Vaga Servisu - Kondutór & Lojístika - Hamutuk Nasaun Saudável (HAMNASA)

Hamutuk Nasaun Saudável - HAMNASA

Pozisaun : Kondutór & Lojístika

Relata ba : Xefe Kondutór & Lojístika

Fatin : Edifísiu Dili

Kona-ba HAMNASA

Hamutuk Nasaun Saudável (HAMNASA) hanesan organizasaun naun-govermental nasionál ne'ebé servisu hamutuk Ministériu Saúde Timor-Leste hodi implementa programa sira ne'ebé fó apoiu no hametin servisu saúde nian. HAMNASA nia programa no objetivu mak atu haforsa servisu saúde no hamenus mortalidade no morbilidade ba inan sira no sira-nia oan inklui servisu iha área violénsia bazeia ba jéneru, hodi kontribui ba objetivu saúde nasionál.

Rezumu Serbisu

HAMNASA loke rekrutamentu ba pozisaun Kondutór & Lojístika atu servisu hanesan Kondutór & Lojístika ba programa HAMNASA nian hotu no Kondutór & Lojístika sei supervisiona direta husi Xefe Kondutór & Lojístika (HAMNASA) ho kordenasaun ho Senior Admin Manager.

Responsabilidade sira

• Kondutór iha responsibilidade ba kareta HAMNASA nian hotu tuir polítika HAMNASA ne’ebé vigóra
• Kaer kareta HAMNASA nian tuir diresaun husi Supervizór
• Check kareta HAMNASA nian lor-loron uza formatu ne’ebé maka prepara husi Supervizór
• Hatama relatóriu ba iha Supervizór depois check hotu kareta, karik presiza hadia ou halo manutensaun ba kareta
• Kaer kareta no tula staff sira ne’ebé halo viajen ba munisípiu no iha Dili laran
• Fase no hamos kareta nia laran (interior) no liur depois halo viajen husi munisípiu.
• Asegura katak kareta iha kondisaun ne’ebé mos iha kualkér tempu
• Asegura katak mina ba viaturas sira sufisiente antes halo viajen ba munisípiu (karik presiza lori rezerva)
• Mantein log kilometrazen no halo kalkulasaun kilometrazen no oras servisu lor-loron.
• Relatóriu konabá log kilometrazen nian tenke halo remata iha dia 21 kada fulan no tenke relata ba iha supervizór
• Hare’e katak supply ba kareta nia ekipamentu hotu hanesan papél hizieniíku, kabu ba bateria nian, log book kilometrazen, xave roda, makaku ne’ebé presiza ba kareta nian, P3K no seluk- seluk tan – kompleta ka presiza aumenta, lakon ka tau sala no kondutór presiza check sasan sira ne’e no informa ba Supervizór kuandu sasan sira ne’e la iha fatin ou presiza aumenta ka troka
• Suporta servisu lojístika nian ba staff programa hodi organiza ekipamentu hotu ne’ebé presiza atu lori, rejista hotu antes viajen
• Hanesan kondutór/lojístiku, kondutór sira tenke tau matan bá ekipamentu hotu durante lori ba munisípiu (ezemplu: Projector, Gerador, Sound system, micro phone no seluk-seluk tan)
• Wainhira fila husi munisípiu mai fali kantor kondutór/logístiku tenke check fali ekipamentu sira ne’ebé maka lori no asegura katak ekipamentu hotu kompletu
• Depois check tiha ekipamentu karik balun maka a’at, kondutór/logístiku tenke informa ba Supervizór
• Servisu independente no iha inisiativa no responsabilidade. Iha tempu ne’ebé presiza sei involve iha programa halo koordenasaun ho pesoál saúde nivel distritu para atu organiza atividades ruma ne’ebé la dun presiza involvementu pesoál saúde/tékniku programa nian no suporta servisu lojístika, administrasun no programa seluk tuir diresaun husi Supervizór

Kualifikasaun Edukasaun

• Eskola sekundária

Esperiênsia no Kritéria Seluk

• Esperiénsia mínimu tinan rua ka tolu servisu hanesan Kondutór & Lojístika
• Iha koiñesimentu ne’ebe adekuadu kona-bá jestaun kareta
• Abilidade comprende kona ba kareta
• Abilidade ko’alia no hakerek ho efetivu
• Exelente iha abilidade komunikasaun, koordenasaun no halo ligasaun
• Exelente iha rede servisu negosiasaun hodi dezenvolve relasaun servisu ne’ebé diak ho Ministériu Saúde, OMS no stakeholder sira hotu
• Abilidade servisu iha ekipa no individual
• Organizadu no detalladu
• Iha SIM ka Karta Kondusaun
• Preferensia boot ba aplikante nebe iha SIM ba kareta kiik no boot
• Preferensia ba aplikante nebe esperensia lori kareta liu husi fronteira ba Oecusse

Hatama CV no karta aplikasaun manda bai ha email info@hamnasa.org ou bele lori direta mai iha HAMNASA Office até fin do dia 24 Jullu 2025