ANUNSIU VAGA
Treinadór Jestaun Eskola no Literasia
|
Titulu pozisaun |
Treinadór Jestaun Eskola no Literasia |
|
Lokalizasaun |
Dili , Ermera no Oe-cusse |
|
Relata ba |
Jestór Programa Literasia |
|
Grau |
5/1 |
|
Salariu |
$779 kada fulan |
|
Tipu pozisaun |
Tinan 1 |
|
Data komesa/durasaun |
Maio 2023 |
|
Loron ikus ba aplikasaun |
21 Abril 2023 |
|
Prosesu aplikasaun |
Haruka CV no karta aplikasaun liu husi email ba Estefania.guterres@careint.org KA submete iha departamentu Rekursu Umanu iha CARE nia eskritóriu iha Bairo Pite, Dili. |
1. Konaba Knaar
OBJETIVU POSISAUN NE’E:
School Management and Literacy Trainer (SMLT) ka Treinadór Jestaun Eskola no Literasia (TJEL) responsavel atu serbisu hamutuk ho Jestor Programa Literasia, Jestor Programa Edukasaun no Vice-Diretór HATUTAN, Vise de Grupu no Konselleiru CUSA hodi dezena no fó treinamentu, apoiu kontinuasaun akonsolamentu (mentoria) ba Ekipa Edukasaun Programa HATUTAN nian iha Kampo hodi implementa atividade Projeitu iha nivel eskola, hadia jestaun eskola no abilidade instrusaun literasia.
TJEL sei forteleza abilidade Ofisiál Edukasaun HATUTAN no asiste sira iha apoiu akonsolamentu ba Vise-Diretor Eskola ka Adjunto no manorin Klase 1-6 liu husi: Grupu Traballu Profesor; observasaun aula no komentáriu konstrutivu; halo sesaun ho Adjunto sira kada fulan tolu dala ida, atividade monitorizasaun Konjunto nivel munisipiu kada fulan 6 dala ida, pilotu atividade programa no formasaun badak no refresher kada fulan 6 dala ka tuir tempu termina ba Ofisiál Ekipa Edukasaun sira, asiste manorin atu identifika issu hamutuk ho alunu sira no prepara aula reforsu; asisti Eskola Primária sira atu dezenvolve no implementa atividade estra-kurrikulár foku lee. Pozisaun ida-ne’e sei serbisu besik liu ho Ofisiál Senior Edukasaun no Ofisiál Edukasaun Programa HATUTAN, no Pesoál Eskola sira hodi fahe esperiensia no lisaun aprende ba malu hamutuk ho ekipa iha kampo.
TJEL mos rekere atu estabelese serbisu hamutuk ho Pesoál Edukasaun Munisipiu, Pesoál INFRODEPE Nivel Munisipiu, autoridade lokál. AIAP,Grupu Hadomi Lee, inan-aman no parseiru sira seluk.
Pozisaun ida-ne’e baze iha Dili (1) Ermera (1) no Oe-cusse (1) ho deslokasaun nesesária ba kampo no aplika hela komunidade, Eskritóriu Serbisu seluk, eskola sira no Dili. Pozisaun ida-ne’e mós presiza abilidade hakerek relatóriu no analiza.
RESPONSABILIDADE PRINSIPAL:
Planu, dezenvolve material no abilidade fasilita formasaun sira. Koordena ho Jestor Programa Literasia (LPM) no Jestor Programa Edukasaun (EPM) hodi dezena no realiza treinamentu ba Ofisiál no Senior Programa Edukasaun iha Jestaun Eskola no dezenvolvimentu abilidade literasia.
Utiliza prinsipiu de aprendizajen apropriadu no metodolojia treinamentu ne’ebé inklui komponente sira hodi prepara ekipa kampo no Vice-Diretór eskola sentral sira hodi asiste, akonsela no orienta manorin sira:
- National no internationalmente halo peskiza ba gia no rekursu sira hodi dezenvolve no adapta material treinamentu jestaun eskolár no literasia ne’ebé alina ho Kurikullu Eskola Timor-Leste nian;
- Revee material treinamentu periodikamente no kontinua hadia no hariku material sira regular; implementasaun, formasaun no aplikasaun ba aprendizajen tuir presiza;
- Fó apoiu esensiál no gia ba Ofisiál Edukasaun kampo no akonselamentu ba Jestor Eskola no manorin sira relasiona ho pratika di’ak jestaun eskola no pratika hanorin inklui efetividade fó instrusaun literasia iha aula;
- Revee material formasaun no serbisu besik liu ho LPM iha pajina Revista lafaek nian;
- Gia Ofisiál Edukasaun kampo hodi asegura aplika abilidade nesesária sira no adopta metódu sira durante treinamentu. Identifika nesesidade individual Ofisiál Kampo no asegura pesoál ida-idak hetan formasaun no akonselamentu tuir tempu no tarjetu:
- Planu no halo vizita monitorizasaun relevante ba eskola sira HATUTAN nian hamutuk ho Ofisiál Edukasaun kampo no Vise-Diretór eskola sentral hodi garantia dezempeñu manorin no asegura instrusaun literasia ne’ebé adekuadu iha adoptasaun kurikullu, transfere formasaun ho kualidade di’ak no halo pratika akonsellamentu ba manorin sira;
- Planu no organiza oráriu vizita akonsellamentu kada fulan 6 hamutuk ho Pesoál Serbisu MEJD nivel Munisipiu no regional, realiza sesaun fahe informasaun ho Vise-Diretór Eskola Sentrál iha Munisipiu 4 ka rejiaun ka halo vizita transversal ka cross cutting visit ho autoridade sira, AIAP no lider eskola sira kada fulan 6 entre eskola sira ne’ebé Jestor Programa Kampo ka Field Program Manager (FPM), LPM, EPM no Ofisiál Senior Edukasaun;
- Planu no fasilita formasaun badak, orientasaun, refresher no reflesaun ba Ofisiál Edukasaun kampo sira ho kolaborasaun ho LPM, EPM no FPM;
- Asiste Ofisiál Edukasaun kampo no Vise-Diretór Eskola Sentrál atu akonsella no apoiu manorin Klase 1-4 liu husi Grupu Traballu Profesor no akonsellamentu ida-ho-ida iha:
- Kria oráriu lisaun literasia, halo planu no implementa
- Dezenvolve material apoiu uza rekursu lokál ka resiklajen ne’ebé bele asesu
- Uza aprosimasaun aprendizajen partisipatóriu no jogu sira hodi aplika komponente literasia Tetum iha kurikullu
- Halo avaliasaun formativu no analiza alunu sira nia serbisu hodi oferese apoiu ba individual relevante no aula-reforsu
- Implementa Programa Atividade estra-kurrikulár iha Sábadu, inklui jogu lee sira no tempu lee ho haksolok
- Jestaun eskola, inklui oinsá atu jere atividade lee iha klase boot, aprosimasaun disiplina pozitivu no pratika sira tuir lina hamutuk ho politika edukasaun inklusivu MEJD nian
- Kolabora ho Ofisiál Edukasaun kampo ho Jestor Eskola sira hodi asegura formasaun tomak no akonsollamentu ba manorin tuir gia husi MEJD.
- Suporta ekipa edukasaun tomak atu:
- dezenvolve planu lisaun suplementar no video badak ho ezemplu kona-ba pratika di’ak hanorin literasia hodi suporta manorin sira atu implementa lolos lisaun lee nian iha kurikullu ka iha lisaun lee aula-reforsu nian;
- dezenvolve gia kona-ba lee-foku atividade estra-kurrikulár no jogu sira;
- dezenvolve gia tuir etapa ba manorin sira hodi kreativu kria rasik material apoiu simples literasia iha aula ne’ebé foku liga alunu ho lian inan ho lian instrusaun;
- Asiste Ofisiál Edukasaun kampo atu aplika protokolu observasaun aula no komentáriu konstrutivu ba klase literasia, inklui akompaña Vise-Diretór Eskola Sentrál atu visita eskola filial sira, halo observasaun aula no fó akonsollamentu ba manorin tarjeitu;
- Asiste ekipa Ofisiál Edukasaun Kampo atu akompaña Jestor Eskola sira iha observa Programa Sábadu nian iha eskola sira hotu no fó akonsollamentu ba manorin tarjeitu;
- Apoiu LPM atu halo formasaun refresher hamutuk ho Vise-Diretór sira, komunika dezafiu sira ne’ebe mosu iha eskola hamutuk ho manorin sira liu akonsollamentu kona-ba hasae abilidade instrusaun literasia no pedalojia foku sentru apredizajen alunu;
- Kolabora ho INFORDEPE hodi asegura formasaun ba manorin no akonsollamentu sira la’o tuir matadalan MEJD nian;
Relatóriu no tarefa serbisu seluk:
- Oferese relatóriu formasaun, analiza data no asegura lista partisipante sira kompleta tuir kada formasaun ka kada fasilitasaun sesaun Grupu Traballu Profesor;
- Partisipa iha enkontru senior nian kada semana no ekipa edukasaun ho ekipa kampo sira seluk kada fulan ka enkontru seluk ho parseiru;
- Proativu iha identifika risku husi ‘fraude’ husi parte staff, parseiru ka benefisiariu sira no apoiu ‘spot-checks no investigasaun sira bainhira presiza;
- Halo serbisu seluk ne’ebé karik fo husi supervisor.
Responsabilidade seluk:
- Proativamente jere no partisipa iha prosesu avalisaun pesoal (APPA) inklui avaliasaun anuál, revizaun semestral no reuniaun regular 1:1, asegura prosesu APPA (inklui dokumentu) hanesan komponente integradu ida husi Planu Traballu Anuál no atividade nian;
- Involve iha preparasaun emerjénsia ruma, asiste iha kualker responde emerjensia bainhira presiza;
- Promove ambiente serbisu ne’ebé seguru no protejidu; reforsa kultura konsiensia seguransa no protesaun no halo tuir konsistentimente politika no prosedimentu e diretiva protesaun seguransa CARE nian; no
- Demostra kontinuasaun husi komitmentu atu promove igualidade jeneru, diversidade no protesaun labarik.
Ba
informasaun detalladu konaba pozisaun ida ne’e, vizita link ida ne’e: https://drive.google.com/file/
2. Kriteria selesaun
Esperiênsia no Kualifikasaun:
- Mínimu baxeleratu ka lisensiatura iha area edukasaun ka formasaun manorin foku siklu 1 hanesan preferensia no iha esperiensia relevante tinan 3 to’o 4 ka liu;
- Mínimu Sertifikadu III no IV iha Formasaun no Evaluasaun hanesan preferensia;
- Pelumenus tinan 3 to’o 4 esperiensia profesional iha kapasitasaun, dezeña no fasilita formasaun; dezenvolve matéria formasaun, halo avaliasaun no analiza nesesidade formasaun, lee no benefisiáriu; esperiensia iha halo akonsollamentu ba Jestor Eskola relasiona ho formasaun ba manorin no literasia ne’ebé presiza;
- Exelente iha komprensaun metodolojia partisipatóriu hodi mobiliza komunidade no forte iha abilidade fasilitasaun nian;
- Hatudu hahalok pozitivu no paisaun atu ajuda alunu sira dezenvolve hahalok hadomi lee;
- Iha abilidade atu inspira no motiva ema seluk;
- Iha Abilidadatu hakerek no analiza dadus no relatóriu formasaun sira;
- Iha abilidade atu halo planu, dezenvolve no revee matéria formasaun sira, fasilita treinamentu no monitoriza atividade relevante no fó komentáriu konstrutivu bainhira presiza;
- Iha abilidade atu serbisu hamutuk ho ekipa no bele serbisu mesak;
- Iha abilidade komunikasaun interpersonal forte, sensitivu ho kultura serbisu no jeneru;
- Iha abilidade atu fó akonsollamentu ba pesoál serbisu sira iha kampo;
- Iha komitmentu atu foti inisiativu ka aksaun hodi responde lalais ba eskola no issu husi ekipa kampo;
- Iha abilidade forte iha planu no jestaun
- Iha abilidade halo ligasaun ho Pesoál Edukasaun Munisipiu no MEJD Nasiona mós ho parseiru sira seluk;
- Iha abilidade atu dezenvolve relasaun di’ak ho kolega serbisu no pesoál eskola sira;
- Iha abilidade hakerek no ko’alia di’ak iha lian Tetum;
- Prontu uza matadalan ortografia Tetum iha dezenvolve material no formasaun sira;
- Iha abilidade komunikasaun di’ak iha lian Ingles ka Portuges hanesan vantajen ida;
- Iha abilidade atu komprende, kompila no halo tuir padraun politika, kondigu konduta no prosedimentu relevante CARE International iha Timor-Leste,
- Iha hakarak atu aprende kona-ba igualidade jeneru no atividade kakbiit Feto sira-nia Ekonómia iha CARE;
- Di’ak iha abilidade komputador iha plataforma Google, Microsoft Word, Power Point, Excel no Publisher hanesan vantajen ida.
3. Oinsá atu aplika
Kandidatu sira ne’ebé mak interese atu aplika presiza haruka CV (la barak liu tahan haat) no karta aplikasaun liu husi email ba Estefania.guterres@careint.org ka ba submete iha Rekursu Umanu iha CARE nia eskritóriu iha Bairo Pite, Dili.
Nota
*Atu fó agradese ba ita nia komprimisiu tomak, aplikante ne’ebé susesu sei hetan benefisiu atu dezenvolve kareira profesional liu husi servisu iha fatin ne’ebé inovativu no hanoin ba oin, no mós pakote benefisiu ne’ebé komprensivu
*CARE respeitu oportunidade igual no iha komprimisiu bo’ot atu kria espasu servisu ne’ebé nakonu ho diversidade. CARE enkoraja feto sira atu aplika
*CARE iha komprimisiu bo’ot atu proteje direitu labarik nian iha area hotu ne’ebé ami servisu ba. CARE rezerva direitu atu hala’o prosedimentu atu asegura katak fatin servisu seguru ba labarik
*Só kandidatu
sira ne’ebé susesu deit ba faze seguinte mak sei hetan kontaktu ba intervista
.png)
.png)
.png)
0 Comments