Pesoál Halibur Dadus (Data Collector) - Hamutuk Nasaun Saudável (HAMNASA)

Hamutuk Nasaun Saudável (HAMNASA)

Antes ne’e Health Alliance International Timor-Leste

 

Pozisaun: Pesoál Halibur Dadus (Data Collector)

Relata ba: Diretóra Ezekutivu

Fatin: 14 Munisípiu inklui RAEOA

 

Hamutuk Nasaun Saudável (HAMNASA) hanesan organizasaun naun-govermental nasionál ne'ebé servisu hamutuk Ministériu Saúde Timor-Leste hodi implementa programa sira ne'ebé fó apoiu no hametin servisu saúde nian. HAMNASA nia programa no objetivu mak atu hadi'a saúde no hamenus mortalidade no morbilidade ba inan sira no sira-nia oan iha Timor-Leste, hodi kontribui ba objetivu saúde nasionál. HAMNASA apoia atividade oin-oin iha munisípiu hotu-hotu, inklui RAEOA.

Agora daudaun HAMNASA liu husi atividade USAID Harmonia: Komunidade Hapara Violensia Bazeia ba Jeneru, dezenvolve hela hanoin atu kria mapamentu servisu iha area jenéru iha Timor-Leste. Objetivu husi inisiativa ida nee maka hanesan:

• Hodi hatene programa governu, NGO, INGO, CBO, organizasaun multilateral nsst ne’ebé servisu hapara VBJ iha Timor-Leste iha tempu agora daudaun ne’e
• Halo komparasaun husi intervensaun bazea ba PAN 2017-2021 husi pilar Prevensaun, Pilar Servisu ba Sobrevivensia sira no Pilar Asesu ba Justisa

Ho razaun ida nee, HAMNASA presiza Pesoál Halibur Dadus nain ida (1) hodi servisu durante fulan rua (2) hodi halibur informasaun husi governu no parseiru sira hotu ne’ebé servisu iha area hapara VBJ iha Timor Leste.

 

Responsabilidade

• Hamutuk ho PPM hodi dezenvolve no finaliza questioner no kria sistema oinsá rai dadus ka informasaun sira
• Halo ezamina ba questioner ne’ebé finalize ona no identifika dezafiu balun hodi informasaun bele sai forte liu tan
• Identifika parseiru governu, INGO, NGO no CBO sira ne’ebé servisu ba hapara VBJ iha Timor-Leste
• Halo koordenasaun ba parseiru sira ne’ebé identifika one hodi marka loron hodi hasoru malu no halibur informasaun
• Halo entrevista ho parseiru sira hotu bazeia ba formatu questioner ne’ebé prepara ona
• Hakerek ka entry informasaun sira iha lian Tetun (INL) bazeia ba sistema rai informasaun ne’ebé prepara tiha ona
• Halo viajen ba munisípiu hodi halibur informasaun sira ne’ebé relevante no kualidade

 

Kualifikasaun Edukasaun

• Lisensiatura iha área ida ne’ebé relevante, hanesan Statistiku, Dezenvolvimentu Komunitáriu, Saúde Publiku ka area Jenéru

 

Esperiênsia no Kritéria Seluk

• Antes ne’e iha esperiénsia servisu hanesan enumerador ka peskizadór
• Exelente iha abilidade komunikasaun, koordenasaun no halo ligasaun ho membru komunidade no autoridade saúde
• Exelente iha abilidade uza teknolojia hanesan komputadór, tablet
• Iha abilidade no prontidaun atu servisu makas iha tempu badak, atu bele atinji tarjetu peskiza
• Prontu atende orientasaun antes no debrief depois de foti dadus, no mos debrief kada loron
• Esperiénsia servisu iha ONG ka organizasaun baze komunidade, sai vantajen ida
• Organizadu, pontual, akuradu, iha abilidade atu maneja prioridade, abilidade hasoru tempu determinadu/deadline, no jere tempu ho efetivu 
  
• Abilidade servisu mesak no mós iha ekipa
• Prontu servisu iha área remotas
• Prontu tuir politika, prosedimentu no regulamentu HAMNASA nian ne’ebé existe ona
• Hatene ona ka prontu aprende hakerek Tetun INL
• Hatene lian Ingles ko’alia no hakerek sai vantajen ida

 

Termu no Kondisaun

• Saláriu: $400 kada fulan
• Kontratu periodu badak (fulan rua), la iha benefísiu seluk
• Pozisaun ne’e loke ba Timor oan de’it
• Hetan vasina COVID-19 kompletu inklui doze 3 (Booster) hanesan rekerimentu ida ba pozisaun ne’e.

 

Husu ba aplikante sira hotu atu inklui iha aplikasaun ba servisu ida ne’e: CV, cover letter, foto husi kartaun vasina.

Aplikasaun ne’ebé la inklui foto vasina kompletu inklui doze 3 (Booster) sei la tama iha shortlist.

 

Hatama CV no karta aplikasaun diriji tuir kritéria ba Manuel Soares, manuel.soares@hamnasa.org até fin do dia Sesta, 22 Jullu 2022