Vaga Servisu - Enumerador/Kolekta Dadus (ema 16) iha Manatuto no Manufahi - World Vision Timor-Leste (WVTL)

CALL FOR INTEREST ENUMERATOR

 

World Vision Timor-Leste buka hela ema 16 (Sanulu resin neen) atu serbisu hanesan Kolekta Dadus iha Munisipiu Manatuto no Manufahi

Pozisaun: Enumerador/kolekta Dadus

Departmentu: Operasaun

Supervisór: Kórdenador Projetu/Ekipa Monitorizasaun

Numero pozisaun: 16

Tipu kontratu: Lokal

Fatin Serbisu: 

• Manatuto – Soibada, Natarbora, no Laclubar - Pozisaun 8,
• Manufahi – Alas no Fatuberlihu - Pozisaun 8

BACKGROUND

World Vision Timor-Leste (WVTL) nu’udar organizasaun umanitáriu no dezenvolvimentu ida ne’ebé bazeia-ba-fiar kristaun ne’ebé dedika an atu hadi’ak labarik, joventude no komunidade tomak nia moris di’ak. WVTL hala’o ona operasaun iha Timor-Leste dezde tinan 1995. Oras ne’e dadaun, ami nia programa sira implementa iha Aileu, Baucau, Bobonaro, Covalima, Oecussi, Manatuto, no Ermera. Ami nia vizaun maka labarik saudavel no foin-sa'e empoderadu ba komunidade forte’’. Atu atinji ida-ne'e, WVTL implementa programa sira ne'ebé foka ba área xave sira hanesan saúde no nutrisaun, agrikultura no empoderamentu ekonómiku, adaptasaun ba mudansa klimátika, responde umanitária no emerjénsia, no igualdade no inkluzaun jéneru, protesaun labarik, no dezenvolvimentu espirituál.

Halo parseria ho governu, organizasaun lokál sira, no doadór internasionál sira, WVTL implementa programa bazeia ba evidénsia no inisiativa advokasia ne’ebé aliña ho prioridade nasionál no objetivu dezenvolvimentu sustentável globál. Ho kompromisu atu haforsa komunidade sira no habelar lian lokál sira, WVTL kontinua kria mudansa sustentável, transformativu iha área balun ne’ebé vulnerável no remota liu iha Timor-Leste.

 

Responsabilidade Sira:

• Partisipa aktivamente iha enkontru no treinamentu sira ne’ebé relasiona ho prosesu halibur dadus.
• Koordena no halo traballu hamutuk ho Fasilitadór Projetu bainhira hala’o atividade sira iha terenu.
• Hatudu atitudu disiplina no respeitu durante prosesu halibur dadus iha komunidade.
• Hetan orientasaun no apoiu kontinu husi fasilitadór no koordenadór projetu nian.
• Uza efikazmente tablet atu halibur dadus husi komunidade, tuir instrusaun sira ne’ebé fó ona.
• Assegura katak dadus ne’ebé halibur kompletu, loloos no konfidensial.
• Kontrola, rai no entrega formuláriu sira ne’ebé prienxe ona ba Xefe Ekipa, tuir prosedimentu ne’ebé preskritu.
• Tuir rigorozamente regra, prinsipiu étika no padraun konfidensialidade bainhira hala’o servisu halibur dadus.
• Kumpri ho kódigu konduta no polítika Salvaguarda husi World Vision Timor-Leste.
• Fasilita diskusaun grupu fokus ho membru komunidade, inklui inan-aman, uza lian lokál no tradús ba Tetum se presiza.
• Asiste Xefe Ekipa atu prepara, organiza no proteje dokumentu/dadus hotu-hotu ho seguranza.
• Fó sira-nia observasaun, komentáriu no rekomendasaun ba Xefe Ekipa kona-ba problema, dúvida ka pergunta sira ne’ebé surgi iha terenu.

 

Kriteriu Seleksaun:

• Iha nivel edukasaun mínimu Sekundária Geral ka Sekundária Téknika.
• Iha background iha área Dezenvolvimentu Komunitária, Ekonómiku no Agricultura.
• Iha esperiênsia servisu antes hanesan Enumeradór iha proyekto ka levada dadus.
• Iha esperiênsia praktika uza tablet atu halibur dadus iha terenu.
• Aplikante tenke hela iha uma iha área hanesan, Manatuto (Soibada, Natarbora no Laclubar), ka Manufahi (Alas no Fatuberliu).
• Submete referénsia profesionál husi ema nain rua (2).

 

Instrusaun ba Aplikasaun:

1. Aplikasaun tenke submete liu husi email ba Departamentu General Services.
2. Aplikante sira presiza fornese orzamentu kustu serbisu kada loron iha karta aplikasaun ka prenxe formuláriu kotasaun ne’ebé iha anexu dokumentu.
3. Favor haruka ita-boot nia CV no Karta Aplikasaun ho lian lokál (Tetum) ka Inglés, ne’ebé ita-boot sente konfortável atu ko’alia ho di’ak.

 CV no Karta Aplikasaun tenke submete iha formatu PDF no tenke inklui dokumentu sira tuir mai:

• Kópia Bilhete Identidade ka Cartão Eleitoral válidu
• Sertifikadu Bom Komportamentu válidu husi Ministériu da Justiça

 

Aplikante sira ne’ebé iha interese, favor haruka dokumentu sira ba:

 wvtl_procurement@wvi.org antes loron 17 Jullu 2025, tuku 5 lokraik (oras Timor-Leste).

 

Favor hatene katak dokumentu sira hotu tenke submete liu husi email no Indika area ne’ebé ita interese atu aplika ba.

World Vision la aseita simu dokumentu iha formatu fisiku ka hardcopy.

 

World Vision sei kontaktu deit ba kandidatu sira ne’ebé pasa fase seleksaun dokumentu atu kontinua ba prosesu seleksaun ne’ebé tuir mai.

 

"World Vision Timor-Leste dedikadu ba salvaguarda labarik no adultu vulneravel sira. Ita mantein polítika toleránsia zero ba kualkér forma violénsia ka abuzu, inklui esplorasaun seksuál ka abuzu, ne'ebé komete husi funsionáriu sira ka ema ruma ne'ebé asosiadu ho ita-nia servisu. Ami iha komitmentu atu promove forsa servisu ida-ne'ebé oin-oin no inkluzivu no enkoraja maka'as kandidatu sira husi background oin-oin, inklui feto no individu ho defisiénsia sira, atu aplika."