Vaga Servisu - Community Engagement Officer (4 Positions) - Hamutuk Nasaun Saudável (HAMNASA)

 

VAGA SERBISU 

Hamutuk Nasaun Saudável - HAMNASA 

Antes ne’e Health Alliance International Timor-Leste 

 

 

Pozisaun: Community Engagement Officer (Pozisaun ha’at) 

Relata ba: Jerente Atividade Hamoris 

Fatin: Edifísiu Dili no viajen ba munisípiu 

 

Kona-ba HAMNASA 

Hamutuk Nasaun Saudável (HAMNASA) mak organizasaun nasionál naun-governamental ida. HAMNASA (iha tempu uluk HAI) servisu nafatin no besik ho Ministeriu Saúde (MS) iha Timor-Leste dezde nasaun ne'e nia independénsia iha 2002, hametin sistema saúde nasionál, liuliu iha área inan isin rua no bebe foin moris. HAMNASA nia misaun mak atu promove komunidade sira ne'ebé saudável iha Timor-Leste liu husi programa sira ne'ebé hametin setór públiku kuidadu saúde primária, envolve komunidade sira atu hala'o papél ativu iha sira-nia saúde, no promove igualdade sosiál no saúde. 

 

Rezumu Serbisu 

HAMNASA buka hela ema Timor-oan ba pozisaun Community Engagement Officer, hodi serbisu iha USAID nia Atividade Hakotu Barera, Harii Moris Diak: Resposta Integradu Violénsia Bazeia ba Jéneru (VBJ) iha Timor Leste (ho naran badak “Harmoris”). Serbisu foka liu ba hapara VBJ iha Timor-Leste. Pozisaun nee baze iha Dili ho viajen ba munisípiu. Atividade Hamoris halo serbisu iha komunidade no area klínikal ba munisípiu haat hanesan Ermera, Liquica, Covalima no Bobonaro, hodi eleva sensibilizasaun no koñesimentu entre membru komunidade sira no sintividade, abilidade no konfidénte husi pesoál saúde sira iha suporta pasiente ho kazu violénsia bazeia ba jéneru.  

Community Engagement Officer nu’udar individu ida ne’ebé motivadu no dinámiku tebes ba projetu foun ida ne’ebé foka ba hapara violénsia bazeia ba jéneru iha Timor Leste. Atividade Hamoris sei servisu iha komunidade Timor Leste atu integra iha komunidade entre jerasaun ne’ebé inkluzivu hodi hasoru problema ne’ebé relasiona ho violénsia bazeia ba jéneru iha sira nia komunidade. Community Engagement Officer sei fo apoiu ba Jerente Atividade Hamoris no funsionáriu Hamoris sira seluk iha koordenasaun no implementasaun atividade bazeia ba komunidade. Community Engagement Officer sei responsavel ba estabelesimentu relasaun serbisu no mantén konfiansa ho autoridade lokál hodi asegura susesu iha implementasaun planu atividade. Papél nee sei halo viajen beibeik ba Munisipiu Ermera, Liquica, Covalima no Bobonaro. 

 

Responsabilidade       

Implementasaun Atividade  

 

• Asiste no suporta Jerente Atividade Hamoris ba koordenasaun no implementasaun atividade komunidade hotu-hotu relasiona ho Atividade Hamoris 
• Asiste no apoiu dezenvolvimentu planu serbisu anuál ba atividade Hamoris  
• Apoiu rutina no regular halibur dadus atividade Hamoris no partisipa hodi halo baseline no endline iha komunidade 
• Envolve ho xefe suku sira no lider komunitária sira seluk ne’ebé relevante iha munisipiu atu asegura katak sira hetan informasaun kona ba planu serbisu ba atividade Hamoris 
• Asiste jerente aktividade hodi fasilita sesaun mikroplanu komunitária ne’ebé foka liu ba violénsia bazeia ba jéneru entre grupu lider komunitária sira ne’ebe hili ona no tulun dezenvolve no implementa planu asaun komunitariu relevante sira. 
• Koordenasaun ba implementasaun sesaun informasaun no aprendizajen iha komunidade alvu sira liuliu sentru saúde no postu saúde sira. 
• Apoiu serbisu Livelihoods no Market Systems Officer iha formasaun ba benefisiariu sira iha munisipiu 

Suporta Tékniku 

• Fornese asisténsia téknika bainhira husu hetan pedidu husi Ministériu Saúde, INSP-TL, Sekretáriu Estadu Igualdade (SEI) no Ministériu Solidariedade Sosiál no Inkluzaun (MSSI) no ajénsia apropriadu sira seluk ba Atividade Hamoris  
• Partisipa iha grupu asesoria téknika relevante ho parseiru/parte interesada sira 
• Asegura kompeténsia téknika ba pesoál programa sira tuir nesesidade liu husi oportunidade formasaun ne’ebé disponivel  
• Serbisu ho Espesialista Jéneru atu asegura serbisu tékniku sira 

Relatóriu 

• Fornese relatóriu atividade sira tantu relatóriu finanseiru no relatóriu narativu ba jerente no arkivu iha sistema iha server HAMNASA nian  
• Asiste Jerente Atividade Hamoris atu prepara relatóriu programa trimestral ba doadores no parte interesadu sira tuir nesesidade  
• Asiste no suporta aprezentasaun no feedback ba munisipiu alvu tuir nesesidade  

Knaar sira seluk 

• Halo knar sira seluk tuir pedidu husi Jerente Atividade Hamoris atu suporta ekipa  
• Partisipa iha reuniaun esterna sira ne’ebé relevante tuir presiza 
• Promove ambiente serbisu ida ne’ebé seguru, promove kultura ida kona ba seguransa no halo tuir polítika, prosedúr no diretiva sira hotu-hotu husi HAMNASA 
• Hatudu no promove HAMNASA nia kometimentu ba protesaun labarik, tráfiku umanu, asediu sexual no kódigu konduta 
• Toleránsia Zero ba fraud 

 

Kualifikasaun sira 

• Lisensiatura iha siénsia sosiál ka iha area relevante seluk 
• Esperiénsia serbisu mínimu tinan tolu iha area violénsia bazeia ba jéneru no/ka envolvimentu komunidade 
• Koalia lian lokál ida hanesan Mambae, Kemak, Bunaq no Tokodede hanesan valor adisionál ida  
• Abilidade interpesoal, komunikasaun no aprezentasaun 
• Komitmentu ba igualdade jéneru no empoderamentu feto  
• Abilidade hakerek relatóriu ho di’ak iha lian Tetun   
• Prontu halo viajen sai husi Dili ba munisipiu regularmente  
• Profisiente iha programa Microsoft Office sira no utilizasaun internet  
• Abilidade atu kumpriende, kumpri no defende HAMNASA nia polítika no padraun prosedimentu relevante hotu-hotu  
• Sidadaun Timor-Leste 

Termu no Kondisaun Sira 

Pozisaun loke ba Timor-oan de’it 

Hetan vasina COVID-19 kompletu (doze 3) hanesan rekerimentu ida ba pozisaun ne’e 

Hatama CV no karta aplikasaun hatan ba rekerementu ba pozisaun ida nee, diriji ba Rekursu Umanu HAMNASA, info@hamnasa.org, até fin do dia 26 Janeiru 2024