Vaga Servisu - Koordenador Sekretariadu REBAS-TL (Rede ba Saude Timor Leste) - FONGTIL

Agora dadaun FONGTIL buka ema nain ida (1) feto no mane, atu servisu ho pozisaun hanesan : Koordenador Sekretariadu REBAS-TL (Rede ba Saude Timor Leste), Servisu ne’e ho tipu Kontratu Determinadu ho durasaun tempu fulan 3 (Setembru – Novembru 2023) no FONGTIL sei hanaruk kontratu to’o Maiu 2024 tuir rezultadu avaliasaun ba prestasaun servisu. Pozisaun ne’e ninia servisu fatin iha Dili no posibilidade sei halao viagem ba Munisipiu tuir nesesidade programa, ho kapasidade full time ho durasaun oras servisu 40 oras/semana.

 

I. Knar no Responsabilidade

1. Fasilita Treinamentu manajementu Siklu projetu
2. Regularidade fahe ideia estratejia ba servisu mandatu FONGTIL nian
3. Formasaun ba membru REBAS-TL: Jestaun Projetu, peskiza, TOT, Dezenvolve tool M&E no jestaun relatóriu ba pesoa xave sira husi membru REBAS-TL no sekretáriadu FONGTIL
4. Halo koordenasaun hodi Fasilita TOT konaba Siklu Advokasia
5. Akompanamentu no Monitorizasaun ba membru REBAS-TL nia atividade advokasia
6. Konduta monitorizasaun ba implementasaun polítika nasionál saúde husi Membru ReBAS-TL
7. Halo kordenasaun ho ofisial programa hodi Fasilita enkontru Nivel Munisipal no Nasional ba setor Saude nian
8. Halo koordenasaun ho Diresaun servisu Saude sira iha kada Munisipiu
9. Buka no elabora deskobrementu sira ba problema no issue nasional iha setor Saude hodi aprezenta ba Ministeriu Saude no Parlamentu Nasional
10. Organiza regularmente enkontru ho Ministeriu Saude
11. Halo kordenasaun ho ministeriu saude hodi selebra loron importante ba saude
12. Responsabiliza hakerek Relatoriu Narativu Mensal, Trimestral no Anual
13. Halo koordenasaun ho ekipa programa ba ezekutasaun programa REBAS-TL
14. Halo monitorizasaun no Superviziona ba implementasaun programa REBAS-TL

 

II. Espesifikasaun ba Pozisaun ne’e maka :

1. Lisensiatura iha area Saude Publika, Dezemvolvimentu politika no peskiza
2. Esperiensia servisu relasaun ho area refere minimu tinan 2
3. Iha konesimentu klean konaba Manejamentu siklu projetu
4. Skill utilizasaun Microsoft (Exel, Power Point no Word)
5. Abilidade fasilita treinamentu
6. Iha konesimentu nebe klean konaba Hakerek pareser no submisaun ba Governu
7. Konesimentu klean dezemvolve Tols Monitorizasaun no Avaliasaun
8. Abilidade hakerek relatoriu ho Lian Inglés
9. Komunikasaun nebe diak ho ekipa servisu sira
10. Honestidade no responsabilidade diak ba servisu sira
11. Fluente iha lian Ingles

 

Loron ikus submete Dokumentus ne’e maka : Sesta Feira, 25 Agostu 2023, Horas 17.30 OTL ba Sekretariadu FONGTIL iha Rua Mercado Municipal, Caicoli Dili hahu bele mos manda liu husi E-mail : aliciafongtil@gmail.com   

Karik interese ba Vaga ne’e Favor Submete Dokumentus sira hanesan Tuir mai nee:

1. Hakerek no hatama Karta Aplikasaun no Kurikulum Vitae ho detalhu, kualifikasaun, esperensia servisu no mos abilidade relevante ba posizaun ne’e iha lian Ingles bele mos ho Tetun, no dirije ba Diretor Ezekutivu FONGTIL
2. Sertifikadu/Diploma Universitariu bele mos Karta Deklarasaun husi Fakuldade ba Finalista Universidade sira
3. Karta referensia husi organizasaun ka institisaun nebe antes nee servisu/voluntariu
4. Bom komportamentu (sei la konsidera aplikantes ne’ebe halo ona krime ka kazu ruma viola direitus humanus/ no violensia kontra feto no labarik feto).
5. Bele Aneksu mos Sertifikadu Relevantes sira
6. Sekretariadu FONGTIL sei la konsidera karta aplikasaun no CV ne’ebe la asina husi Aplikantes
7. Sekretariadu FONGTIL sei kontaktu deit ba kandidatu sira ne’ebe liu iha seleksaun dokumentus.
8. Sekretariadu FONGTIL sei la fo fali ita bo’ot sira nia dokumentus karik la liu prosesu selesaun dokumentus no teste nian.
9. Vaga ne’e enkoraja ba maluk feto sira ne’ebe interese atu aplika.

 

Presija informasaun detalhu halo kontaktu direta ba responsavel vaga: Sra. Alicia Rodrigues Araujo No. Telefone : +670 78074743 (kontaktu deit iha Horas servisu)