimentu interna ENTREGA BA nian ba membru ekipa.
8. Koordena ho edifísiu sentrál kona ba sustituisaun ba pesoal sira iha situasaun urjénsia.
9. Komunika ho ENTREGA BA no Kliente kona ba mudansa ka problema ruma.
10. Prontu destaka hodi halo supervizaun no monitorizasaun ba servisu iha fatin seluk tuir orientasaun husi ENTREGA BA.

𝐃𝐨𝐤𝐮𝐦𝐞𝐧𝐭𝐮 𝐬𝐢𝐫𝐚:
a. CV (hakerek ho lian English) no máximu papel tahan 2.
b. Billete Identidade/kartaun eleitoral
c. Sim motor ka kareta se iha.
d. Sertifikadu relevante se iha.
e. Karta referénsia husi servisu uluk nian se iha.

𝐑𝐞𝐟𝐞𝐫𝐞́𝐧𝐬𝐢𝐚:
Referénsia tenke nain 2 husi servisu ikus nian ho sira nia númeru kontaktu ativu no email karik iha. Referénsia tenke ema ne’ebé superior bainhira ita servisu ba.

𝐀𝐩𝐥𝐢𝐤𝐚𝐬𝐚𝐮𝐧:
a. Bele via email ba: rui@entregaba.org/vero@entregaba.org\

b. Bele lori hard copy ba Delta II, Travessa Lis Mutin, Comoro. Bele liga ba 78613816 hodi husu diresaun.

𝐃𝐚𝐭𝐚 𝐢𝐤𝐮𝐬 𝐛𝐚 𝐚𝐩𝐥𝐢𝐤𝐚𝐬𝐚𝐮𝐧:
Kinta Feira 26/05/2022, oras tuku 4 lokraik.

1. Ami sei kontaktu de’it kandidatu ne’ebé susesu ba aplikasaun ne’e.
2. Dokumentu ne’ebé ami simu sei la entrega fila fali bainhira la pasa.
3. La iha deskirminasaun ba kualkér sexu ka tinan.
4. Ami rezerva direitu deskresionáriu atu deside no hili aplikante sira.
5. Aplikante sira ne’ebé pasa tenke prontu atu submete tan dokumentu seluk ne’ebé ENTREGA BA presija. Ezemplu; exemplu sertidaun kazamentu (se kaben ona) hodi kompleta aplikasaun ba seguransa sosiál nian.

Mak ne’e de’it ba atensaun hato’o obrigadu wain.