Vaga Servisu - Counsellor (Ema nain 2) - PRADET

Oportunidade Servisu

Pozisaun: Counsellor (Ema nain 2)

Background estudu: Médiku jerál, Psicologia no Trabalho Sociais

Halo reportazem ba: Jerente Programa

Area servisu: Dili no viajen ba Munisipiu seluk wainhira presiza

PRADET (Rekuperasaun no Dezenvolvimentu Psikososiál iha Timor-Leste) estabelese ona nu’udar ONG nasionál iha 2002 hodi fornese serbisu psikososiál ba ema ne'ebé hetan trauma, moras mental, violénsia doméstika/violénsia bazeia ba jéneru, tráfiku umanu no problema psikososiál sira seluk.

 

Agora daudauk PRADET buka hela Counsellor Feto ka Mane hodi fó apoiu psikolójiku no akonsellamentu (counseling) ba maluk sira ne’ebé hasoru situasaun; stres, trauma, abandona, ka ho kondisaun moris sosiál seluk ne'ebé kontribui ba violénsia oi-oin iha família, desharmonizasaun no seluk nune’e bele ajuda sira ne’ebé afetada atu hetan; rekuperasaun, sente forsa, hetan harmonizasaun iha família, fiar-an no korajen atu bele kontribui ba dezenvolvimentu iha família no komunidade.

Responsabilidade Counsellor:

• Halo asesmentu kazu (rekollamentu problema nia istória), dezeña intervensaun ba akonsellamentu inklui planu ba faze/etapa akonsellamentu sira no taka kazu ba pesoál ka grupu tuir nesesidade kliente nian.
• Garante katak informasaun hotu husi kliente rai ho segredu (konfidensialidade).
• Halo planeamentu ba jestaun kazu (maneja kazu) husi identifika problema to'o remata.
• Akompaña kliente bainhira presiza inklui iha loron férias.
• Halo atividade vizita uma hodi halo observasaun no konversa direta ho kliente sira ne'ebé hetan/simu ona akonsellamentu.
• Atende kazu referral husi parseiru servisu.
• Refere kazu/kliente ba organizasaun seluk ne’ebé iha relasaun servisu hamutuk hodi hetan suporta  ne’ebé apropriadu liutan.
• Halo promosaun kona-ba servisu PRADET direta ba komunidade no liu husi media atu komunidade hatene hodi bele asesu ba atendimentu.

Rekerimentu sira:

• Mínimo nivel edukasaun S1 iha área Médiku jéral, Psokologia no Traballo Sociais
• Tinan 3 ba leten komprende ka servisu tiha ona hanesan profesional saúde, Counsellor no esperiensia seluk iha Organizasaun lokal ou Internasional ruma
• Esperiénsia servisu ho vítima violénsia bazeia ba jéneru (GBV) sei sai vantajen boot
• Abilidade uja komputador ne’ebé avansadu iha MS Office
• Hatene uza e-mail hodi fasilita linña komunikasaun
• Bele halo komunikasaun ne’ebé diak ho lingua Inglês no Português ne'e hanesan vantajen  diak

Submisaun Aplikasaun:                                                                                      

PRADET enkoraja aplikantes sira inklui Feto no maluk defisiénsia sira ne’ebé iha paisaun atu ajuda ema seluk hodi halo mudansa ba moris ne'ebé kmanek liután atu aplika.

• Kurríkulu Vitae ho testamuña minimu nain rua (2) no Karta Aplikasaun iha lian Tetun/ Portugés ka Ingles diriji ba Rekursu Umanu no aneksu dokumentu suporta seluk iha fatin PRADET, Aldeia Efaca, Suku Manleuana, Dili Timor Leste ou liu husi email pradet_timorlorosae@yahoo.com ho númeru kontaktu (+670) 78475910/76218927
• Kandidatu sira ne’ebé tama iha short list/lista badak de’it maka sei kontaktu ba intervista.  

Data ikus/deadline ba vaga ne’e maka 31 Janeiro 2026.

Nb: Ba Informasaun detallu bele klik iha link: https://pradet.org.tl/wp-content/uploads/2026/01/Vaga-ba-Counselor-Dili-Janeiro-2026.pdf