Ofisial Projetu Edukasaun - CARE International iha Timor-Leste

PUBLISIDADE VAGA SERBISU 

CARE International iha Timor-Leste – CITL 

Internal & External

 

Projetu	Hatutan
Pozisaun	Ofisial Projetu Edukasaun
Supervisór	Sênior Ofisial Projetu Edukasaun
Grau	4
Salariu	Husi  USD 573 ho Benefisiu
Fatin Servisu	Liquica
Durasaun Kontratu	Tinan 1
Area Serbisu Presiza	Ofisial Projetu Edukasaun sei halao atividade bazeadu iha nivel eskola (Eskola Sentral no Eskola Filial) hodi apoiu diretamente ba pesoal eskola sira hodi hadiar: Prosesu hanorin literasia iha pre-eskola no Ensinu Baziku Siklu 1 ne’ebé halo liu husi apoiu Grupu Traballu Profesor iha agrupamentu ka/no nivel eskola; fó apoiu mentoria ba jestor eskola no manorin iha area literasia no jestaun eskola nian; atividade estra-kurikulár; mobilizasaun inan-aman iha asosiasaun inan-aman (Associação dos Pais e Professores – APP) hodi reinforsa kona-ba apoiu inan-aman no komunidade tomak iha labarik sira nia edukasaun iha eskola no mós iha uma. Apoiu eskola organiza kantu lee no aplikasaun sistema empresta livru, asiste no tulun manorin sira halao avalisaun formative no oferese aula reforsa ba alunu ho menus rezultadu.
Loron Ikus Hatama Aplikasaun	22 Outubru 2021
Aplikasaun Tenke Inklui	CV no Karta Aplikasaun De’it
Aplikasaun haruka bá	Manuela.dasilva@careint.org

 

INTRODUSAUN:

CARE International iha Timor-Leste (CITL) atu implementa projetu ida ho durasaun tinan 5 ho finansa husi Departamentu Agrikultura Estadus Unidus (USDA). Projetu ne’e bolu HATUTAN (Hahán ne’ebé Atu fó Tulun ho Nutrisaun no Edukasaun), atu harii parseria entre eskola no sira-nia komunidade hodi hadi’a literasia, aprendizajen, saúde no nutrisaun ba labarik no adultu sira iha munisípiu 4: Ainaro, Ermera, Liquica no Manatuto. Projetu nee parte parseria ho Ministériu Edukasaun, Juventude no Desportu nomos iha kolaborasaun ho Ministériu Saúde no Ministériu Agrikultura ho Peska. Objetivu atu hametin dezempeñu eskolár iha literasia, saúde no nutrisaun, serbisu hamutuk ho sistema eskolár iha nivel nasionál, munisipál no eskola nomos fó apoiu hodi hametin Programa Merenda Eskolar governu nian.

 

 

OBJETIVU POZISAUN NE’E:

Ofisial Projetu Edukasaun sei halao bazeadu iha Eksola Sentrál sira hanesan asesór ba agrupamentu eskola sira no mós apoiu iha eskola filial sira. Númeru eskola tarjetu bele to’o 10 no barak liu iha área ne’ebé remota no rural. Ofisial Projetu Edukasaun mak  sei fó apoiu diretamente ba pesoal eskola sira hodi hadiar: prosesu hanorin literasia iha pre-eskola sira nomos Ensinu Baziku Siklu 1 ne’ebé halo liu husi apoiu Grupu Traballu Profesor iha agrupamentu ka/no nivel eskola; oferese apoiu mentoria hodi organiza kantu lee no aplikasaun sistema empresta livru; mentoria ba manorin iha hanorin literasia no jestaun eskola nian; atividade estra-kurikulár; mobilizasaun inan-aman iha asosiasaun inan-aman no  Profesor – (AIAP) hodi fó apoiu ativu ba sira nia oan liu-kriasaun ba ambiente saudável ba sira nia aprendizajem iha eskola nomos iha uma.

 

Serbisu ida-ne’e presiza ema ida-ne’ebé bele serbisu ho profesionalizmu, bele serbisu mesak ka iha ekipa. Iha abilidade komunikasaun ne’ebé di’ak no fasil dezenvolve relasaun di’ak ho ema seluk. Iha abilidade di’ak hanesan fasilitador no bele fasilita formasaun, iha abilidade planeamentu no organizasaun, bele adapta situasaun ho lais; kreativu no proativu,  iha abilidade serbisu ho pesoal eskola no komunida iha area rural no remota sira. Pozisaun ida-ne’e presiza viajen frekuente ba fatin projetu iha munisípiu nia laran no viajen balun ba fatin servisu iha munisípiu sira seluk. Durante semana mak eskola sei halao aula sira, semana servisu tenke inklui Sábadu hodi halao atividade iha eskola sira. Semana servisu bele muda ba Tersa too Sábadu ka uza tempu kompensatoriu. Pozisaun ne’e sei bazeadu iha Munisipiu Liquisa no buka mos reserva ba Munisipiu Ainaro, Ermera no Manatuto.

 

 

KRITERIU NO KUALIFIKASAUN:

1. Kompleta ona baxaleratu iha area Edukasaun (Prefere Ensinu Baziku) no/ka Treinu Vokásional iha estudos Edukasaun, Jestaun, Desenvolvimentu Komunidade, Umanidade ka ekivalente;
2. Mínimu iha esperiensia serbisu tinan 2 ka 3 iha area edukasaun no iha kuñesementu kona-ba sitausaun no kondisaun sistema eskola iha Timor-Leste;
3. Iha esperiénsia antes hanesan professor ka formadór professor sira ka esperiênsia ho organizasaun naun-governmental mos fó vantajen;
4. Prefere liu kandidatu ida e’ebé iha esperiénsia ona serbisu iha Munisipiu ida ka liu; espesifikamente iha munisípiu tarjeitu;
5. Hatene hakerek no komunika iha Tetum ho di’ak, hatene lian Inglés mós di’ak liután;  Fó vantajem se bele ko’alia lian lokál ida (ka liu) hanesan Galoli ka Tetún Terik;
6. Iha abilidade di’ak kona-ba jestaun tempu, inklui abilidade atu planeia no jere prioridade serbisu oin-oin hdi asegura bele atinji serbisu ho di’ak tuir nia tempu;
7. Iha abilidade atu identifika no resolve problema, proativu foti aksaun no buka solusaun;
8. Onestu, hatene mantein konfidensialidade no konfiavél;
9. Iha esperiénsia serbisu ho organizasaun lokál no internasionál, no iha vontade atu aprende kona-ba CARE nia serbisu no politika, igualidade jéneru empoderamentu feto no protesaun labarik.
10. Kompreensaun ne’ebé di’ak tebes kona-ba metodolojia partisipatóriu atu mobiliza komunidade nomos abilidade maka’as ho fasilitasaun;
11. Hatudu abilidade di’ak iha treinu no fasilitasaun;
12. Bele simu instrusaun no servisu hanesan parte ekipa;
13. Abilidade di’ak ho Microsoft Office ho koñesimentu Microsoft Word, Excel no PowerPoint, abilidade numerasia di’ak ; no
14. Abilidade atu usa motorbike iha área remota ho karta kondusaun válidu fó vantajem.

 

OINSÁ APLIKA

Atu hatama naran ba pozisaun ne’e, favor haruka email ka hatama ho karta Curriculum Vitae ho karta aplikasaun deit inklui numeru kontaktu ka telefone (LA BELE TAMA DOKUMENTU SELUK) hato’o ba Manuela.dasilva@careint.org ka iha Unidade Rekursu Umanu, CARE International Timor-Leste, BairoPite, Dili. Loron ikus hatama 22 Outubru 2021.   CARE fó oportunidade igual no iha komitmentu ba ekipa ho diversidade. Feto mos bele aplika. CARE International Timor-Leste iha komitmentu protessaun direitu labarik no elimina violénsia baseadu jéneru ka asédiu sexual.