Vaga Servisu (Pozisaun 6) - Hamutuk Nasaun Saudável (HAMNASA)

Hamutuk Nasaun Saudável (HAMNASA)

Antes ne’e Health Alliance International Timor-Leste

 

Hamutuk Nasaun Saudável (HAMNASA) hanesan organizasaun naun-govermental Nasionál ne'ebé servisu hamutuk Ministériu Saúde Timor-Leste hodi implementa programa sira ne'ebé fó apoiu no hametin servisu saúde nian. HAMNASA nia programa no objektivu mak atu hadi'a saúde no hamenus mortalidade no morbilidade ba inan sira no sira-nia oan iha Timor-Leste, hodi kontribui ba objetivu saúde nasionál. HAMNASA apoia atividade oin-oin iha munisípiu hotu-hotu, inklui RAEOA ho Atauro. HAMNASA sei loke rekrutamentu ba pozisaun foun neen (6), atu servisu iha projeitu foun ne’ebé ho objetivu hasa’e detesaun kazu tuberkulozu iha munisípiu Dili. Pozisaun hirak ne’e baze iha Edifísiu HAMNASA, Vila Verde, maibe servisu hala’o iha CHC 4 iha Dili laran. 

 

Pozisaun hirak ne’e mak hanesan:

1. Tékniku Laboratóriu ba Mákina TruNaat (Analista)
2. Tékniku Radiolojia
3. Médiku Jerál
4. Enfermeiru/a
5. Pontu Fokál ba Tuberkulozu
6. Motorista ho Lojistika (SIM C1)

 

Bele hetan deskrisaun detallu inklui rekerimentu edukasaun, esperiénsia no abilidade ba pozisaun ida-idak iha informasaun tuir mai.

Pozisaun hirak ne’e loke ba Timor oan de’it.

Hetan vasina COVID-19 kompletu inklui doze 3 (Booster) hanesan rekerimentu ida ba pozisaun ne’e.

 

Ba pozisaun sira ne’e hotu, hatama CV no karta aplikasaun diriji tuir kritéria ba Marlina Malik, marlina.malik@hamnasa.org até fin do dia Segunda, 20 Junu 2022

 

1.      Pozisaun: Tékniku Laboratóriu ba Mákina TrueNaat (Analista)

Ofisiál Tékniku Laboratóriu sei supervisiona direta husi Diretór Programa Hamutuk Nasaun Saudável (HAMNASA) ho kordenasaun besik liu ho Jestór Programa Tuberkulozu Nasionál (NTP) no sei hetan apoiu Tékniku husi Asesór Organizasaun Mundiál Saúde (OMS) ba Moras Hadaet, no mos suporta Tékniku husi NTRL. Tékniku Laboratóriu ba mákina True Naat sei halo atividade hirak tuir mai ne’e.

 

Responsabilidade sira

• Koordenasaun atividade Laboratóriu ho NTRL, Dili Molbio diagnostiku, no SNRL Chennai
• Hala’o servisu tuir hotu prosedura Tékniku Laboratóriu, rekolla sputum pasiente nee’bé ho kualidade atu uza hodi haalo diagnostiku no halo tratementu moras
• Ho akuradu kompleta notas narativus no relatoriu no informasaun statistika ba file no database sira
• Tuir politika no prosedura Laboratóriu ne’ebé iha, inklui prosedura seguransa Laboratórium
• Rekolla dadus, rai notas ka dadus, identifikasaun specimen, rekizasaun, hato’o relatoriu, prosedura charting ho billing
• Maintein relasaun servisu ne’ebé mak positivu ho ekipa servisu sira seluk, liu-liu pesoál sira iha sentru saúde haat, no Tékniku Laboratóriu Senior Munisípiu Dili
• Servisu independemente tuir instrusaun supervizór no simu responsabilidade tuir politika no prosedura Laboratóriu ne’ebe iha
• Fahe servisu no servisu iha shift nebe’e diferente tuir nesesidade
• Kontrolu kualidade iha área espesialidade no indikadór Laboratóriu
• La relata rezultadu pasiente exseptu wainhira dadus kontrola kualidade iha parametru ida ne’ebé mak bele aseita
• Rekoñese valór sira ne’ebé labele kontrola, foti asaun ida ne’ebé mak los no notifika ema seluk kuandu iha mudansa

 

Kualifikasaun Edukasaun

Lisensiatura iha Tékniku Laboratóriu Médiku ka área edukasaun ka esperiensia servisu relevante seluk. Pesoál ne’ebé iha edukasaun relevante seluk tenke iha sertifikasaun hanesan Tékniku Laboratóriu Médiku ka Tékniku Laboratóriu Klinikál. 

 

Esperiênsia no Kritéria Seluk

• Esperiénsia mínimu tinan rua servisu hanesan Tékniku Laboratóriu (Analista)
• Iha koiñesimentu ne’ebe adekuadu kona-bá instrumentu, teória no tuir aplikasaun teste foun no ida ne’ebé existi ona.
• Abilidade bele muda no hiit pasiente
• Abilidade ko’alia no hakerek ho efetivu
• Exelente iha abilidade komunikasaun, koordenasaun no halo ligasaun
• Exelente iha rede servisu negosiasaun hodi dezenvolve relasaun servisu ne’ebé diak ho Ministériu Saúde, OMS no stakeholder sira hotu
• Abilidade servisu iha ekipa no individuál
• Organizadu no detalladu

--------------------------------------------------

2.      Pozisaun: Tékniku Radiolojia

Ofisiál tékniku radiolojia sei superviziona direta husi Diretór Programa Hamutuk Nasaun Saudável (HAMNASA) ho kordenasaun besik liu ho Koordenadór Tuberkulozu (TB) Munisípiu Dili no mos Jestór Programa TB nasionál (NTP), ho mos apoiu tékniku husi Asesór Organizasaun Mundiál Saúde (OMS) ba Moras Hadaet no Tékniku X-ray Seniór iha Munisípiu Dili. Tékniku X-ray/Radiolojia sei suporta atividade hirak tuir mai ne’e:

 

Responsabilidade sira

• Monitoriza supply radiolojia no garantia katak mákina X-ray monta iha nível radiasaun ne’ebé mak loos. Asegura mós katak sala X-ray/mobile digital moos no organizada iha kualkér tempu
• Verifika identidade pasiente antes ita halo prosedura X-ray
• Utiliza ekipamentu X-ray tuir matenek artifisial (AI), iha ne’ebé deit integradu, hodi foti foto radiolojia ruin, tissu, no orgaun pasiente tuir instrusaun ne’ebé hakerek ona
• Esplika prosedura X-ray ba pasiente no resposta sira nia pergunta
• Tau pasiente iha pozisaun ne’ebé mak los inkluindu hiit no muda pasiente ho mobilidade ne’ebé limitadu
• Limita pasiente husi radiasaun ho utiliza protektora (pelindung) ba pasiente karik presiza duni
• Garantia katak X-ray ne’ebé sei foti mak ho kualidade atu prevene prosedura repetisaun
• Servisu hamutuk espesialista radiolojia karik presiza, atu determina se pasiente refere presiza teste tan
• Garantia katak ekipamentu X-ray hetan manutensaun regularmente no funsiona ho diak
• Informa kedan ba NTP/DGF kona-bá ekipamentu X- ray ne’ebé mak aat ka la funsiona
• Mantén notas akuradu husi prosedura X-ray ne’ebé mak halo ona 

 

Kualifikasaun Edukasaun

Lisensiatura iha Tékniku Radiolojia, medical imaging, ka área edukasaun relevante seluk

 

Esperiênsia no Kritéria Seluk

• Esperiénsia mínimu tinan rua servisu hanesan Tékniku X-ray
• Abilidade bele muda no hiit pasiente
• Abilidade ko’alia no hakerek ho efetivu
• Exelente iha abilidade komunikasaun, koordenasaun no halo ligasaun
• Exelente iha rede servisu negosiasaun hodi dezenvolve relasaun servisu ne’ebe diak ho Ministériu Saúde, OMS no stakeholder sira hotu
• Abilidade servisu iha ekipa no indviduál
• Organizadu no detalladu

---------------------------------------------------------------

3.      Pozisaun: Médiku Jerál

Responsabilidade sira

• Responde ba problema saúde pasiente, refere ba istória pasiente nian, halo diagnosa, konseling no halo rujukan ba tratamentu sekarik presiza, espesifikamente liga ho tuberkuloze
• Hala’o servisu ida ne’e husi kareta mobiliáriu ne’ebé sei haleu CHC haat iha Dili laran
• Husu halo teste laboratórium no interpreta nia rezultadu teste ho los
• Mantén konfidensialidade no neútru iha kualkér tempu.
• Kolleta, hakerek no mantén informasaun sensitivu pasiente hanesan rezulta diagnóstika, istória moras nian no relatóriu.
• Esplika prosedura ka tratamentu ida nebe’e deriji ba pasiente
• Halo promosaun edukasaun saúde hamutuk ho pesoál saúde sira seluk ba komunidade
• Kria no mantén relasaun servisu ne’ebé mak pozitivu hamutuk iha ekipa servisu sira seluk liu-liu pesoál saúde iha sentru saúde haat no Servisu Saúde Munisípiu Dili
• Atinji targetu ne’ebé hasai ona husi Ministériu Saúde, liu-liu númeru pasiente TB ne’ebé mak presiza deteta

 

Kualifikasaun Edukasaun

•  Lisensiadu iha Medisina Jerál 

 

Esperiênsia no Kritéria Seluk

• Experiensia tinan tolu servisu hanesan Médiku Jerál iha área saúde primária
• Exelente iha abilidade komunikasaun, koordenasaun no halo ligasaun
• Exelente iha maneira komunikasaun no interasaun ho pasiente sira
• Abilidade dezenvolve relasaun servisu ne’ebé di’ak, no halo interasaun ho efektivu ho ekipa sira, liu-liu ekipa HAMNASA, Ministériu Saúde, Servisu Saúde Munisípiu Dili no pesoál saúde iha CHC sira
• Abilidade halo multiplu servisu iha tempu ne’ebé mak hanesan no mantén foku ba iha prioridade
• Abilidade uza komputadór ho programa Microsoft Word
• Abilidade servisu iha ekipa no individuál
• Organizadu no detalladu, foti inisiativa no abilidade rezolve problema
• Iha abilidade servisu iha multiplu lingua hanesan Tetun, Bahasa Indonesia, Portugues, Inglês
• Abilidade tuir regras no regulamentu hotu atu ambiente servisu mantén ho seguru no saudável

---------------------------------------------------

4.      Pozisaun: Enfermeiru/a

 

Responsabilidade sira

• Responde ba problema saúde pasiente, refere ba istória pasiente nian, halo diagnosa, konseling no halo rujukan ba tratamentu sekarik presiza, espesifikamente liga ho tuberkuloze
• Hala’o servisu ida ne’e husi kareta mobiliáriu ne’ebé sei haleu CHC haat iha Dili laran
• Mantén konfidensialidade no neutru iha kualkér tempu.
• Kolekta, hakerek no mantén informasaun sensitivu pasiente hanesan rezulta diagnosa, istória moras nian no relatóriu.
• Esplika prosedura ka tratamentu ida ne’ebé deriji ba pasiente
• Halo promosaun edukasaun saúde hamutuk ho pesoál saúde sira seluk ba komunidade
• Kria no maintén relasaun servisu ne’ebé mak pozitivu hamutuk iha ekipa servisu sira seluk liu-liu pesoál saúde iha sentru saúde haat no servisu saúde Munisípiu Dili
• Atinji targetu ne’ebé hasai ona husi Ministériu Saúde, liu-liu númeru pasiente TB ne’ebé mak presiza deteta

 

Kualifikasaun Edukasaun

• Diploma/Lisensiatura Enfermajen

 

Esperiênsia no Kritéria Seluk

• Experiensia tinan tolu servisu hanesan enfermeiru/a iha área saúde primária
• Exelente iha abilidade komunikasaun, koordenasaun no halo ligasaun
• Exelente iha maneira komunikasaun no interasaun ho pasiente no maluk servisu sira
• Abilidade dezenvolve relasaun servisu ne’ebé di’ak, no halo interasaun ho efetivu ho ekipa sira, liu-liu ekipa HAMNASA, Ministériu Saúde, Servisu Saúde Munisípiu Dili no pesoál saúde iha CHC sira
• Abilidade halo servisu multiplu iha tempu ne’ebé mak hanesan no mantén foku ba iha prioridade
• Abilidade mantén konfidensialidade informasaun pasiente nian
• Abilidade servisu iha ekipa no individuál
• Organizadu no detalladu, foti inisiativa no abilidade rezolve problema
• Abilidade uza komputadór ho programa Microsoft Word
• Iha abilidade servisu iha multiplu lingua hanesan Tetun, Bahasa Indonesia, Portugues, Inglês
• Abilidade tuir regras no regulamentu hotu atu ambiente servisu mantén ho seguru no saudável

------------------------------------------------------­­­­­­­­­­­­­­-------

5.      Pozisaun: Pontu Fokál ba Tuberkulozu

Responsabilidade sira

• Servisu hanesan pontu fokál ba pasiente sira iha CHC sira iha Dili laran – halo ligasaun ho pasiente no pesoál saúde sira atu identifika pasiente sira ne’ebé vulneravel ba tuberkulozu no refere sira ba kareta atu hetan tes
• Halo promosaun saúde/hato’o informasaun ba pasiente sira kona-bá simtomas no sinais perigu ba tuberkulozu
• Servisu besik ho ekipa tuberkulozu HAMNASA nian, nomós ho pesoál saúde sira iha CHC sira atu bele atinji objetivu projetu
• Halo data entry/hatama dadus kona-bá referál sira
• Uza mekanizmu teknolojia/app atu halo asesmentu kona-bá pasiente
• Kontribui ba relatóriu atividade no análize atinjimentu
• Partisipa iha enkontru sira wainhira presiza

 

Kualifikasaun Edukasaun

• Lisensiatura Saúde Públiku 

 

Esperiênsia no Kritéria Seluk

• Esperiénsia iha setór saúde, dezenvolvimentu komunitária, promosaun saúde
• Abilidade komprovadu ba dezenvolve no mantén relasaun ho autoridade no ofisiál sira
• Exelente iha abilidade komunikasaun, koordenasaun no halo ligasaun, ho pasiente, ho pesoál saúde sira no mos ho parseiru ka parte relevante seluk
• Iha koñesimentu di’ak kona-bá tulberkulozu iha Timor-Leste
• Esperiénsia servisu besik-liu ho Ministériu Saúde, vantajen forte ida
• Esperiénsia servisu iha ONG ka organizasaun baze komunidade, sai vantajen ida

-----------------------------------------------------

6.      Pozisaun: Motorista ho Lojístika

Motorista tenke iha SIM C1, para atu bele lori kareta boot iha Dili laran. Kondutór sei sai membru ekipa Lojístika HAMNASA nian, no sei servisu kona-bá motorista no apoia servisu lojístika nian. 

 

Responsabilidade sira

• Kaer kareta boot hale’u sentru saúde haat iha Dili laran, tuir diresaun husi Supervizór
• Kuidadu ho sasán teknolojia ne’ebé monta ona iha kareta laran
• Asegura katak kareta iha kondisaun ne’ebé moos iha kualkér tempu
• Asegura katak konbustivel ba viaturas sira (enxe iha kareta nomos rezerva) sufisiente antes halo viajen lorloron
• Mantén log kilometrazen no halo kalkulasaun kilometrazen, oras servisu lor-loron
• Suporta pesoál programa organiza ekipamentu ne’ebé presiza atu lori
• Suporta pesoál programa wainhira nia hala’o ninia servisu
• Asegura supply ba kareta nian hanesan lampada, pilha rezervada ba lampada, papél hiziéniku, kabu ba bateria nian, karegadór mobile multiplu, log book kilometrazen, xave nebe presiza ba kareta nian no seluk- seluk tan – kompleta antes halo viajen lorloron
• Informa ba supervizór wainhira too ona loron halo manutensaun rutinas
• Suporta servisu lojístiku, administrasaun no progama seluk tuir diresaun husi supervizór

Kondutór sei responsabiliza iha kualkér tempu ba iha seguransa pasajeirus nian, veiúklu (kareta), no propriedade seluk tan ne’ebé rai iha kareta laran wainhira servisu.

 

Kualifikasaun, Esperiênsia no Kritéria Seluk

• Sertifikadu remata SMA
• Esperiensia mínimu tinan tolu servisu hanesan motorista lori kareta boot
• Iha koñesimentu ne’ebé adekuadu kona ba instrumentu teknolojia sia
• Abilidade atu apoia iha servisu lojístika
• Exelente iha abilidade komunikasaun, koordenasaun no halo ligasaun
• Abilidade servisu iha ekipa no individuál
• Organizadu no fokus
• SIM C1