Vaga Servisu - Koordenador Rekursu Umanu (HR Coordinator) - Hamutuk Nasaun Saudável (HAMNASA)

Hamutuk Nasaun Saudável (HAMNASA) 

Antes ne’e Health Alliance International Timor-Leste 

 

Pozisaun: Koordenador Rekursu Umanu (HR Coordinator) 

Relata ba: Jerente Senior Administrasaun 

Fatin: Edifísiu HAMNASA, Dili 

Kona-ba HAMNASA 

Hamutuk Nasaun Saudável (HAMNASA) mak organizasaun nasionál naun-governamental ida. HAMNASA (iha tempu uluk HAI) servisu nafatin no besik ho Ministeriu Saúde (MS) iha Timor-Leste dezde nasaun ne'e nia independénsia iha 2002, hametin sistema saúde nasionál, liuliu iha área inan isin rua no bebe foin moris. HAMNASA nia misaun mak atu promove komunidade sira ne'ebé saudável iha Timor-Leste liu husi programa sira ne'ebé hametin setór públiku kuidadu saúde primária, envolve komunidade sira atu hala'o papél ativu iha sira-nia saúde, no promove igualdade sosiál no saúde. 

Rezume Servisu 

HAMNASA buka hela ema Timor-oan ba pozisaun Kordenador Rekursu Umanu (HR Coordinator), hodi servisu iha USAID nia aktividade Hakotu Bareira, Harii Moris Diak;Resposta Integradu Violensia Bazeia ba Jeneru (VBJ) iha Timor Leste. Pozisaun nee baze iha Dili ho viajem ba Munisipiu se necesariu deit. Koordenador Rekursu Umanu sei kordena servisu rekursu Umanu nian ba HAMNASA nia funsionariu 45 no apoiu administrasaun organizasaun nian. 

 

Responsabilidade

• Koordena atividade rekursu umanu HAMNASA nian, inklui koordena dokumentasaun no pagamentu ba seguransa sosiál, prepara timesheet kada fulan atu submete ba Finansas, prepara HR database no mantén HR files hanesan personnel files ho organizadu 
• Koordena prosesu rekrutamentu bainhira presiza, hanesan prepara vaga, simu aplikasaun, prepara shortlist, prepara oráriu entrevista no partisipa iha entrevista, husu referénsia no prepara relatóriu rekrutamentu no mós prepara kontratu 
• Asegura katak HAMNASA nia polítika no prosedúr rekursu umanu tuir duni HAMNASA nia presiza no mós tuir Lei Traballu Timor-Leste no rekerimentu husi doadór sira  
• Halo orientasaun ba empregadór foun sira, no koordena prosesa terminasaun ka para servisu ba empregadór ne’ebé para ka termina nia kontratu 
• Koordena prosesu avaliasaun dezempeñu ba empregadór hotu-hotu 
• Koordena formasaun ba empregadór sira, inklui formasaun formal ne’ebé iha, no mós buka oportunidade ba formasaun informal ho meius kreativu 
• Asegura balansu lisensa annual empregador kada fulan no manda ba SMT
• Dezenvolve no hadia formatu no template sira liga ho rekursu umanu 
• Asegura katak HAMNASA tuir duni komitmentu ba inkluzaun sosiál no igualidade jéneru, liu husi HAMNASA nia programa sira 
• Servisu besik hamutuk ho parte Finansas atu koordena ho di’ak parte finansas no rekursu umanu nian hanesan liga ho kontratu, payroll, no benefísiu sira  
• Suporta ekipa ezekutivu ho inisiativa ne’ebé liga ho ben estar seguransa no saúde empregadór sira, no mos oportunidade ba team building 
• Halo servisu balu ne’ebé liga ho administrasaun no koordenasaun Konsellu HAMNASA  

 

Kualifikasaun Edukasaun 

• Lisensiatura iha Rekursu Umanu, Administrasaun ka disiplina relevante sira seluk 

Esperiênsia no Kritéria Seluk

• Esperiénsia mínimu tinan tolu servisu iha rekursu umanu no administrasaun, liga ho responsabilidade sira ne’ebé temi iha leten 
• Experiensia dezenvolve no aplika rekerimentu politíka no prosedura rekursu umanu 
• Komprende didiak ambiente traballu Timor-Leste nian, p.e. liga ho Lei Traballu  Timor-Leste, Seguransa Sosiál, payroll no benefísiu ba emprgeadór sira  
• Exelente iha abilidade komunikasaun, koordenasaun no halo ligasaun 
• Abilidade servisu iha ekipa, esplika politika ho rekerimentu ba staf sira; no servisu individuál, ho fokus no detalladu 
• Organizadu, bele foti inisiativa, resolve problema 
• Exelente iha abilidade uza Microsoft Word, Excel no database sira 
• Abilidade ko’alia no hakerek Ingles hanesan vantajen ida 
• Abilidade halo tradusaun iha lian Tetun no Ingles hanesan vantajen ida 

 

Termus no  Kondisaun 

Pozisaun ne’e loke ba Timor oan de’it.  

Hetan vasina COVID-19 kompletu inklui doze 3 (Booster) hanesan rekerimentu ida ba pozisaun ne’e. 

Hatama CV no karta aplikasaun hatan ba aplikasaun ba pozisaun ida nee, diriji ba Rekursu Umanu HAMNASA, info@hamnasa.org. até fin do dia 26 Janeiru 2024.