Vaga Servisu Kolektór Dadus/Enumeradór (Pozisaun 36) - CARE International iha Timor-Leste – CITL

ANUNSIU VAGA

 Kolektór Dadus/Enumeradór (Pozisaun 36)

 

Titulu pozisaun	Kolektór Dadus/Enumeradór (Pozisaun 36)
Lokalizasaun	Munisípiu Aileu, Ainaro, Baucau, Bobonaro, Covalima, Ermera, Liquica, Manatuto,       Manufahi, no RAEOA (Oecusse)
Relata ba	Ekipa no Jerente MEL
Grau	2 step 3 $19.32
Data komesa/durasaun	Janeiru-Marsu 2023 (loron serbisu ± 37: treinamentu loron ± 7, no koleksaun dadus ± loron 30)
Loron ikus ba aplikasaun	6 Dezembru 2022
Prosesu aplikasaun	Haruka CV no karta aplikasaun liu husi email ba teresa.Barros@careint.org KA submete iha departementu Rekursu Umanu iha CARE nia eskritóriu iha Bairo Pite, Dili.

 

1.  Konaba knaar

Kolektór dadus nia responsibalidade sira mak hanesan tuirmai:

• Partisipa ho átivu iha treinamentu no enkontru hotu-hotu tuir oras
• Estuda no komprende didi’ak instrumentu koleksaun dadus ne’ebé mak sira sei uza (hanesan tablet, gravadór no kestionáriu sira) durante treinamentu
• Kompriende didi’ak regras no prosedimentu CARE nian kona-ba peskiza/estudu
• Partisipa iha atividade pilotu no tenke pasa teste no atinje rezultadu ne’ebé di’ak/satisfáz
• Hala’o vizita ba eskola/estudante sira bazeia ba oráriu ne’ebé mak determina ona ba kada eskola tuir diresaun no prosedimentu estudu CARE nian
• Uza formuláriu ne’ebé maka loos hodi kolekta dadus bazeia ba instrusaun hotu
• Tenke kolekta informasaun ho detalladu inklui estudante sira nia naran, abilidade literasia, prezensa/absensia, hahalok no seluk tan, no hatama dadus ho loloos iha tablet, molok husik hela eskola ida ba eskola seluk loron-loron.
• Tenke iha atensaun di’ak hodi kolekta dadus ho akuradu, kompletu no prienxe ho loloos.
• Kontrola no rai didiak formuláriu sira ne’ebé maka kompleta ona, no entrega ba xefe-da-ekipa koleksaun dadus bainhira remata ona vizita ba eskola
• Revee hamutuk pergunta no resposta sira ho xefe-da-ekipa molok manda dadus ba server ONA ka edifisiu CARE
• Tenke halo tuir regras/étika kona-ba koleksaun dadus no mantein konfidensialidade
• Tenke banati tuir CARE nia kódigu konduta no politíka protesaun ba labarik
• Ajuda xefe-da-ekipa fasilita diskusaun iha grupu ka FGD (Focus Group Discussion) ho membru komunidade ka inan-aman sira iha lian lokál no ajuda halo tradusaun ba Tetum bainhira presiza
• Asiste xefe-da-ekipa halo transkrisaun ba gravasaun husi diskusaun grupu ka FGD
• Asiste xefe-da-ekipa hodi prepara, organiza no rai dokumentus ka dadus hotu ho maneira ne’ebé seguru
• Fó konsellu ba xefe-da-ekipa atu hatán no responde ba problema, kestaun, isu, ka perguntas sira

 

Atu hatene liu tan konaba pozisaun ida ne’e, bele haree informasaun detalladu iha link ne’e: https://drive.google.com/file/d/1z1RSn7AA6eS2bQFowRawipg_Y0O2Dn_R/view

2.  Rekezitu nesesariu

Kritériu ba kualifikasaun:

• Mínimu tenke remata eskola sekundária (SMA) no iha ona esperiénsia iha área koleksaun dadus ka peskiza
• Iha kompriensaun no esperiénsia báziku kona-ba peskiza liu-liu iha konteksu eskola nian
• Iha abilidade atu ko’alia ho di’ak lian Tetum nomós lian lokál ida (1): baikenu, mambae, kemak, bunak, tokodede, galolen ka tetum-terik 
• Bele hakerek nota ka dokumenta entrevista (hakerek)
• Bele esplika peskiza nia objetivu ba respondente
• Tenke iha abilidade atu anima alunu ka labarik sira durante peskiza
• Bele no iha vontade boot atu servisu iha área remota/rurál no komfortavel atu la’o ain kuandu difisil atu asesu ho transporte iha tempu udan
• Bele no prontu atu hela iha komunidade nia uma durante halo peskiza
• Iha abilidade atu estabelese relasaun diak ho ema seluk inklui alunu, inan-aman, mestre/a no líder komunidade sira
• Iha fleksibilidade atu serbisu durante fin-de-semana kuandu nesesáriu

 

Sei fó preferénsia ba kandidatu ne’ebé mak:

• Iha ona esperiénsia halo avaliasaun literasia ho labarik sira
• Iha ona esperiénsia halo fasilitasaun grupu diskusaun sira ka FGD
• Lian primeiru (maternu) mak baikenu, mambae, kemak, bunak, tokodede, galolen ka tetun-terik no ko’alia ho di’ak

 

3.  Oinsá atu aplika

Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba Teresa.barros@careint.org  ka ba submete iha Rekursu Umanu iha CARE Timor-Leste nia eskritóriu iha Bairo Pite, Dili.

Nota

• Pozisaun ida ne’e ba kandidatu eksternal no internal sira
• Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu
• CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika
• CARE iha komprimisiu bo’ot atu proteje direitu labarik nian iha area hotu ne’ebé ami servisu ba. CARE iha Timor-Leste rezerva direitu atu hala’o prosedimentu atu asegura katak fatin servisu seguru ba labarik