Vaga Servisu - Kordenador Programa TB - Hamutuk Nasaun Saudável (HAMNASA)

VAGA SERBISU 

Hamutuk Nasaun Saudável - HAMNASA 

Antes ne’e Health Alliance International Timor-Leste 

 

Pozisaun: Kordenador Programa TB

Relata ba: Diretor Programa 

Fatin: Edifísiu HAMNASA, Dili  

 

Kona-ba HAMNASA 

Hamutuk Nasaun Saudável (HAMNASA) mak organizasaun nasionál naun-governamental ida. HAMNASA (iha tempu uluk HAI) servisu nafatin no besik ho Ministeriu Saúde (MS) iha Timor-Leste dezde nasaun ne'e nia independénsia iha 2002, hametin sistema saúde nasionál, liuliu iha área inan isin rua no bebe foin moris. HAMNASA nia misaun mak atu promove komunidade sira ne'ebé saudável iha Timor-Leste liu husi programa sira ne'ebé hametin setór públiku kuidadu saúde primária, envolve komunidade sira atu hala'o papél ativu iha sira-nia saúde, no promove igualdade sosiál no saúde. 

 

Rezume Servisu 

HAMNASA buka hela ema Timor oan ba Pozisaun Kordenador Programa hodi suporta ekipa TB iha implementasaun diagnotico Moras TB lius husi kareta Movel Van. Programa Diagnostico TB ne’e sei implementa iha Munisipiu Dili ho nia kuberture ba sentru saude lime mak hanesan SSK Becora, Comoro, Vera Cruz, Formosa no Metinaro. Pozisaun ida ne’e sei supervisiona direta husi Diretor Programa Hamutuk Nasaun Saudavel (HAMNASA). Kordenador programa mos sei servisu no halo kordenasaun besik liu kordenador TB munisipiu Dili no mos gestor programa TB national (NTP). Hanesan sub – recepient nebe’e selecionado mak sei hetan apoio tekniku husi konsultan organizasaun mundial saude (OMS) moras hadaet no suporta tekniku husi NTP, pontu fokal atu bele halo servisu nee diak liu tan hodi suporta aktividade hirak tuir mai ne’e; 

 

 Responsabilidade sira 

• Halo kordenasaun regularmente ho Servisu saude Munisipiu Dili, DTC entermos de imlementasaun program diagnostiku TB iha Munisipiu Dili 
• Atinji targetu nebe’e hasai ona husi Ministerio da Saude liu-liu numeru pasiente TB nebe’e mak persija deteta
• Kria ambitu servisu no relasaun servisu nebe’e mak positivu hamutuk iha ekipa servisu sira seluk liu-liu pesoal saude iha sentru saude 5 ne’e no servisu saude Munisipiu Dili 
• Supervision pontu focal sira iha sentru saude 5 nee atu implementa programa planu organizasaun nian 
• Organiza orariu no fatin ba Movel Van atu vizita halo movimentus iha sentru saude no komunidade. 
• Prepara logistiku no ekipamentu ba Mobile Van 
• Kordena ho NTP liga ona ekipamentu clinikal nian ho Ministriu da Saude no Fundo Global halo suportivo supervisaun ba ekpa pontu focal sira iha tereno 
• Garantia Movel Van servisu tuir nia orariu 
• Kordena ho autoridade local / Task force TB nia nivel suco ba diagnotiko moras TB 
• Mantein konfidensialidade no neutro iha kualker tempu. 
• Servisu iha ekipa nia laran hamutuk ho mediku, tekniku labarotium no radiologista 
• Iha relasaun servisu ho pesoal saude sentru saude, ekipa servisu saude munisipiu munisipiu no hospital referal. 
• Rekoinese valor sira nebe’e labele kontrola, foti asaun ida nebe’e mak los no notifika ema seluk kuando iha mundansa 

 

Relatóriu 

• Asegura relatóriu pasiente TB husi nivel postu saúde no sentru saúde no asegura relatóriu regular ba kada sentru saúde, SSM no nivel nasionál 
• Fornese relatóriu atividade sira tantu relatóriu finanseiru, relatóriu narativu no istoria susesu ba Official M&E atu produce relatoriu no arkivu iha sistema iha server HAMNASA nian  
• Asiste official M&E atu prepara relatóriu programa trimestral ba doadores no parte interesadu sira tuir nesesidade  
• Asiste no suporta aprezentasaun no feedback ba munisipiu tuir nesesidade 

 

Kna’ar sira seluk 

• Halo knar sira seluk tuir pedidu husi Diretor Exekutivo atu suporta ekipa  
• Partisipa iha reuniaun esterna sira ne’ebé relevante tuir presiza 
• Promove ambiente servisu ida ne’ebé seguru, promove kultura ida kona ba seguransa no halo tuir polítika, prosedúr no diretiva sira hotu-hotu husi HAMNASA 
• Hatudu no promove HAMNASA nia kometimentu ba protesaun labarik, tráfiku umanu, asediu sexual no kódigu konduta 
• Toleránsia Zero ba fraud 
  

 

Kualifikasaun sira

• Lisenciadu iha area saude (Minimu Diploma 3) 
• Timor oan, komprova ho BI ka Sertiduan Batismu (RDTL) 
• Experienca tinan 3 servisu hanesan saude publiku hanesan promosaun no  edukasaun saude 
• Pesoal nebe’e qualifikado ba pojisaun ida ne’e tenki apresenta certifikado estudo  
• Exelente iha abilidade komunikasaun, koordenasaun no halo ligasaun 
• Abilidade halo interaktivu no efektivu ho pesoal national no International 
• Abilidade halo multiplu servisu iha tempu nebee mak hanesan no mantein foku ba iha prioridade. 
• Abilidade servisu iha ekipa no indvidual 
• Organizadu no detailado 
• Exelente iha rede servisu negosiasaun hodi dezenvolve  relasaun servisu nebe’e diak ho Ministerio da Saude, OMS no stakeholder sira hotu. 
• Iha koinesmentu servisu iha multiplu lingua hanesan Tetum, Bahasa Indonesia, Portugues. 

 

Termu no Kondisaun Sira 

 

Pozisaun loke ba Timor-oan de’it 

Hetan vasina COVID-19 kompletu (doze 3) hanesan rekerimentu ida ba pozisaun ne’e 

Hatama CV no karta aplikasaun hatan ba rekerementu ba pozisaun ida nee, diriji ba Rekursu Umanu HAMNASA, info@hamnasa.org, até fin do dia 26 Janeiru 2024.