Ofisial Servisu Kliente no Operasaun - Postu Integradu Fronteira (PIF) Batugade - (Postu 4) - Ministériu Finansas

 

ANÚNSIU

 

I. Título Servisu : Ofisial Servisu Kliente no Operasaun - Postu Integradu Fronteira (PIF) Batugade - (Postu 4)

 

II. TerMUS de ReFERÉNSIA

Aneksu

 

III. Prosedimentu aplikasaun

 

Vizita ami nia website www.mof.gov.tl  hafoin ba click iha ‘Vacancy Announcement’ hodi haree informasaun kona-ba ami nia prosesu rekrutamentu no rekerimentu ba aplikasaun inklui mós oinsá atu haruka ita boot nia aplikasaun.

 

Karta aplikasaun tenke diriji ba Diretór Nasional Rekursus Humanus, liu husi e-Recruitment Portal Ministériu Finansas ho loron ikus nian maka Segunda-feira, data 11 Julho 2022, tuku 17:00 oras Timor-Leste.

 

Aplikasaun tenke inklui ; (a) karta aplikasaun (b) CV/rezumu detallu la liu pájina 7 (husu ba aplikante atu hakerek detalhu sira nia nível edukasaun husi Ensino báziku to nível edukasaun ikus) (c) Resposta ba kritéria Selesaun (d) Kopia diploma ikus legalizadu original husi Ministériu Edukasaun (e) Kopia Bilhete Identidade

 

Aplikante sira hotu tenke fó resposta klaru ba kritéria selesaun ne’ebé iha Termus Referénsia, favor  deskreve oinsá aplikante prenxe duni ba kritéria selesaun. Hein katak ita boot la copia deít husi rezumu CV maibé ho klaru oinsá ita boot hetan ona kompeténsia sira ne’e bele fó mós ezemplu badak ruma, no seluk tan.

 

Sei la konsidera aplikasaun ne’ebé la kompletu.

Sei kontaktu de’it ba kandidatu ne’ebé liu iha selesaun dokumentus.

Kandidatu selesionadu sei presiza submete Rejistu Kriminál no Atestadu Médiku recentes.

 

 

 

Joanico Pinto

Diretór Jeral Servisu Korporativus

Ministériu Finansas, RDTL

*********************************************************************************************************** 

TERMU REFERENSIA

 

Títlu Pozisaun : Ofisial Servisu Kliente no Operasaun (Postu 2)- Postu Integradu Fronteira (PIF) Batugade (2) 

 

Objetivu : Pozisaun ida ne’e sei fo apoiu administrativa diariamente ba iha Postu Integradu Fronteira (PIF) Batugade.  

 

Relata ba : IBP Facility Manager                                       

 

Kontraparte(s) : Membru Grupo Jestaun 

                        

Klasifikasaun :  C1.1.1. Tékniku Apoiu Administrativu – (Resén Graduadus)

 

Saláriu :  $400/Fulan

 

Aprovasaun : Abril 2022

 

Durasaun : Tinan rua ho posibilidade atu ekstende bazeia ba dezempeñu no nesesidade organizasaun.

 

Fatin Servisu : Postu Integradu Fronteira (PIF) Batugade no Salele

 

 

 

I. KRITERIA SELESAUN 

 

Esensiál

1. Lisensiatura iha área Jestaun (Administrasaun, Lojisktika,  Alfandegas), Komunikasaun, Jestaun Informátika no/ka área relevante seluk; 
2. Hatudu abilidade no koñesimentu di’ak kona ba;

a. Ambiente operasional Governu RDTL no Funsaun Públika;

b. Regulamentus, polítikas no prosedimentus ne’ebé guia servisu Autoridade Aduaneira (AA);

3.    Iha koñesimentu di’ak no esperiensia servisu iha atendimentu ba kliente,

4.    Komprova susesu iha kompetensia profisionais hanesan:

a. Komunikasaun no aprezentasaun;

b. Foku kliente no kria relasaun servisu di’ak;

c. Rezolve problema no toma dezisaun;

5. Iha abilidade analiza ne’ebé exselente;

6. Iha koñesimentu no abilidade atu elabora relatóriu, identifika lakunas no rekomenda solusoens;

7. Abilidade analítiku no interpessoal ne’ebé di’ak;

8. Hatudu profisiensia iha uzu ba Aplikasaun IT nian hanesan Ms. Word, Excel, no Power point.

9. Abilidade Komunikasaun exselente atu komunika tantu iha hakerek no koalia ho lian Tetum, Portugés no Inglés

 

Preferível

1. Lisensiatura ho esperiensia servisu mínimun tinan 2 iha área relevante iha setor Públiku;

2. Iha koñesimentu di’ak no hatene lian lokal (Batugade ka Salele nian)  

3. Prontu atu servisu iha área fronteira Batugada ka Salele.

 

 

II. AmbitU Servisu

Knaar no Resposabilidade & Indikador dezempeñu

1. Supporta  Facility Manager IBP hodi fo asistensia no fasilita servisu administrativu ba pasajeirus tama no sai liu-liu passajeirus sira ne’ebe lahatene le no hakerek. 

1.1. Asistensia fornesidu ho efetivu no atempadamente ba passajeiru tama no sai 
1.2. Asegura pasajeiru hotu prienxe formulariu ho informasaun ne’ebé los no korretu formulariu Servisu imigrasaun no Customs Clearance Alfandega nian.  

 
2. Prepara no distribui formulariu Servisu Imigrasaun no Customs Clearance Alfandega husi Ajensia Postu Integradu Fronteira nian iha fatin destinasaun pasajeiru tama no sai. 

2.1.  Asegura disponibilidade formulariu alokadu iha fatin destinasaun.

2.2. Dokumentus prienxidu arkiva ho seguru no tuir padraun no prosedimentu sistema arkiva nian.

 
3. Fo asistensia ba IBP Faciltiy Manager no Asistente IBP Facility Manager atu distribui no monta billeti informasaun PIF Batugade

3.1.Formuláriu no/ka billeti hotu tenki distribui no fornesidu ba kada postu integradu.

4. Fo apoiu ba IBP Facility Manager no membro grupo atu suporta atividades hanesan: 
      a. Halo kontrolu no apoiu Sistema IT ba Ajensia governu iha PIF; 
      b. Kontrolu no halo manutensaun Jerador PIF 

4.1. Apoiu fornesidu tuir tempu determinadu ho effetivu no atempadamente;
4.2. Kontrola no halo ona manutensaun ba Jerador PIF diaramente; 
4.3. Halo ona monitorizasaun jeral no relatóriu monitorizasaun submetidu ba PIF Manager.

 
5. Asiste IBP Facility Manager hodi halo kontrolu ba Makina X-Ray inklui resolve Trouble shooting nomos fasilita Operador Makina nian hodi halo operasaun ba Makina. 

5.1. Nivel satisfasaun husi Manager PIF ba assistensia ne’ebé fornesidu ona. 
5.2. Relatóriu regular kona ba manutensaun ekipamentus iha PIF inklui problemas identifikadu no rekomenda solusoens imediata submetidu ba superior.

 
6.  Kordena, konfirma no komunika imediata ho parte relevantes wainhira pasajeiru ida (tama/ sai) hasoru problema administrativu iha PIF 

6.1.Asegura servisu atendimentu kliente ho profissional 
6.2. Superior informadu imediata hodi rezolve problema ho lalais no tuir lei no regras ne’ebé maka vigora iha RDTL.

 
7. Fo asistensia kontínu ba IBP Facility manager no Membru Grupo hotu atu prontu servisu iha loron fim-de-semana (Domingo, loron feriadu no kualker tempu wainhira hetan pedidu no aprovasaun husi superior. 

7.1.Nível atendimentu ba pedidu urjente no/ka pedidu ne’ebé nesesariu.

 
8. Prepara no halo relatóriu regular ba passajeirus tama no no sai 

8.1. Relatóriu diária, mensal, trimestral no anual kona ba númeru pasajeiru estrageiru no pasajeiru lokal tuir tipu razaun tama no sai husi/ba nasaun,  preparadu no submetidu ba superior tuir tempu determinadu. 
8.2.Asegura informasaun hotu inkluidu númeru estatistíka pasajeiru tama no sai (tuir jéneru, tipu vizas, nasaun origem/naturalidade, nsst) iha relatóriu korretu no lós.

9.   Kumpri Oras Servisu no Kódigu Konduta Funsaun Públiku nian.

9.1. Kumprimentu ba Kódigu Konduta Funsaun Públiku nian iha Autoridade Tributária

 
10. Hala’o kna’ar seluk tuir orientasaun superior bazeia ba lei haruka. 

10.1.Nível satisfasaun husi superior ho konkluzaun ba tarefa sira. 
10.2.Hatudu ona rezultadu servisu diak, profissional  no responsabilidade. 
10.3.Oportunidade ho kualidade resposta

 

III.  XAVE DELIBERASAUN

Ho akordu no indikadores dezempeñu ne’ebé temi iha leten..

• Durante semana hat (4) inísiu, dezenvolve Planu Atividades Servisu/ Traballu Individual ne’ebé konsistente ho atividades relevantes no indikadores dezempeñu tuir planu  tinan lima (5) Ministériu nian no submete DNRH-MF hafoin  hetan ona aprovasaun husi Superior;
• Submete relatóriu mensal no relatório progressu trimestral/ relatóriu kada fulan tolu (3) ba DNRH tuir planu servisu ne’ebé mak aprovado ona husi IBP Facility Manager.
• Hato’o relatório ikus konaba servisu hotu ba DNRH-MF, tarde liu loron 10 antes kontratu remata.

 

 

IV. Avaliasaun Dezempeñu 

 

Dezempeñu individu ne’e nian, sei hetan avaliasaun husi ninia superior ka IBP Facility Manager no sei avalia mos husi unidade ka diresaun nasional relevante sira iha Ministériu tuir Sistema Avaliasaun Dezempeñu Ministériu Finansas nian, no sei monitoriza husi Diresaun Nasional Rekursus Humanus (DNRH)-DJSK. Prosesu ida ne’e inklui periódu probatóriu fulan rua (2) hafoin hahú servisu, prepara relatóriu regular, komunikasaun kontinú no avaliasaun dezempeñu annual. Ministériu iha ninia Indikador Dezempeñu Xave ka Key Performance Indicator (KPI) iha area hotu-hotu, tamba ne’e, Individu  nia servisu sei kontribui ba atinjimentu prioridades hanesan hatur iha sira nia TOR no Planu Tinan lima (5) Ministériu nian.